ЯҢАЛЫКЛАР

11 декабрь көнне приютта тәрбияләнүчеләр картлар йортында булдылар. Мохтаҗ һәм ялгыз кешеләр турында кайгырту җәмгыятебезнең аерылгысыз бер өлеше булып тора һәм өлкән яшьтәге кешеләргә яшәү өмете бирә.

Балалар һәм өлкәннәр бергәләп кар бөртекләре ясау буенча мастер-класс уздырдылар. Балалар бик теләп әби-бабайларга  ярдәм иттеләр, кайгыртучанлык һәм хөрмәт күрсәттеләр. Өлкәннәр балаларны күреп бик шатландылар һәм аларның кабат килүләрен көтеп  калдылар.

Халыкара инвалидлар көне күп еллар элек бәйрәм буларак расланды. Бәйрәмнең төп бурычы-җәмгыять игътибарын мөмкинлекләре чикләнгән кешеләр проблемаларына җәлеп итү.

5 декабрь көнне «Тургай» социаль приютында тәрбияләнүчеләр Инвалидлар декадасы кысаларында Мостафина Әнвәр янына бардылар. Ул Иске Икшермэ авылында яши. Безнең аралашу җылы дустанә атмосферада үтте. Балалар яңалыклар, укудагы уңышлары белән уртаклаштылар, йөрәк җылысын бүләк иттеләр, һәрвакыт игелекле һәм ярдәмчел кешеләр булыр, дип ышандырдылар. Чөнки һәрберебездә кечкенә генә кояш бар. Бу Кояш-игелеклелек. Игелекле кеше - ул кешеләрне ярата һәм аларга ярдәм итә. Очрашу ахырында балалар Әнвәр абыйга үз куллары белән ясаган кул эшләнмәләрен бүләк иттеләр. Бу күркәм традицияне алга таба да дәвам итэрбез!

.

29 ноябрь көнне безнең балалар авыл китапханәсендә экскурсиядә булдылар. Экскурсия-квест "Бирегә балалар барысын да белергә килә" профориентациясенә һәм  “Остазлар белән бергә” проектын тормышка ашыруга юнәлтелгән иде. Балалар яңа китаплар белән таныштылар, кроссвордлар чиштеләр. Бу очрашу барлык катнашучыларга да  бик  ошады, алар аннан канәгать калдылар.

Физик активлык  һәм хәрәкәтләнеп күңел ачу, бигрәк тә саф һавада, баш мие үсешен активлаштыра һәм иммунитетны ныгыта.

Саф һавада уйнарга мөмкин булган уеннар бик күп. Берәүләр үз көчләрен, җитезлеген, зирәклеген, хәрәкәтне координацияләүне, тиз реакцияне үстерә. Башкалар логик фикерләүне активлаштыра, күзаллауларын киңәйтә.

Саф һавада шөгыльләнү барыбызга да бик ошый.

1 октябрьдә Халыкара өлкәннәр көне билгеләп үтелә.  «Күңел җылысы белән уртаклаш» акциясе кысаларында, балалар шефлыкка алынган ветераннарыбызны өлкәннәр көне белән котладылар, аларга котлау открыткалары һәм татлы бүләкләр тапшырдылар.

Без өлкән буын кешеләре алдында бурычлы, без аларның тормышын яхшырак итә, аны җылылык һәм яктылык белән тулыландыра алабыз. Һәр өлкән кешегә хөрмәт белән карыйк.

22 сентябрь көнне, приютта тәрбияләнүчеләр, Казан шәһәренең "Әкият " курчак театрына, "Галәм балалары" дип исемләнгән шоу карарга бардылар.

"Галәм балалары" -ул фәнни-фантастик шоу-спектакль, ул балаларда фәннәргә кызыксыну, табигатькә сакчыл караш, шулай ук әйләнә-тирәлеккә толерант мөнәсәбәт тәрбияли.

Барлык балалар да күңелле юмор, көтелмәгән ачышлар һәм кызыклы экспериментлар белән сеңдерелгән мавыктыргыч маҗарада катнаштылар.

Терроризмга каршы көрәштә бердәмлек көне кысаларында, безнең приютта тәрбияләнүчеләр арасында  «Тыныч Россия» дигән темага рәсем конкурсы үткәрелде. Чараның максаты - балаларда толерантлык, мәрхәмәтлелек, патриотизм, Ватанга хөрмәт тәрбияләү иде. Катнашучыларга иң яхшы рәсем ясау өчен бөтен хыялларын һәм иҗади сәләтләрен күрсәтергә туры килде.

Бу конкурста җиңелүчеләр булмады, барысы да җиңде!

Ел саен  сентябрьдә Россиядә терроризмга каршы көрәштә бердәмлек көне билгеләп үтелә. Россиянең бу истәлекле датасы 2005 елда «Россиянең Хәрби дан көннәре турында» гы Федераль закон нигезендә билгеләнгән һәм Беслан шәһәрендәге фаҗигале вакыйгалар белән бәйле.

 Сентябрь аенда,"Тургай" приютында тәрбияләнүчеләр белән, 2004 елның сентябрендә Бесланда булган фаҗигале вакыйгалар истәлегенә багышланган " Без хәтерлибез...»  дигән чара уткәрелде. Чара барышында тәрбияләнүчеләр терроризм барлыкка килү тарихы һәм соңгы унъеллыкның иң танылган терактлары, шул исәптән 2004 елның сентябрендә Беслан шәһәрендә булган фаҗига турында искә төшерделәр.

Тәрбияләнүчеләр терроризмга һәм аның янавына карата  карашларын үз рәсемнәрендә чагылдырдылар.

"Бережок"ял базасы территориясендә "Робинзон" хәрби-патриотик слеты узды. Анда республиканың тугыз районыннан 10 яшьтән алып 15 яшькә кадәрге 50дән артык балигъ булмаган бала һәм яшүсмерләре катнашты. "Робинзон-2019" уены берничә этапта узды. Хәрби-патриотик уен тантаналы бүләкләү белән тәмамланды. "Робинзон - 2019" уенында катнашучыларның барысы да бүләкләнде.  Без җиңүчеләр өчлегенә кердек!!! 3 урын! УРА!

22 август-Дәүләт флагы көне. Һәр илнең үз билгесе  бар. Бу-дәүләт флагы. Приютта тәрбияләнүче балаларга презентация күрсәтелде. Презентация барышында балалар флагның тарихын өйрәнделәр, флагтагы төсләрнең нәрсә икәнен белделәр. Үз илеңне яратырга һәм аның белән горурланырга кирәклеген истә калдырдылар.