ЯҢАЛЫКЛАР

Балалар юл-транспорт травматизмын кисәтү-бөтен җәмгыять проблемасы, балалар учреждениеләренең өстенлекле бурычларыннан берсе. Аны уртак көч белән генә хәл итеп була. Шуңа күрә ЮХИДИ инспекторлары белән очрашулар һәрвакыт актуаль һәм мөһим.

Бүген, юл хәрәкәте иминлеге өлкәсендә хокук бозуларны кисәтү максатыннан, «Юл хәрәкәте иминлеге» ДБУнең Саба районы буенча бүлегенең профилактика бүлеге начальнигы Ягафарова Гүзәл Назыйф кызы, Россия Эчке эшләр министрлыгының Саба районы буенча ЮХИДИ бүлегенең юл-патруль хезмәте инспекторы Мәҗитов Фаил Зөфәр улы һәм Икшермә авыл җирлеге полиция участок инспекторы Сәхәбиев Алмаз Альберт улы белән очрашу үткәрелде.

«Тургай» приютында тәрбияләнүчеләр «Оста куллар» түгәрәгендә шөгыльләнәләр. Барлык балалар да чәчәкләр ярата. Ә тагын да күбрәк алар аларны үзләре булдырырга яраталар. Приютта тәрбияләнүчеләр белән "Оста куллар" түгәрәгендә без изолоннан "лилия" чәчәкләрен әзерләп бетердек. Чәчәкләр бик матур килеп чыкты.

Кышкы каникуллар вакытында балалар «Саба» бассейнында булдылар. Мондый сәфәрләр элек тә булды, шуңа да карамастан, балалар аларны түземсезлек белән көтә. Балалар өчен бассейнга бару һәрвакыт зур шатлык. Безне бассейн хезмәткәрләре каршы алды, инструктаж үткәрделәр, киенү-чишенү бүлмәләре, душ бүлмәләре күрсәттеләр, балаларның иминлеген күзәттеләр. Рәхмәт аларга!

Балалар яхшы ял иттеләр, су коендылар.

Һәр Яңа ел безнең приютка үзенең сихри яңалыгы белән килә. Быел да приют ишеген ачып керүгә сихер дөньясы үзенә җәлеп итте. Һәр кешене матур итеп бизәлгән чыршы каршы ала, чыршыдан утлар бөтен коридорга таралып җемелдәшәләр. Балалар, тәрбиячеләр тырышлыгы белән ясалган уенчыклар күз явын алып, сихри дөньяга өнди. Балалар төрледән-төрле карнавал костюмнарына киенеп чынбарлыкны әкияткә әверелдерәләр.

Бөтен хезмәткәрләр тырышлыгы белән әзерләнгән бәйрәм тамашасы балаларны сөендерде. Кыш бабай белән кар кызы алып килгән бүләкләр аларны дөньяда күңелле мизгелләрнең күбрәк булуына ышандырды.

Кыш-могҗизалар вакыты!

Балалар Яңа ел алдыннан тылсым һәм могҗизалар көтәләр.

Бүген бу могҗизаны балаларыбызга бүләк иттеләр

Audio Master - Автозвук студиясе, HONDA CLUB Kazan һәм "Глобал күпере" ҖЧҖ.

Балаларга чын тылсым бәйрәме оештырдылар.

Балалар җырладылар, биеделәр, шигырьләр сөйләделәр, Кыш Бабай һәм Кар Кызы белән уйнадылар.

Балаларны тәмле һәм татлы мамык белән сыйладылар. Ә бәйрәм ахырында балаларны урамда башлап җибәрелгән матур фейерверк белән шаккатырдылар.

Балаларга бик күп бүләкләр алып килделәр, һәр тәрбияләнүче татлы пакетлар һәм пирожное алды.

Кунакларга бүләк ителгән хис-тойгылар, тәрбияләнүчеләребез күзләрендә бәхет һәм шатлык өчен зур рәхмәт әйтәсе килә.

«Тургай» приютында тәрбияләнүчеләр һәм хезмәткәрләр «Яңа ел чыршысын иң яхшы бизәү» конкурсында катнаштылар. Безнең кар сыннары һәм бизәлгән чыршылар бик матур килеп чыкты. Алар безгә Яңа Ел кәефе бүләк итәләр. Барыгызны да якынлашып килүче 2022 ел белән котлыйбыз!.

Бүген без "Яшь агач остасы" эше буенча тәрбияләнүчеләр белән Яңа елга Яңа ел боланын ясадык.Тәрбияләнүчеләр үзләре кистеләр,агарттылар, буядылар.Тәрбияләнүчеләр технологиянең төрле алымнарына өйрәнделәр, агач эшләнмәләрен нәфис эшкәртү буенча белем һәм күнекмәләрне киңәйттеләр.

3 декабрьдә, туган телләр һәм Халык бердәмлеге елы кысаларында, Казан шәһәрендә "Тәмле – татлы Татарстан" I Республика балалар гастрономия туризмы фестивале узды. Бу чарада безнең приютта тәрбияләнүчеләр Сабиров Адель, Сабирова Ләйлә һәм тәрбияче Гильфанова Миләүшә Тәфкил кызы катнашты. Фестиваль "АК БАРС СОЗИДАНИЕ"Хәйрия фонды ярдәме белән узды.

Беренче этапта тәрбияләнүчеләргә Ике милли ризыкның: "Сумса с рисом и йомырка" татар кухнясы, Белорусиянең "Драники"кухнясы видеосы тәкъдим ителде.

Ә бүген катнашучылар командасы белорус пирогын – "Дзяд"ны тәкъдим итте.

Безнең команда әлеге фестиваль лауреаты булды. Диплом һәм истәлекле бүләкләр тапшырылды.

«Тургай» приютында тәрбияләнүчеләр «Оста куллар»түгәрәгендә шөгыльләнәләр. Барлык балалар да чәчәкләр ярата. Ә тагын да күбрәк алар аларны үзләре булдырырга яраталар. Приютта тәрбияләнүчеләр белән "Оста куллар" түгәрәгендә без изолоннан "лилия" чәчәкләрен әзерләп бетердек. Чәчәкләр бик матур килеп чыкты.

Әвәләү-балалар өчен бик мөһим дәрес, ул иҗатны, кулларның вак моторикасын, киң фикерләүне, төс, предметларның формасы турында төшенчәне үстерә. Балаларга дәрес бик ошады.