ЯҢАЛЫКЛАР

        ҖЧ “Игенче” җәмгыятендә Өлкәннәр көне уңаеннан, төрле елларда шушы  җәмгыятьтә эшләгән һәм хәзер лаеклы ялда булган ветераннарга күчтәнәчләр тулы пакетлар бүләк ителде.

     "Игенче"ҖЧҖендә ел саен үткәрелә торган әлеге  күркәм   чара  традициягә әверелде инде.  Бу безнең өлкән буынга булган  кайгыртучанлыгыбызны, хөрмәтебезне һәм ярдәмебезне белдерү өчен  бер сәбәп. Җәмгыятьнең әйдәп баручы белгечләре сигез авылда яшәүче ветераннарга 265 пакет күчтәнәч өләштеләр.

    «Игенче» ҖЧҖендә  кукуруз үстерү технологиясе буенча семинар узды.

     Әлеге семинарда Саба муниципаль районы башлыгы Р. Н.Миңнеханов, Саба авыл хуҗалыгы һәм азык-төлек идарәсе начальнигы  Г. Ш. Хәсәншин, Татарстан Авыл хуҗалыгы фәнни-тикшеренү институты ,«Казан Агрохимсервис» ҖЧҖ вәкилләре, Саба авыл хуҗалыгы һәм азык-төлек идарәсе белгечләре ,авыл хуҗалыгы оешмаларының  җитәкчеләре, игенчелек буенча консультантлар һәм «Россельхозцентр»ФДБУ филиалы белгечләре катнашты.

    Хуҗалыкта бу сусыл азык терлекләр рационында иң зур өлеш алып тора.     

     Кукурузны кырлардан  механизаторлар Газиянов Рөстәм һәм Гыймранов Нияз ура. Массаны ташуга   тугыз берәмлек техника куелган.

Җаваплылыгы чикләнгән " Игенче " җәмгыятендә 14 нче, 15 нче  сентябрь көннәрендә, арендага биргән пай җирләре өчен һәм шушы җәмгыятьтә эшләүче эшчеләргә  хезмәт хакына ,  премия өлешенә ашлык бирелде.

   Җаваплылыгы чикләнгән “Игенче”  җәмгыятендә  җәйге каникул чорында  мәктәп укучыларын эшкә алу күптәннән килә торган традиция.

Әлеге традицияне дәвам итеп быел да егерме дүрт  мәктәп укучысы кабул ителде.

  Укучылар  буяу , агарту, җыештыру , чүп үләннәрен утау, яшелчә , чәчәкләргә су сибү эшләрен башкардылар.

  Яшүсмерләрнең эшкә урнашуы аларга беренче акчаларын эшләп алырга гына түгел, хезмәтне  яратырга ,  эшкә өйрәнергә, җаваплылык тоярга  өйрәтә.

Кырларда комбайнчылар Сабирҗанов Айнур, Зарипов Ленар, Яруллин Илнар,Нурисламов Айдар , Рәхматуллин Әнәс, Галиев Илхам, Газизов Исмәгыйл, Сабирҗанов Радим, ашлык ташуда  Галимов Азат, Исхаков Әгъзам, Гәрәев Рәлиф, Хатипов Наил, Васильев Илнур, Николаев Руслан, Сафиуллин Мөнирләр үз эшләрен җиренә җиткереп башкаралар.

"Игенче" ҖЧҖендә урып-җыю эшләре белән бер үк вакытта салам әзерләү белән дә шөгыльләнәләр. Шушы көннәрдә җәмгыять хезмәткәрләренә һәм пай җирләрен арендага бирүчеләргә салам өләшенде.

Тиздән ул социаль челтәрләрдә пәйдә булачак. Клипта тамашачы  авыл хуҗалыгы  хезмәткәрләренең көндәлек тормышын, ҖЧ “Игенче” җәмгыятендә -терлекчелек һәм игенчелек , умартачылык тармагында эшләүче  хезмәткәрләребезнең көндәлек эш күренешләрен , шулай ук авыл хезмәтчәннәренең   яшәешен, тормыш итүен сокланып күзәтәчәкләр.

      ҖЧ " Игенче" җәмгыяте биләмәләрен матурлау , чәчәкләр утырту эшенә быел да зур җаваплылык белән керештек. Бөтен фантазияне  эшкә җигеп, хыялланып , матурлык тудырырга тырыштык.  Чәчәкләр, төрле эшләнмәләр , безнең җәмгыятьнең биләмәләрен матурлап кына калмый, ә анда эшләүче хезмәткәрләргә дә күңелле атмосфера тудыра.Алай гына да түгел , һәрбер үткән кеше шушы матурлыкка сокланып китә.

   “Игенче” ҖЧҖдә  Өтернәс авылында  яшәүче,  хәзерге көндә лаеклы ялда булган ветераннарыбыз булып китте. Заманча итеп төзелгән, җиҺазлаштырылган, компьютерлаштырылган, барлык уңайлыкларлар тудырылган  сөтчелек комплексларында, бозау торакларында   булып- хәйран калдылар.  Әлбәттә, хәзерге  хезмәт- үткән чордагы белән чагыштырырлык тугел.Механикалаштыру  аз булган, һәр эш кул хезмәте белән башкарылган вакытларны искә төшерделәр.