ЯҢАЛЫКЛАР

2 август көнне Район китапханәсе "Әллүки" балалар бакчасында кунакта булдылар. Китапханәчеләр әкият геройлары булып киенеп  балалар белән "Китаплы балачак" иленә сәяхәт кылдылар.

Балалар һәм яшүсмерләр сәламәтлеген саклау һәм ныгыту, сәламәт яшәү рәвешен формалаштыру һәм сәламәтлек культурасын тәрбияләү максатыннан 1 нче август көнне Казанче Бигәнәй авыл китапханәсендә мәдәният йорты белән берлектә " Тормышны сайла!» дип исемләнгән танып-белү сәгате үткәрелде. Чара башында алып баручылар авыру-СПИДның каян һәм кайчан барлыкка килүе, бүгенге көндә нинди масштаблар алуы һәм планетабыз кешеләре өчен нәрсә белән янавы турында,тәмәке төтененең зыяны һәм психотроп матдә яки наркотик кулланудан барлыкка килгән авырулар турында сөйләделәр. Яшьләр белән  төрле тормыш ситуацияләре турында фикер алыштылар һәм бердәнбер дөрес тормыш юлы - сәламәтлек һәм спорт икәнлеге аңлатылды. Шулай ук китап күргәзмәсе тәкъдим ителде.

1 август көнне Иске Икшермә авыл китапханәсендә яңа аякка басып киләче "Ак калфак" берләшмәсенең утырышы булып узды.Кичәдә барлык катнашучыларда була алмады, ләкин шулайда  киләчәктә буласы кичәләр турында фикер алышып,җылы әңгәмә кордык. Алга табада барлык катнашучылар белән берлектә файдалы һәм куңелле кичәләр үткәрәргә дигән нияттә калдык.  

1 август көнне Оет авыл китапханәсе клуб  белән берлектә «Игенченең алтын куллары»дип исемләнгән мәгълүмат сәгате үткәрде. Чара башында кешеләрнең борынгы заманнарда ипигә хөрмәт белән караулары, икмәкнең валчыгын да әрәм итмәүләре турында сөйләдек. Балалар игътибарына "Икмәк-табынга нур сибүче, кешегә, илгә көч-куәт бирүче" дигән күргәзмә тәкъдим ителде. Китап күргәзмәсенә күзәтү ясалды, шигырьләр укылды. Музейда  балаларны икмәк җитештергәндә элек әби - бабаларыбыз  кулланган эш кораллары белән таныштырдык, борынгы кул тегермәне белән ярма ярып карадык. Бу чарага "Икмәк бөтен нәрсәгә баш"дигән стена газетасы чыгардык.  Чара балаларда икмәк үстерүдә һәм җитештерүдә катнашкан кешеләргә  ихтирам,   икмәккә  сакчыл  караш,  игенче хезмәтенә  мәхәббәт уятты.

1 август көнне Иске Икшермә авылы китапханәсендә, балаларның күзаллауларын киңәйтү, хәтер, логик һәм ассоциатив фикерләүне өйрәтү максатыннан "баш миенә разминка" исеме астында  ребуслар, кроссворлар һәм башваткычлар чишү чарасы үткәрелде. Кроссвордлар чишү кругозорны  киңәйтә, хәтерне яхшырта. Аның ярдәмендә сүзлек запасын баетырга, яңа, кызыклы нәрсәләрне белергә була, чөнки кроссвордның бөтен мәгънәсе нәкъ менә аны дөрес итеп чишүдә. Чара кызыклы һәм файдалы килеп чыкты, балалар яхшы кәеф алдылар һәм бик күп яңа сүзләр белделәр.

Бүген китапханәдә кунаклар күп булды. «Шоколад»  балалар бакчасыннан 3-4 яшьлек нәни дусларыбыз беренче тапкыр китапханәгә экскурсиягә килделәр. Китапханә кагыйдәләре белән, китаплар, уку залы белән таныштып, бик канәгать булып кайтып киттеләр.

1 август көнне район китапханәсенең уку залында даими укучыларыбыз өчен журналларда басылган әсәрләргә күзәтү үткәрелде.” Татарстан”,”Татарстанда җирле узидарә”, “Идел” журналлары  заман белән бергә атлап яңалыкларны үз вакытында җиткереп баралар. “Безнең Мирас”ның алтынчы санында басылган Фәүзия Бәйрәмованын ”Чат татарлары” мәкаләсе аеруча зур кызыксыну уятты.

Сатыш авыл китапханәсендә мәдәният йорты белән берлектә "Табигать һәм без" һәм «Эшче һөнәрләр елы»дип исемләнгән стена газетасы чыгарылды.  Китапханәче табигатьнең кеше тормышында мөһим роль уйнавы турында сөйләде. Катнашучылар Туган як табигате турында фикер алыштылар, табышмаклар чиштеләр. Безнең әйләнә-тирә тормышыбыз үзебездән генә тора, табигать һәм без-бер бөтен. Табигатьне, җәнлекләрне, кошларны саклау безнең төп бурычыбыз. Табигатьне юк итеп, без үз тормышыбызны, балаларыбызның тормышын һәлак итәбез. Ә табигатьне саклап калып, без үзебезгә һәм киләчәк буыннарга сәламәт һәм бәхетле булырга мөмкинлек бирәбез.

30 июль көнне район китапханәсендә периодика көне үткәрелде.Укучылар арасында “Минем яраткан журналым”дигән сорау алу уздырылды. Укучылар арасында “За рулем”, “ФИС”, “Приусадебное хозяйство”, “Сөембикә”, “ Казан утлары” журналлары зур уңыш казаналар.

30 июль көнне авыл китапханәсендә "Безнең гаиләдә барысы да китап белән дус"дип исемләнгән әңгәмә үткәрелде.  Чарада катнашучылар белән гаилә, китапның балалар тормышындагы роле турында сөйләшенде, укылган китапларны искә төшерделәр һәм яңалары белән таныштылар. Китап күргәзмәсендә ата-аналар балачакта укыган авторларның: А.С.Пушкин, Н. Носов Л. Толстой К. Чуковский, рус-халык әкиятләре,шулай ук балаларның яраткан, хәзерге заман язучыларының:А. Барто, А. Усачев,о. Пройслер, В. Бианки, Э. Успенский. Әлеге авторлардан һәм китаплардан тыш, күргәзмәдә оптимизм,игелеклелек китерә торган башка бик күп кызыклы һәм мавыктыргыч әсәрләр тәкъдим ителгән иде.