“Бердәм Россия” партиясенең Минзәлә җирле бүлекчәсе ХХI конференциясе

 Конференция эшендә Андрей Кондратьев бүгенге көндә “Бердәм Россия”нең Татарстан региональ бүлегенең башкарма комитеты вазыйфаларын баш­каручы буларак катнашты. Якын арада ул Мәскәүгә бу урынга раслану өчен барачак. Минзәләлеләр көчле кул чабулар белән аның кандидатурасын әлеге урын­да хуплауларын белдерделәр. Партия ирархиясендә башкарма комитет җитәкчесе дәрәҗәле урын. Үзенең ялкынлы чыгышы белән Андрей Кондратьев партия әгъзаларында уңай тәэсир калдырды. Үз чыгышын­да урыннардагы хәл белән таныш икәнен күрсәтеп, бездә партия сафларында 1457 кеше торса да яңа әгъзаларның аз алынуын, партия тарафыннан җыелышларның, дискуссияләрнең аз үткәрелүен билгеләп үтте. Яшьләрне партия тормышы белән кызыксынырга, интернетта “Бердәм Россия”не яклап дискуссиядә катнашырга чакырды.

Конференциянең беренче көн тәртибендә партиянең җирле бүлекчәсенә секретарь сайлау тора иде. Җыелышны алып барган һәм әлеге вазыйфаны ва­кытлыча башкарган Елена Сысоева белдергәнчә, ике кандидат тәкъдим ителгән. Алар икесе дә сайлау бюллетененә кертелделәр Яшерен тавыш бирү юлы белән “Бердәм Россия” партиясенең Минзәлә бүлекчәсе секрета­ре итеп район башлыгы Ай­дар Салахов сайланды. Ул партиядәшләренә рәхмәт әй- теп, үз эшчәнлегендә аларның ярдәменә таяначагына басым ясады.

Конференциядә җирле бүлек- чәнең политсоветына яңа кандидатлар да сайлап ку­елды. Конференциядә ку­нак булып катнашкан Чаллы шәһәре мэры, “Бердәм Россия” партиясенең Чаллы бүлеге җитәкчесе Васил Шайхрази­ев үзенең дәлилле, канатлан­дыргыч чыгышында ни өчен район башлыгы партиянең җирле бүлекчәсен җитәкләргә тиешлеген раслады. Чыннан да райондагы проблемалар­ны хәл итү өчен республика дәрәҗәсендәге элемтәләр кирәк. Ә ул элемтәләр фәкать район башлыгында гына.

Алдагы өч елдагы сайлаулар­да партия үзенең җәмгыятьтәге урынын саклап калсын өчен көнне төнгә кушып идеоло­гик кына түгел, кешеләрнең яшәешен җиңеләйтүгә юнәлгән популяр һәм популяр булмаган конкрет эшләр дә алып барыр­га кирәк булачагын әйтте Васил Шайхразиев.

Конференция эшендә Дәүләт Советы депутаты Роберт Миңнуллин катнашты. Ә “Бердәм Россия”нең ХIV сез­дында делегат буларак катнаш­кан Радион Карпов үзенең хис- тойгылары белән уртаклашты, съезд кабул иткән документлар белән таныштырды.