ЯҢАЛЫКЛАР

«Гарденотерапия» программасы буенча февраль аенда без балалар белән чүлмәктә яшелчә культуралары белән эшләдек. Дәресләрнең максаты: савытлар әзерләү, тәрәзә төбендә яшелчә культуралары орлыкларын (болгар борычы) утырту; көн саен тәрбияләү, су сибү һәм шытымнарны күзәтү.

3 атна элек без болгар борычы орлыгын утырттык. Балалар орлыкларны җиләк-җимештән ничек алырга кирәклеген белделәр, аларны утыртырга өйрәнделәр.

Мондый дәресләрдән балалар уңай эмоцияләр һәм шатлык алалар. Үз эше өчен мактаулардан балаларда үз-үзләренә ышаныч барлыкка килә, үзбәя үсә.

     Безнең илебез матур, чикләре бик зур. Халкыбыз тыныч яшәсен өчен, аның чикләрен  җирдән дә, судан да, hавадан да сакларга кирәк. 22 февраль көнне "Тургай" приютында тәрбияләнүчеләр белән Ватанны саклаучылар көненә багышланган бәйрәм концерты үткәрелде. Бу бәйрәм балаларда кыю, батыр солдат булу теләге уяту, әтиләре, абыйлары белән горурлану, патриотик хисләр тәрбияләү өчен бик яхшы мөмкинлек булды. Балалар шигырьләр сөйләделәр, җырлар җырладылар, биеделәр. Бәйрәм бик күңелле үтте.

«Изге Вәли» көне-ул дуслык бәйрәме. Бу-мәхәббәт, игелек, кешеләрнең бер-берсенә карата булган хөрмәт  көне. Ә «Тургай» приютында-балалар белән әхлакый сыйфатлар, дуслык, үзара аңлашу һәм игелеклелек турында сөйләшү өчен тагын бер матур сәбәп.

Бүген тәрбияләнүчеләр белән бу искиткеч, якты бәйрәмне билгеләп үттеләр. Бәйрәм барысына да ошады.

Бүген «Тургай» приютында тәрбияләнүчеләр, тәрбияче Гильфанова Миләүшә белән берлектә, терроризмны кисәтү буенча «Без террорсыз һәм сугышсыз балачак өчен» дигән мәгълүмати листовкалар таратып профилактик акция үткәрделәр.Чараның максаты: терроризмның нәрсә, аның нәтиҗәләре нинди икәне, аннан саклануның мөмкин булган ысуллары турында мәгълүмат бирү иде.

ТАССРның 100 еллыгына әзерлек актив рәвештә бара. Чараларда тәрбияләнүче балаларнын диалогик һәм монологик сөйләмнәрен үстерәбез, туган ягыбыз өчен патриотизм хисе тәрбиялибез, Татарстан тарихы белән таныштырабыз.

1 февраль көнне бездә "Минем Туган ягым - Татарстаным" исемле виртуаль экскурсия узды. Шулай ук "Татарстан буенча" дигән викторина үткәрелде. Балалар чараларда актив катнаштылар, бик күп файдалы мәгълүмат алдылар. Балаларга бүләкләр һәм грамоталар тапшырылды. Алар грамоталарны портфолиога  тутырдылар.

Биккинин А.И. җитәкчелегендә балалар "Яшь Столяр" түгәрәгендә "Лабиринт" дип аталган яңа уен ясадылар. Балалар фанерадан әйләнеш кисәргә, предметның детальләрен җыярга өйрәнделәр. Эшнең йомгаклау этабына килергә балаларга команда рухы ярдәм итте. Балалар иҗатларыннан бик канәгать калдылар. Уен  барлык балаларга да ошады.

Мәктәпне тәмамлагач, "Алга таба кая барырга һәм нәрсә белән шөгыльләнергә ?"дигән сорау туа. Киләчәккә нинди һөнәр сайлаячагыңны алдан билгеләү яхшырак. Бу тормышта чын-чынлап җитди адым.  Балаларны һөнәрләр белән таныштыру һәм барлык һөнәрләргә дә уңай мөнәсәбәт формалаштыру максатыннан, алар белән "Һөнәрне сайла"дип исемләнгән уен-викторина үткәрелде. Балалар чарада  бик актив катнаштылар.

Яңа ел-һәр йортта, һәр гаиләдә иң яраткан, иң изге, әкияти бәйрәм. Тик безнең балалар кебек яңа ел могҗизасын, Тылсымлы үзгәрешләр һәм маҗараларны беркем дә көтми.

Яңа ел-көтеп алынган теләкләрнең тормышка ашу вакыты, һәм балалар өчен яңа ел бәйрәмен көтү Кыш Бабай һәм Кар Кызы белән очрашудан тылсымлану белән бәйле. Бәйрәм атмосферасы приютта Яңа ел алды атнасы буе хөкем сөрде, һәм үткәрелгән балалар иртәсе барысын да әкияткә күмде.

Матур традиция буенча бәйрәм ахырында балалар Яңа ел бүләкләре алдылар. Бэйрэм бик кунелле үтте.

 Альпари балаларны кабат сөендерә! Бу юлы Кидспейска бару! Аларның йөзләрендә күпме шатлык күрергә мөмкин иде! Балаларга-  полиция, фермерлар, флористлар, галимнәр, автомобильчеләр, умартачылар, сатучылар, банк хезмәткәрләре һәм башка бик күп һөнәрләрне күрергә туры килде! Бу шатлык һәм күңелле тәэсирләр, очрашулар балалар кунелендә бик  озак истәлеккә калачак! Мондый очрашулар кубрәк булсын иде.

Приютта тәрбияләнүчеләр кичә тимераякта шудылар. Һава торышы бик әйбәт булды. Тимераякта шуганда саф һавада тиз хәрәкәт итәргә була. Бу сәламәтлекне ныгыта, организмны чыныктыра, тизлекне, көчне, җитезлекне һәм чыдамлыкны үстерә. Тимераякта шуу балаларга бик ошады.