ЯҢАЛЫКЛАР

-Бик җаваплы көн булды бүген безнең, хуҗалык җитәкчеләре белән район хуҗалыклары басуларын карадык. Бергәләп сөйләшеп, һәр басуга анализ ясап, җәй буена эшлисе эшләрне планлаштырдык, - диде район җитәкчесе Энгель Нәвап улы Фәттахов бүген – 7 июнь көнне иртәнге сәгать биштә хуҗалык рәисләре белән хуҗалыклар басуларын карый башлап, кичке сәгать алтыда гына Актаныш үзәгенә кайтып кергәннән соң. 

-Бик сөенеп, куанып карадык чәчүлекләрне кош биеклегендә вертолеттан. Бик тигез, матур тишелеп киләләр. Шифалы яңгырлар явып  үткән бүген иртән дә. Аннан бер-ике көн элек тә 14 миллиметр күләмендә явым-төшем булган. Аңын өстәвенә, Аллаһы Тәгалә биргән явым-төшем белән астагы дым тоташкан. Җир дымы соң чәчелгән игеннәргә дә тишелеп чыгу өчен ышанычны тулысынча  бирә, - дип, кичә – 6 июнь көнне үз бәясен бирде актанышлыларга Татарстан Республикасы Премьер-министры урынбасары – авыл хуҗалыгы һәм азык-төлек министры Марат Готыф улы Әхмәтов. 

Бүген исә яңгыр көтелә.

Казанның үзәк стадионы  манежында футбол буенча KAZAN CUP халыкара турниры узды. Анда Казан, Мәскәү, Ашхабад һәм Мәскәү өлкәсеннән командалар катнашты.

7 июнь көнне район мәдәният йорты хезмәткәрләре, татар халкының милли традицияләренә таянып,  матур итеп Сабантуйга бирнә җыюны оештырдылар. Моңлы баян тавышы барлык кешеләрне Сабантуй бәрәменә  чакырып калды!

(Отдел культуры)

Бүген  Татарстан Республикасы Авыл хуҗалыгы һәм азык-төлек министрлыгында  терлекчелек тармагының 2018 елдагы  4 айлык  эшенә  йомгаклар ясадылар.  Киңәшмәне Татарстан Республикасы авыл хуҗалыгы һәм азык-төлек министры урынбасары   Нәҗип    Хаҗипов    үткәрде.  Киңәшмәдә районнарның  авыл хуҗалыгы һәм азык-төлек идарәләре башлыклары, терлекчелек буенча    консультантлары, “Татарстан Республикасы Авыл хуҗалыгы һәм азык-төлек министрлыгының Терлекчелектә нәсел эше буенча баш дәүләт  авыл хуҗалыгы идарәсе” ДКУ белгечләре катнашты.  

Татарстан Республикасы Авыл хуҗалыгы һәм азык-төлек министрлыгында  «2017 – 2020 елларга  Татарстан Республикасында   авыл хуҗалыгы  кулланучылар  кооперативларын  үстерү» федераль ведомство максатчан     программасы  буенча авыл хуҗалыгы  кулланучылар  кооперативларының  матди-техник базасын  үстерүгә грантлар  бирү өчен  аларны    сайлап  алу  буенча  конкурс комиссиясе утырышы узды. Грантларның  гомуми суммасы  171,7 млн. сум тәшкил итә, шуннан  99,6 млн. сумы   федераль бюджеттан  бүлеп бирелде.

Бүген  Татарстан Республикасы  Җир һәм мөлкәт мөнәсәбәтләре министрлыгында   авыл хуҗалыгы  билгеләнешендәге җирләрне бәяләгәндә үзара  ведомство  хезмәттәшлеген  оештыру  мәсьәләләре  буенча  «ТР Бәяләүчеләр берлеге» коммерциягә карамаган  партнерлык (НП) Идарәсенең һәм  Эксперт-консультация советының  киңәйтелгән утырышы узды.  Чарада  Татарстан Республикасы  җир һәм мөлкәт мөнәсәбәтләре министры урынбасары   Эдуард Дияров,  Татарстан Республикасы Министрлар Кабинетының АПК, җир  мөнәсәбәтләре һәм кулланучылар  базары  идарәсе  башлыгы   Валерий Аксанов,  «ТР Бәяләүчеләр берлеге» коммерциягә карамаган  партнерлык (НП) советы президенты   Андрей Лисичкин һәм башкалар  катнашты. 

2018 елның 8 июнендә иртән һәм көндез Татарстан Республикасы территориясендә урыны белән көчле җил көтелә.

Республиканың барлык районнары ветеринария берләшмәләре начальниклары, ветеринария лаборатория мөдирләре катнашында семинар-киңәшмә булды бүген Буада. Район ветеринария лабораторияләренең терлек азыгы әзерләүдә мөһим роле турында җентекле сөйләшү булды. Биредә һәрбер районның ветеринария берләшмәләре начальниклары терлек азыгы сыйфатын тикшерү буенча җавап тотты.