Татарстан авыл хуҗалыгы өлкәсендәге казанышларын Берлинда узачак “Яшел атна” күргәзмәсендә тәкъдим итәчәк
Татарстан үзенең авыл хуҗалыгы өлкәсендәге казанышларын Берлинда узачак “Яшел атна” күргәзмәсендә тәкъдим итәчәк. “ “Яшел атна” азык – төлек товарлары hәм авыл хуҗалыгы халыкара күргәзмәсе 84 тапкыр ГФР башкаласы Берлинда 18 - 27 январьдә узачак. Бу күргәзмә АПК өлкәсендә иң зур дөньякүләм вакыйга”,- дип ассызыклап үтте Татарстан Республикасы авыл хуҗалыгы hәм азык – төлек министрының беренче урынбасары Николай Титов.
Аның сүзләре буенча, абруйлы халыкара күргәзмәдә Татарстан агросәнәгать комплексы уңышлары аерым стендта күрсәтеләчәк. “Яшел атна” күргәзмәсендә Татпотребсоюз ( «Аш-су» компаниясе), ГБУ «Управление по аквакультуре и пчеловодству», «Майский» теплица комбинаты,, АО «Нэфис-Биопродукт», ОАО «Татспиртпром», ООО «Челны-Бройлер», «Ак Барс» холдинг компаниясе оешмалары катнашачак .
« Республика стендында күргәзмәгә килүчеләргә татар халык ашлары, умартачылык продуктлары, яшелчә, май продукциясе, майонез hәм кетчуп, алкоголь продукциясе, ит hәм сөт продукциясе тәкъдим ителәчәк. », – дип сөйләде Николай Титов.
Берлинда узачак “Яшел атна” күргәзмәсендә Татарстан делегациясен ТР Премьер – министр урынбасары, Татарстан Республикасы авыл – хуҗалыгы hәм азык – төлек министры Марат Әхмәтов җитәкләячәк.
Берлинда узачак “Яшел атна” күргәзмәсе - авыл хуҗалыгы, азык – төлек җитештерү hәм бакчачылык өлкәсендәге уңышларны күрсәтү буенча дөньяда иң зур күргәзмә. РФ Авыл хуҗалыгы hәм азык – төлек министрлыгы хәбәре буенча, быел әлеге чарада 60 илдән 1700 тирәсе экспонат катнашачак. Алар 100 меңнән артык азык – төлек, авыл – хуҗалыгы терлеге, аграр техника исемлеге тәкъдим итәчәк.