ЯҢАЛЫКЛАР

2024 елның май-июль айларында Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре һәм волонтерлар «Баладан – балага. Гаиләбезгә рәхим ит” акциясендә катнашалар. Әлеге проект 2024 елның 15 маеннан 31 июленә кадәр Россия Федерациясенең барлык төбәкләрендә узачак. Проект 8 июль Гаилә, мәхәббәт һәм тугрылык көненә туры килә, ә аның символы- ромашка чәчәге.

Саба районы «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе  белгечләре Россия Ватанны саклаучылар көненә багышланган чара үткәрделәр.

Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Россиянең Хәрби дан көне кысаларында 1944 елда Ленинградны фашист блокадасыннан тулысынча азат итү көненә багышланган Батырлык дәресе үткәрделәр.

Әлеге чара кысаларында  белгечләр балаларны безнең ил тарихының героик сәхифәләренең берсе – камалыштагы Ленинград вакыйгалары, Ленинград халкының батырлыгы һәм ныклыгы турында таныштырдылар.

19 нчы гыйнварда "Балкыш" халыкка комплекслы социаль хезмәт күрсәтү үзәгендә Саба районы үзәк хастаханәсе гериатры Ләйлә Нурмөхәммәдова, социаль яклау бүлеге җитәкчесе Лилия Гайнетдинова, үзәк директоры Гүзәл Закирова, өйгә барып социаль хезмәт күрсәтү бүлекчәсе мөдире Алсу Степанова катнашында социаль хезмәткәрләренең яңа елда беренче җыелышы булып узды.

Район гериатры өлкән яшьтәге кешеләрдә егылуларны һәм имгәнүләрне, кискен инсультны, миокард инфарктын һәм хастаханәдән тыш пневмонияне профилактикалауга юнәлдерелгән темаларга тирән эчтәлекле чыгыш ясады.

Социаль яклау бүлеге җитәкчесе үз чыгышында социаль хезмәткәрләрнең игътибарын күрсәтелә торган хезмәтләрнең сыйфатына, социаль хезмәткәр этикасы кодексына юнәлтте. Директор барысын да 2022 елда башкарылган эшләрнең нәтиҗәләре белән таныштырды һәм 2023 елга бурычлар куйды.

Өйгә барып социаль хезмәт күрсәтү бүлекчәсе мөдире алда торган тикшерүләрнең планы һәм графиклары, планшетлар белән эшне активлаштыру белән таныштырды. Шулай ук грипп һәм сулыш-тын юллары вируслы инфекциясе профилактикасы, янгын куркынычсызлыгын профилактикалау һәм таныш булмаган затлар тарафыннан алдау гамәлләре турында да темалар кузгатылды. Җыелыш барышында башка актуаль мәсьәләләр дә каралды.

Сәяси репрессия корбаннарын искә алу көне кысаларында өй бүлеге мөдире Степанова А. һәм социаль эш буенча белгеч Зиннәтуллина А. Шәмәрдән авылында яшәүче Смышляева Тамара Михайловна янына бардылар.

12 август көнне Татарстан Республикасы Хезмәт, халыкны эш белән тәэмин итү һәм социаль яклау министрлыгының Саба муниципаль районындагы «Балкыш» халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлекчәсе белгечләре, социаль яклау бүлеге һәм Саба районы мәдәният бүлеге белән берлектә, «E.L.L.E» хатын-кызлар мөһите җитәкчесе Ваһапова Э.А., «Бусинка» балалар бакчасы җитәкчесе Гатауллина Д. Н. катнашында мөмкинлекләре чикле балалар тәрбияләүче гаиләләр өчен бәйрәм оештырылды.

«Туризм - актив озын гомер чарасы» технологиясе кысаларында Саба муниципаль районы «Балкыш» халыкка социаль хезмәт күрсәтү үзәгенең өйдә социаль хезмәт күрсәтү бүлекчәсе хезмәткәре Галимова Резеда үзенең тәрбиясендә булган өлкәннәр өчен Теләче районы “Туган авылым” комплексына экскурсия оештырды.

23 июль көнне Түбән Шытсу авыл җирлегендә яшәүче, Саба районы "Балкыш" социаль хезмәт күрсәтү үзәгенең өйдә социаль хезмәт күрсәтү бүлекчәсендә исәптә торган тыл ветераны Габдрахманов Салих Габдрахман улы үзенең 90 яшьлек юбилеен билгеләп үтте.

20 июль көнне Саба муниципаль районында «Балкыш» халыкка социаль хезмәт күрсәтү комплекслы үзәге бинасында район башкарма комитеты җитәкчесе урынбасары - Саба муниципаль районы башкарма комитеты Аппараты җитәкчесе Кәримов Марат Рәшит улы һәм социаль яклау бүлеге җитәкчесе Гайнетдинова Лилия Нургаян кызы катнашында учреждение хезмәткәрләре киңәшмәсе булып узды.

 Узган атнада Байлар Сабасы районы үзәк китапханәсендә "Балкыш" халыкка социаль хезмәт күрсәтү үзәге хезмәткәрләре, мәдәният бүлеге, яшьләр эшләре һәм спорт бүлеге вәкилләре, ветераннар советы әгъзалары, пенсионерлар белән  "Өлкән буынның актив озак яшәве"проектын тормышка ашыру мәсьәләсе буенча очрашу булып узды.