ЯҢАЛЫКЛАР

     Чәчәкләрнең матурлыгы-ул үзенчәлекле, тылсымлы матурлык. Күңелне һәм йөрәкне гаҗәеп хисләр белән тутыручы. Мондый хисләрне безне көннән-көн куандырып торган чәчәкләр генә бүләк итә ала.

Хатын-кызларның төп рольләренең берсе-хатын, ана, гаилә учагын саклаучы булу. Ана булу, хатын-кызның чын асылы буларак, табигать белән салынган, һәм моның белән бәхәсләшеп булмый.

    Саба муниципаль районының пляж волейболы буенча 2021нче ел сезоны чемпионатында (Байлар Сабасы зонасы) безнең хезмәткәрләр актив катнашты. «ФБП 1» командасын тәкъдим иткән Заһидуллина Гөлнара Фәнис кызы һәм Шакирова Лилия Радик кызы мактаулы 2 урынны яуладылар!

  5нче июль көнне Байлар  Сабасында машина йөрту осталыгын билгели торган «Автоледи 2021» конкурсы булып узды. Әлеге чара ел саен машина йөртүчеләрдә юл хәрәкәте кагыйдәләрен белүләрен һәм автомобиль белән идарә итү күнекмәләрен ныгыту, шулай ук аларны юл хәрәкәте иминлеген пропагандалауга җәлеп итү максатыннан үткәрелә.Ел саен Саба муниципаль Финанс-бюджет палатасы хезмәткәрләре бу конкурста актив катнашалар һэм призлы урыннарга лаек булалар. Быел узенең осталыкларын Давлетшина Рузалия Мулланур кызы һэм Саматова Гулия Равил кызы курсәттеләр.Алар 2нче хэм 3нче урынлы дипломнар һэм истэлекле буләкләргэ ия булдылар.

Яшьләр көне – яшь буын бэйрэме генэ тугел,ә һәркайсыбызныкы да. Чөнки барыбыз да куңелдә үзебезне яшь, сәламәт һәм оптимист итеп хис итәбез. Бу бәйрәм безнең районда да ел саен күңелле һәм актив уза.

    Милли бәйрәм Сабантуй – спорт ярышлары, концерт hәм куңел ачу программасы, халык hәм балалар уеннары белән үрелеп баручы бәйрәм. Сабантуй төрле миллэт кешеләрен берләштерә, буыннарны бәйли, үсеп килүче буында әхлакый hәм мәдәни кыйммәтләрне тәрбияли. Һэм, әлбәттә,бу бәйрәм бөтен гаилә белән ял итэргэ, якын дуслар белән очрашырга менә дигән момкинлек.

   Бәйрәмнәр алдыннан Финанс-бюджет палатасы һәм Үзәкләштерелгән бухгалтерия хезмәткәрләре өмәгә чыктылар. Өмә барышында зур эшләр башкарылды: оешма тирәсендәге территория чүп-чардан, яфраклардан, корыган үләннән чистартылды, куаклар киселде, чүп-чар җыелды, Сабинка елгасы ярының бер өлеше җыештырылды. Өмә вакытында бик куп чуп һәм яфрак җыелды. 

     Финанс-бюджет палатасы коллективы районда узучы барлык чараларда да актив катнаша.

     2021 елның 20 апрелендә Саба-Арена спорт мәктәбендә Туган телләр һәм Халык бердәмлеге елына багышланган «Акыллар көрәше» дип исемләнгән интеллектуаль уен үткәрелде.

     Саба муниципаль районы Башкарма комитетының архив бүлеге җитәкчесе Альбина Нәкыйп кызы Сираҗетдинова ярдәме белән 2019 нчы елда Саба муниципаль районы Финанс-бюджет палатасы «Коммерцияле булмаган оешма һәм ачык хакимият органнарының иң яхшы архивы» бәйгесендә катнашты. Конкурс нәтиҗәләре буенча «IT-архив» проекты белән без мактаулы өченче урынны алдык һәм 500000 сум күләмендә грантка лаек булдык.

    Ел саен Саба районында район оешмалары һәм предприятиеләре арасында отчет-иҗат концертлары уза. 2020 елда концертлар «Буыннар чылбыры»-«Буыннар бәйләнеше»дигән девиз астында үтте. 6 март көнне Кече Кибәче авыл клубында Финанс-бюджет палатасы, Үзәкләштерелгән бухгалтерия һәм Татарстан Республикасы Финанс министрлыгының Казначылык департаментының Саба районындагы территориаль бүлегенең отчет-иҗат концерты булып узды. Конкурс нәтиҗәләре буенча Финанс-бюджет палатасы һәм Татарстан Республикасы Финанс министрлыгының Казначылык департаментының Саба районындагы территориаль бүлеге Гран при белән бүләкләнде.  Барлык катнашучыларны чын күңелдән котлыйбыз! Сез булдырдыгыз!