ЯҢАЛЫКЛАР

5 август - Халыкара светофор көне уңаеннан, Шәмәрдән авыл һәм балалар китапханәсе мәдәният йорты белән берлектә «Теремок» балалар бакчасында «Светофорның туган көне» дип исемләнгән юл хәрәкәте кагыйдәләре буенча театральләштерелгән тамаша үткәрделәр. Балалар янына кунакка юлдагы төп ярдәмче - Светофор килде, җәяүлеләр һәм машиналар хәрәкәтен көйләп торучы булуы турында сөйләде. Юл кагыйдәләрен бозып, шукланып йөрүче Хулиган исә балалар ярдәмендә юл хәрәкәте кагыйдәләренең мөһимлеген аңлады. Чарада шулай ук Саба районында профилактика эшләрен алып баручы «Юл хәрәкәте иминлеге» бүлеге башлыгы Ягафарова Гүзәл Назыйф кызы да катнашты, ул балаларга юл йөрү кагыйдәләре һәм юл билгеләре турында сөйләде, соңыннан «Дозорные дороги» мультфильмын күрсәтте. Бәйрәм дәвамында балалар «Светофор сигналлары», «Жезлны тапшыр», «Табышмаклар», «Төсләр» кебек уеннар уйнадылар һәм юл билгеләре турында шигырьләр сөйләделәр. Бәйрәм ахырында балалар Светофорны котлап «Каравай» җырладылар һәм тәм-томнар белән бүләкләнделәр.

3 август көнне Йосыф – Алан авыл клубы, Юлбат мәдәният йорты һәм авыл китапханәсе хезмәткәрләре белән берлектә “Туган якка кайттым әле менә... ” дип исемләнгән авылдашлар очрашуы үткәрде. Очрашу кызыкла уеннар, концерт номерлары һәм җылы хатирәләр белән үрелеп барды. Бәйрәм учакта пешкән плау һәм мул табын артында чәй белән төгәлләнде.

Балачак - барлык кешеләр өчен дә хатирәле, матур, шатлыклы истәлекләр. Кем генә бала чагын сагынып искә алмый микән?! Ул бит кин, кабатланмас олы дөнья. Балаларның хәтирәләрендә якты, күңелле истәлекләрне баету максатыннан без Ике басу Арташ мәдәният йорты хезмәткәрләре китапханәче белән берлектә “Ял” клуб берләшмәсенә йөрүче балалар өчен “Хәзинә эзе буйлап” дип исемләнгән мавыктыргыч-күңел ачу уены оештырдык. Әлеге уенда балалар бик теләп катнашты. Балаларны ике командага бүленеп, “Кояшкай” һәм “Йолдызчыклар”, кулларына маршрут язылган карта алып, 4 турдан торган уен уйнадылар. Уенда күп төрле тема яктыртылды: юл йөрү кагыйдәләре, табигать, гаилә, спорт. Каршылыкларны һәм биремнәрне дөрес үтәп, куелган сорауларга җавап биреп, команданы артка калдырмыйча актив булып, һәр турны үтеп, финишка килеп җиттеләр. Финишта аларны хәзинә көтте. Хәзинә тартмасына һәр балага күчтәнәч бүләк салынган иде.

Кеше кайда гына яшәмәсен, кем генә булып эшләмәсен – күңеле белән ул туган якларыннан аерылмый. Башыңа кайгы килгәндә – кайгыңны уртаклашырга, чит җирләргә чыгып киткәндә – чагыштырып карага, җиңүләргә ирешкәндә – уңышларыңны күрсәтергә, көчең бетеп, арып егылганда – өр-яңа куәт алырга туган ягың кирәк. Ул сине аңлый, бервакытта да кире какмый. Бүген 3 август көнне Олы Кибәче авыл китапханәсендә уздырылган чарада да Туган авыл,Туган нигез,Туган туфрак төшенчәләре хакында сөйләштек. Авыл тарихын яктырткан “Һәр  башлангычның башы  - авыл” презентациясе аша  китап укучыларда авылга мәхәббәт хисләре белән беррәттән патриотик хисләр дә тәрбияләргә тырыштык.

3 август көнне Ике басу Арташ авыл китапханәчесе мәдәният йорты хезмәткәрләре белән берлектә “Чиста яр” акциясе кысаларында “Ширбәт” чишмәсе территориясендә җыештыру эшләре башкардык.

3 июль көнне Иске Икшермә авыл китапханәсендә «Дөньяны китап белән таныйм»дип исемләнгән чара үткәрелде. Китап күргәзмәсе оештырылган иде, анда балалар энциклопедияләре тәкъдим ителгән иде. Чара барышында балалар барлык нәрсә турында белергә мөмкин булган китаплар барлыгын, алар энциклопедияләр дип аталалар,нинди энциклопедияләр булуын,төрле планеталар, язучылар, дөнья илләре, үсемлекләр һәм башкалар турында күп кенә файдалы һәм кызыклы мәгълүмат саклауларын белделәр. Чара ахырында уен-ярыш үткәрелде: энциклопедиядә теге яки бу җавапка кем тизрәк җавап табачак.

2 август көнне Яңа Мичән авыл китапханәсендә “Китаплы кич “дигән әдәби кичә үткәрелде. Үткәрелгән чарага акцияләрдә һәм конкурсларда катнашучы балалар чакырылды. Китапханәче балалар китабы тарихы турында сөйләде. Китапның роле турында аңлатырга тырышты.”Бу китапларны беләсеңме “ дигән викторина үткәрде. “Китаплы кич” китап күргәзмәсенә күзәтү үткәрде.Мероприятие ахырында акцияләрдә катнашучы балаларга дипломнар тапшырылды.

Кеше үз тормышында иң җаваплы адым ясарга – һөнәр сайларга тиеш. Һөнәр-аңлы рәвештә сайланган юнәлеш ул, син аңа күп көч һәм вакыт сарыф итәсең. Характерның сәләте һәм сызыклары синең эшчәнлек төренә туры килергә тиеш. Кеше сайлый торган һөнәр аның киләчәген билгели. Күпләр өчен сайлау җиңел түгел. Бу-кеше үз тормышында кабул итә торган иң мөһим карарларның берсе. 2 август көнне Эшче һөнәрчеләр елы кысаларында Ике басу Арташ авыл китапханәсе Олы Арташ авыл клубы белән берлектә “Зову в свою профессию” дигән исем астында авыл хуҗалыгы буенча экскурсия үткәрдек. Экскурсия барышында робат фермасында булдык, анда балалар яңа технология кулланып эшләнелгән ферма белән якыннан кызыксынып таныштылар, тегермәндә, комбикорма ясау цехларында күзәтү үткәрделәр. Абый- апаларның эшләре ничек авыр,  түземлелек һәм күп көч сарыф ителүенә төшенделәр. Аларга сәламәтлек һәм уңышлар теләп таралыштык.

1 август көнне Килдебәк авыл китапханәсендә мәдәният йорты белән берлектә балалар өчен "Табигатьтә табышмаклар планетасы" исеме астында табышмаклар кичәсе үткәрелде. Балалар китапханәченең экологик табышмакларына төгәл җавап таптылар. Кичә бик күңелле үтте. Барлык балаларга да бүләкләр тапшырылды.

1 август көнне Район балалар китапханәсендә "Кыңгырау" балалар бакчасында тәрбияләнүчеләр өчен "Су асты дөньясы" мәгълүмат сәгате, һәм журналлар  ясау буенча мастер-класс үткәрелде.