ЯҢАЛЫКЛАР

16 - 24 апрельдә Лениногорск китапханәләре шундый исемдәге хәйрия акциясендә катнашты.  Ул авыл җирлекләре, белем бирү учреждениеләре катнашында үтте.

Бөрбаш китапханә филиалында 3 сыйныф укучылары бөек Тукаебызны искә алып, шигырьләр сөйләделәр. 

Габдулла Тукай-өлкәннәрнең дә,балаларның да яраткан шагыйре.Аның шигырьләрен кайчандыр әти-әниләребез укып үскән,хәзер аларны балалар өйрәнеп үсә.Чыннан да алар җанны җылыта,күңелне яктырта,туган телебезгә мәхәббәт тәрбияли. 26 апрель көнне "Карлыгач" балалар бакчасыннан килгән нәниләребез белән Арбор авыл китапханәсендә "Тукайлы балачак" исемле чара оештырылды.Шагыйрьнең кечкенәдән белем алырга,эш сөяргә,табигать белән дус булырга өндәгән иҗаты балалар тарафыннан яңгырады.Бәйрәм Туган тел җыры  белән тәмамланды.

Туган тел көнендә Пәрәү авылы китапханәсе "Тукай безнең йөрәкләрдә" әдәби-музыкаль кичәсе үткәрде. Әлеге чарага күргәзмә оештырылган, анда шагыйрь биографиясе турында китаплар, аның әсәрләре һәм татар милли культурасы предметлары куелган.

“Музей язы” акциясе кысаларында 26 апрельдә Г.Р.Державин исемендәге Лаеш ягы музеенда “Барысы да мәхәббәттән башлана...” шигърият кичәсе булды. Очрашуда өлкән буын кешеләренә мәхәббәтнең төрле формалары:   әти-әни мәхәббәте, эшкә мәхәббәт, ватанга мәхәббәт һәм ир-ат белән хатын-кыз арасындагы мәхәббәт турында сөйләделәр. Кунаклар белән бергәләп мәхәббәт темасына шигырьләр укылды һәм җырлар җырланды.

2017 елның 26 апрелендә Лаешның “Рябинка” балалар бакчасында Габдулла Тукай туган көнгә багышланган чара узды. Бу вакыйганы барысы да түземсезләнеп көтте. Тукай әсәрләре күргәзмәсе оештырылган иде. Балалар бакчасының тәрбияләнүчеләре дә, хезмәткәрләре дә әкият һәм балалар шигырьләре геройларына әверелде. Балалар шигырьләр сөйләделәр, җырлар җырладылар, татар шагыйре һәм язучысы тормышы турында кызыклы презентация карадылар. Аларның шатлыгының чиге юк иде!

Столбищеның "Сказка" балалар бакчасында Г.Тукай туган көненә багышланган бәйрәм булды. Атаклы авторның әсәрләре буенча костюмлаштырылган матур тамаша барлык балаларны һәм балалар бакчасы хезмәткәрләрен кызыксындырды.

Ел саен 15-нән 25-нче апрельгә кадәр «Шәфкатьлелек атнасы» дип аталган ирекле акция үтә.

Язгы мәрхәмәтлелек атнасы кысаларында район китапханәсендә, укырга теләп тә китапка килергә мөмкинчелекләре булмаган укучыларыбызның өйләренә китап илтеп бирү белән башланып китте. Китап бирү бүлегендә “Китап белән дөнья яктырак” китап күргәзмәсе эшләде. Олы яшьтәге китап укучыларыбызга түләүле китаплар бушка бирелде.

Чирмешән районы рус милли-мәдәни оешмасы Пасха атнасында төрле чаралар оештырды. Алар чирмешәнлеләр өчен зур вакыйга булды.

Бөек Ватан сугышында катнашучыларның тол калган хатыннарына бүләкләр.