ЯҢАЛЫКЛАР

Район мәдәният йорты офис хезмәткәрләре көненә багышланган матур бәйрәм мәйданчыгына әйләнде. Тантаналы чараларда Саба районының «Балкыш» халыкка социаль хезмәт күрсәтү комплекслы үзәге командасы актив катнашты.

Актив яшәү рәвешен саклап калу һәм өлкән яшьтәге гражданнарның һәм мөмкинлекләре чикләнгән кешеләрнең иминлеген тәэмин итү омтылышында "Балкыш" халыкка социаль хезмәт күрсәтү комлекс үзәге белгечләре Саба муниципаль районында уникаль социаль технологияне – «Гарденотерапия»не гамәлгә ашыралар. Тормыш сыйфатын яхшыртуга юнәлдерелгән бу программа, гадәти участокларны чәчәк атучы оазисларга әйләндереп, тәрбияләнүчеләрне бакчачыллык эшчәнлегенә җәлеп итүне күздә тота.

25 апрель көнне «Балкыш» халыкка социаль хезмәт күрсәтү үзәге коллективы традицион өмәгә чыкты. Сабинка елгасының яр буе тәртипкә китерелде. Өмә барышында хезмәткәрләр территорияне комплекслы чистарттылар: көнкүреш чүп-чарларын, коры ботакларны һәм былтыргы яфракларны җыйдылар. Аларның уртак тырышлыгы нәтиҗәсендә яр буе тәртипкә китерелде, бу туган якны төзекләндерүгә зур өлеш кертә.

Мондый чаралар торак пунктларда чисталык һәм тәртип сакларга гына ярдәм итеп калмыйча, халык арасында экологик культура формалаштыруга да ярдәм итә, әйләнә-тирә мохиткә сакчыл караш тәрбияли.

25 нче апрель көнне Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе социаль педагогы Нәгыймова М.С.  балалар белән Чернобыль АЭСдагы вакыйгалар турында Хәтер сәгате үткәрде. Чара барышында балигъ булмаганнар белән берничә буын кешеләр тормышында эз калдырган вакыйга турында дискуссия үткәрелде. Балалар киләчәктә экологик һәлакәттән ничек котылырга кирәклеге турында фикер алыштылар, илдә, республикада, шәһәрдә экологик хәлнең һәрберебезгә дә бәйле булуын билгеләп үттеләр.

23 апрель көнне Саба районындагы «Балкыш» халыкка комплекслы социаль хезмәт күрсәтү үзәгенең гаилә һәм балаларга социаль ярдәм күрсәтү бүлекчәсе социаль педагогы Нәгыймова М.С. социаль хезмәтләрдән файдаланучылар белән «Тынычлык Күгәрчене- Җиңү Күгәрчене» дип исемләнгән акция үткәрде. Әлеге акция Бөек Ватан сугышында Җиңүнең 80 еллыгына багышлана һәм бөтен җир шары өчен тынычлыкның никадәр мөһим булуын күрсәтә. Акциянең максаты: Бөек Җиңүнең нинди бәя белән яулап алынганын онытмаска, аны балаларга җиткерергә, тынычлык, игелеклелек һәм кешеләргә карата ихтирамның әһәмиятен аңлауны ныгытырга.

Бүген «Балкыш» халыкка социаль хезмәт күрсәтү үзәгендә учреждение территориясен төзекләндерү һәм җыештыруның чираттагы   өмәсе узды. Барлык хезмәткәрләр дә, көндәлек эшләрен калдырып, территорияне җыештырырга чыктылар.  Бергәләп үлән һәм яфракларны җыйдылар, көнкүреш чүп-чарларын җыештырдылар. Мондый чаралар бик кирәк ,  хезмәткәрләр анда  теләп катнаша. Учреждение территориясенең май бәйрәмнәренә матурлануында безнең һәрберебезнең  өлеше бар . Апрель-нәкъ менә чисталык һәм тәртип урнаштыруның гадәти вакыты.

11 апрель көнне Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Халыкара фашист лагерьлары тоткыннарын азат итү көне уңаеннан, балигь булмаган балалар белән чара үткәрделәр.

Чараның максаты: балаларны Бөек Ватан сугышы фактлары белән таныштыру; толерантлык, тарихи фикерләү һәм геноцид корбаннарын искә алу. Балаларга Я.Корчак турында фильм күрсәтелде. Табиб, педагог, язучы Януш Корчак кеше рухының ныклыгы символына әверелде. Чара ахырында социаль педагог балаларны Я.Корчак эшен дәвам итүче волонтерлар эшчәнлеге белән таныштырды.

Саба мәдәният йортында Ватанны саклаучылар елы һәм Бөек Ватан сугышының Җиңүнең 80 еллыгы уңаеннан оештырылган «Герой әтисе» республика күчмә фотокүргәзмәсе ачылды!
Геройлар, аларның әтиләре, һәм батырлыклары белән танышу максатында 7 апрельдә Саба районы «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе  белгечләре социаль хезмәтләрдән файдаланучылар белән әлеге фотокүргәзмәдә булдылар. Һәр Ата өчен улы- нәсел дәвамчысы, өмете һәм таянычы. Һәр ул өчен Әти- батырлык, ышанычлылык һәм җаваплылык үрнәге. Бу күргәзмә чын патриотлар, Ватанны саклаучылар тәрбияләгән әтиләр турында.

Без чын күнелдән бу чарада теләп катнаштык. Үзебезгә бик куп тарихи мәгълүматләр тупладык. Мондый мөһим теманы ачу патриотлар һәм җаваплы гражданнар тәрбияләүдә мөһим адым булып тора.

Россия календаре буенча яңа бәйрәм – йөклеләр көне барлыкка килде. 2023 елдан аны елга ике мәртәбә билгеләп үтәләр: 7 апрельдә һәм 7 октябрьдә - Яз һәм көз көннәрендә, тормыш яңарып, аннары җимеш биргән чорда. Әлеге бәйрәм уңаеннан Саба үзәк хастаханәсендә Бөтенроссия йөкле хатыннар көне кысаларында «Ана булу шатлыгы» дигән түгәрәк өстәл узды.

Чараның модераторлары- Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе психологы Нәгыймова М.С. һәм Саба үзәк район хастаханәсе педиатры Йосыпова М.Х. иделәр.

Чара башында педиатр кыскача йөкле хатынның яшәү рәвеше, йөклелек этаплары, туганнан соң бала карау үзенчәлекләре белән таныштырды. Психолог “Сабыйны көткәндә” темасына тренинг үткәрде һәм бала табуга психологик яктан әзерләнү турында сөйләде. Булачак әниләргә ташламалар, күп балалы гаиләләргә матди ярдәм күрсәтү турында мәгълүмат бирделәр.

Очрашу иркен шартларда узды, вакыт сизелмичә дә үтеп китте. Булачак әниләр яхшы кәеф белән таралыштылар.

             2025 елның 02 апрелендә «Абилимпикс» чемпионатларының ярыш программасының бер өлеше булган «мөмкинлекләр фестивале»чарасы узды. 
Саба муниципаль районының «Балкыш» халыкка социаль хезмәт күрсәтү үзәге социаль хезмәт күрсәтүчеләре:

нәфис сүз;

җырлау сәнгате;

төймә белән рәсем ясау;

сәйлән эшләнмәләр ясау;

пирография;

сабын кайнату;

пластилин белән рәсем ясау компетенцияләрендә актив катнаштылар. 
            «Мөмкинлекләр фестивале» нәтиҗәләре буенча барлык катнашучылар да сертификатлар һәм кызыксындыру призлары алды. 
             Барысына да чара бик ошады, «Мөмкинлекләр фестивале» ндә катнашучылар үзләренең остазлары белән һөнәри мәйданчыкларда матур эшләнмәләр ясадылар.