ЯҢАЛЫКЛАР

"Тургай" приютында шашка һәм шахмат тугэрэклэре эшлэп килэ. Шашка һәм шахмат уеннары нәтиҗәсендә балалар куелган максатка ирешүдә сабыр, тырыш, үҗәт булырга өйрәнәләр, эшкә сәләтлеләр, логик мәсьәләләрне хәл итә белүләрен өйрәнәләр, хәтерне тәртипкә салалар.

Бүген приютта «Хайваннар - безнең кечкенә дусларыбыз"дигән экологик сәгать узды.Чараның максаты: хайваннарга карата мәхәббәт һәм яхшы мөнәсәбәт тәрбияләү.Кечкенэдэн үк бала дөньясына үсемлекләр һәм хайваннар дөньясы белән аралашу керә. Безнең бурыч-балаларны бөтен тереклеккә сакчыл карарга өйрәтү.

Рэсем түгәрәгендә  без балалар белән Космосның серле дөньясын ясарга булдык.

Космос-балалар фантазиясен бик яхшы үстерүче темаларның берсе. Мондый рәсемнәрдә, барыннан да элек, күп кенә йолдызлар, матур, бер-берсенә охшамаган планеталар, кометлар, астероидлар һ. б. космик пейзаж булдыруга басым ясала.

Дәрес барышында балалар тагын бер традицион булмаган рәсем ясау методы белән таныштылар.

«Пушкин картасы» программасы ярдәмендә 23 март көнне «Тургай» балалар приютында тәрбияләнүчеләр М.Яруллинның концертын карадылар. Концерт  Теләче  мәдәният йортында узды. Программа хәзерге яшьләргә мәдәният һәм сәнгатьне өйрәнү белән кызыксынуны үстерергә, яшьтәшләре белән аралашырга ярдәм итә.

«Тургай»  приютында  «Тәмле ризыклар» түгәрәгендә балалар бик яратып шөгыльләнәләр.Түгәрәкне тәрбияче Гильфанова Миләүшә җитәкли. Алар түгәрәктә төрле тәмле-тәмле ризыклар пешерергә өйрәнәләр.

Яз белән бергә безгә матур  бәйрәм – 8 Март-Халыкара хатын-кызлар көне дә килде. 8 Март-язның иң гүзәл, иң назлы бәйрәме! Музыка җитәкчесе Гордеева  Галина һәм тәрбия эшләре планы нигезендә, тәрбияләнүчеләрнең иҗади сәләтләрен үстерү максатыннан, 2022 елның 6 мартында "Тургай" приютында 8 Март бәйрәменә багышланган бәйрәм чарасы үткәрелде.

Мәктәпкәчә яшьтәге балалар өчен иң яраткан һәм мавыктыргыч шөгыльләрнең берсе-әвәләп ясау.  Бу сәнгать иҗатының иң үзенчәлекле төре. Бала үзе ясаган әйберне күрә дә, тотып та карый, кулга алып кирәк булган саен үзгәртә дә ала.

Бүгенге дәреснең темасы: "уенчыклар өчен чәй сервизы".

Ватанны саклаучылар көне якынлаша. Ватанны саклаучылар - ул безнең егетләр, илебезне якларга әзер булып үсәчәк солдатлар.

Киләчәктә аларның һәркайсына армиябезнең нинди булуы бәйле.

Бүген без уен - викторина уздырдык, ә ул берничә турдан торды.

Уен барышында без балаларыбызның нинди җитез һәм кыю булуларын күрдек.

"Тургай волонтеры" программасын тормышка ашыру кысаларында, "карлы юллар"акциясе узды.

Балалар Бөек Ватан сугышы ветераны Радионова Нина янына бардылар. Балалар ишегалдын кардан чистартырга булышты һәм хуҗалык корылмаларына юл ачты.

Барысы да канәгать калды.

Әвәләп ясауны балалар бик ярата. Эшләнмәләрне пластилиннан, полимер балчыктан, тозлы камырдан, гипстан башкарырга була. Без бүген балалар белән тозлы камырдан, таяктагы әтәч пешердек.  Камыр — төрле фигуралар һәм композицияләр ясау өчен искиткеч пластик материал: нәфис, йомшак. Һәм менә нинди матур әтәчләр килеп чыкты!!!