ЯҢАЛЫКЛАР

27 ноябрь көнне Балтач үзәк китапханәсендә Мәгъсүм Мөхәмәтҗановның “Сорнай” исемле китабын тәкъдир итү кичәсе уздырылды. Тарихи вакыйгалар, документаль хронология, авыллар, инеш-чишмәләр, данлыклы кешеләр турында язмаларга бай китап белән танышу кичәсенә китап сөючеләр, китапханәчеләр, китапның “герой”лары җыйналдылар. Район тарихын өйрәнүгә зур өлеш керткән авторны район башкарма комитеты җитәкчесенең социаль мәсьәләләр буенча урынбасары И.Ф.Гайнетдинов, “Сорнай” җәмгыяте җитәкчесе Т.Г.Гыйләҗев, район ветераннар советы рәисе Р.Г.Абдуллин , Балтач урта мәктәбенең тәрбия эшләре буенча директор урынбасары Р.Ә. Закирова, район авылара үзәк китапханәнең директоры Р.М.Зарипова котладылар. Китап укучыларның фикерләре, иҗатташ дусларының теләкләре белән баетылып кичә бик җанлы үтте.

«Спорт – зарарлы гадәтләргә альтернатива» акциясе кысаларында Урыссудагы 4 санлы мәктәпнең 4 сыйныфында “Без сәламәт яшәү рәвеше өчен” темасына проектлар яклау узды.

Бөгелмә аграр көллияте филиалында салым белемнәре ачык дәресе уздырылды.

Пенсия фондының Әлмәт район-шәһәр идарәсе иминият кертемнәре буенча бурычларны киметүдә зур эш алып бара.

Татарстанда 1 гыйнвардан физик затлар милкенә салым яңача исәпләнә башлый

29 ноябрь көнне Березняк авылы мәдәният йортында «Гомерләре ялгыз узса да» дип аталган бәйрәм кичәсе үтте. Бу бәйрәмгә, тол калып, балаларын ялгызлыкта үстергән әниләр чакырылды. Аларны котларга балалары, оныклары җыелды. Истәлек бүләкләре тапшырылды.

30 ноябрь көнне Чарлы авылы мәдәният йортында Әниләр көненә багышланган концерт куелды. Әниләргә карата күп җылы, ягымлы сүзләр әйтелде. Сәхнәдән аларга багышланган җырлар, шигырьләр яңгырады. Концерт тамашачыда зур тәэсир калдырды, канәгатьлек хисләре уятты.