ЯҢАЛЫКЛАР

11 апрель көнне Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Халыкара фашист лагерьлары тоткыннарын азат итү көне уңаеннан, балигь булмаган балалар белән чара үткәрделәр.

Чараның максаты: балаларны Бөек Ватан сугышы фактлары белән таныштыру; толерантлык, тарихи фикерләү һәм геноцид корбаннарын искә алу. Балаларга Я.Корчак турында фильм күрсәтелде. Табиб, педагог, язучы Януш Корчак кеше рухының ныклыгы символына әверелде. Чара ахырында социаль педагог балаларны Я.Корчак эшен дәвам итүче волонтерлар эшчәнлеге белән таныштырды.

Саба мәдәният йортында Ватанны саклаучылар елы һәм Бөек Ватан сугышының Җиңүнең 80 еллыгы уңаеннан оештырылган «Герой әтисе» республика күчмә фотокүргәзмәсе ачылды!
Геройлар, аларның әтиләре, һәм батырлыклары белән танышу максатында 7 апрельдә Саба районы «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе  белгечләре социаль хезмәтләрдән файдаланучылар белән әлеге фотокүргәзмәдә булдылар. Һәр Ата өчен улы- нәсел дәвамчысы, өмете һәм таянычы. Һәр ул өчен Әти- батырлык, ышанычлылык һәм җаваплылык үрнәге. Бу күргәзмә чын патриотлар, Ватанны саклаучылар тәрбияләгән әтиләр турында.

Без чын күнелдән бу чарада теләп катнаштык. Үзебезгә бик куп тарихи мәгълүматләр тупладык. Мондый мөһим теманы ачу патриотлар һәм җаваплы гражданнар тәрбияләүдә мөһим адым булып тора.

Россия календаре буенча яңа бәйрәм – йөклеләр көне барлыкка килде. 2023 елдан аны елга ике мәртәбә билгеләп үтәләр: 7 апрельдә һәм 7 октябрьдә - Яз һәм көз көннәрендә, тормыш яңарып, аннары җимеш биргән чорда. Әлеге бәйрәм уңаеннан Саба үзәк хастаханәсендә Бөтенроссия йөкле хатыннар көне кысаларында «Ана булу шатлыгы» дигән түгәрәк өстәл узды.

Чараның модераторлары- Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе психологы Нәгыймова М.С. һәм Саба үзәк район хастаханәсе педиатры Йосыпова М.Х. иделәр.

Чара башында педиатр кыскача йөкле хатынның яшәү рәвеше, йөклелек этаплары, туганнан соң бала карау үзенчәлекләре белән таныштырды. Психолог “Сабыйны көткәндә” темасына тренинг үткәрде һәм бала табуга психологик яктан әзерләнү турында сөйләде. Булачак әниләргә ташламалар, күп балалы гаиләләргә матди ярдәм күрсәтү турында мәгълүмат бирделәр.

Очрашу иркен шартларда узды, вакыт сизелмичә дә үтеп китте. Булачак әниләр яхшы кәеф белән таралыштылар.

             2025 елның 02 апрелендә «Абилимпикс» чемпионатларының ярыш программасының бер өлеше булган «мөмкинлекләр фестивале»чарасы узды. 
Саба муниципаль районының «Балкыш» халыкка социаль хезмәт күрсәтү үзәге социаль хезмәт күрсәтүчеләре:

нәфис сүз;

җырлау сәнгате;

төймә белән рәсем ясау;

сәйлән эшләнмәләр ясау;

пирография;

сабын кайнату;

пластилин белән рәсем ясау компетенцияләрендә актив катнаштылар. 
            «Мөмкинлекләр фестивале» нәтиҗәләре буенча барлык катнашучылар да сертификатлар һәм кызыксындыру призлары алды. 
             Барысына да чара бик ошады, «Мөмкинлекләр фестивале» ндә катнашучылар үзләренең остазлары белән һөнәри мәйданчыкларда матур эшләнмәләр ясадылар.

Ел саен 2 апрельдә Бөтендөнья аутизм турында мәгълүмат тарату көненә багышланган чаралар кысаларында «Зәңгәр белән кабыз» акциясе үткәрелә. Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре үзенчәлекле балаларга карата толерантлы мөнәсәбәт формалаштыру максатында акция үткәрде. "Зәңгәр белән кабыз» - социаль флешмоб, анда теләгән һәркем катнаша ала. 2 апрель көнне барлык теләк белдергән кешеләр бу акцияда катнаша ала.  Зәңгәр төстәге кием яки аксессуар кияргә, күккә зәңгәр шарлар җибәрергә, торак, офис яки мәктәп тәрәзәләрен зәңгәр гирляндалар белән яктыртырга, социаль челтәрләрдә #зажгисиним һәм #2апрель хэштеглары белән акцияләр турында сөйләргә мөмкин.

Саба районының «Балкыш» халыкка социаль хезмәт күрсәтү үзәге хезмәткәрләре маскировка складында булдылар һәм техниканы дошманның пилотсыз очу аппаратларын күрүеннән саклау өчен маскировка челтәрләре ясауга керештеләр. Әлеге кирәк-яраклар махсус хәрби операция уздыру зонасында актив кулланыла. Маскировка челтәрләре кирәкле ресурс булып тора һәм зур күләмнәрдә таләп ителә. Алгы сызыктагы хәрби хезмәткәрләребезгә ярдәм итәргә тырышып, без шулай ук челтәрләр үрү процессына кушылырга булдык. Һәркем үз өлешен кертергә һәм свода катнашучыларга ярдәм итәргә тели. Эшкә дә, волонтерлык эшчәнлегенә дә вакыт табабыз, чөнки иң мөһиме – битараф калмау һәм тизрәк җиңүгә ирешүгә ярдәм итү!

18 март көнне «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе социаль педагогы Саба гимназиясенен Беренчеләре белән Кырымның Россиягә кушылу көненә белешмәләр тараттылар.

Чараның максаты: гражданлык-патриотик һәм рухи-әхлакый сыйфатларны формалаштыру; Россиянең һәм Кырым Республикасының берләшү тарихы белән танышу; Россиянең тарихы һәм мәдәнияте турындагы белемнәрне үстерү һәм тирәнәйтү.

Язның беренче ае гадәттәгечә Халыкара хатын-кызлар көне белән ассоциацияләнә, бу бәйрәм Россиядә гасырдан артык билгеләп үтелә. Әлеге җылы, һәм якты бәйрәм, елмаюлар, котлаулар белән истәлекле.

06 мартта Саба районы «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе  белгечләре социаль хезмәтләрдән файдаланучылар өчен 8 Март - Халыкара хатын-кызлар көненә багышланган «Мартта үзенчәлекле көн бар» дигән бәйрәм чарасы үткәрделәр. Чарада катнашучылар табышмаклар чиштеләр, викторина сорауларына җавап бирделәр, биремнәрне үтәделәр. Ә.Кәримуллин исемендәге үзәк китапханә белгечләре рецептлар китабын әзерләү буенча мастер-класс оештырды. Бәйрәм уңаеннан котлау җырлары белән социаль хезмәтләрдән файдаланучы Госманов Рим чыгыш ясады.

Бәйрәмдә катнашучыларның барысы да уңай энергия һәм якты тәэсирләр алды. Бәйрәм бик күңелле булды һәм чәй эчү белән тәмамланды.

28 февральдә «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе социаль педагогы Халыкара сирәк авырулар көне кысаларында, шулай ук яшь буында сәламәт яшәү рәвеше культурасын формалаштыру һәм үстерү һәм башка зарарлы гадәтләргә тискәре мөнәсәбәт тәрбияләү максатларында Саба гимназиясенен Беренчеләре белән «Сәламәт яшәү рәвеше өчен» дигән акция үткәрделәр.

Акциядә катнашучыларның барысына да буклетлар тапшырылды һәм «Сәламәт яшәү рәвеше өчен» темасына әңгәмә үткәрелде.

Саба муниципаль районындагы "Балкыш" халыкка комплекслы социаль хезмәт күрсәтү үзәге, Республика матди ярдәм үзәгенең Саба муниципаль районындагы 36нчы бүлеге, Автоном коммерцияле булмаган "Балкыш"- (Сияние) тернәкләндерү үзәге белән берлектә Ватанны саклаучылар көненә һәм Бөек Җиңүнең 80 еллыгына багышланган патриотик концерт оештырды.