ЯҢАЛЫКЛАР

     Игенче"ҖЧҖ дә хезмәтне  саклау, куркынычсыз хезмәт шартларын тудыру,  эш урынында җәрәхәт алуны һәм имгәнүләрне кисәтү, кеше тормышын һәм сәламәтлеген саклау максатыннан укулар оештырылды. Хезмәткәрләргә кышкы махсус өс һәм аяк киемнәре бирелде.

       Шушы көннәрдә, хәзерге “Игенче” ҖЧҖ дә озак еллар терлекчелек тармагында эшләп чыккан хезмәт ветераны Сабирҗанова Рәйхана Гази кызы узенең 75 яшьлек юбилеен билгеләп үтте.

        Бүген 2021 елның 17 ноябрендә «Игенче» ҖЧҖендә техниканы кышкы саклауга кую һәм машина-трактор паркын ремонт сезонына әзерләү буенча конкурс үткәрелде.

    Шушы көннәрдә " Игенче"  ҖЧҖ дә механик булып эшләүче Мирзегалямов Рамиль  Тимербай улы , авыл хуҗалыгы тармагындагы тырыш хезмәте өчен, Саба муниципаль районы башлыгы Р.Н.Миннихановның Рәхмәт хатына лаек булды.

Җаваплылыгы чикләнгән “Игенче” җәмгыятендә 155 баш малга исәпләнгән торак кулланышка тапшырылды.

         Кешенең эшенә, куйган хезмәтенә карап бәялиләр диләр. Җаваплылыгы чикләнгән "Игенче" җәмгыяте терлекчесе Хайретдинов Илсур Мансур улы , шушы көннәрдә зур хөрмәткә ,Саба муниципаль районы  башлыгы Р.Н.Миннихановның Рәхмәт хатына лаек булды.

      Җаваплылыгы чикләнгән “Игенче” җәмгыятендә,  кемдер килеп булышыр дип кул кушырып утыру гадәте юк . Басу эшләре тәмамлангач,  барлык бүлекчәләрдә  кышкы чорга хәзерлек башланды.Җитәрлек күләмдә ,мөмкин булган урыннардан утын хәзерләнде.

         Җ.Ч.”Игенче” җәмгыятендә  Авыл хуҗалыгы hәм эшкәртү сәнәгате хезмәтчәннәре көне уңаеннан азык-төлек җыелмасы салынган пакетлар бирелде.

         Җәмгыять  Җитәкчесе Алмаз Зөфәр улы  барлык авыл хуҗалыгы хезмәтчәннәрен шушы  бәйрәм белән котлады ,  ныклы сәламәтлек, күтәренке рух hәм яңа хезмәт җинүләре теләде.

       8 нче  октябрь көнне Казанда Республика авыл хуҗалыгы Һәм эшкәртү сәнәгате көне уңаеннан үткәрелгән бәйрәмдә җаваплылыгы чикләнгән “Игенче” җәмгыятендә сыер савучы булып эшләүче Сабирҗанова Рушания Рәшит кызы да катнашты.

      Рушания Рәшит кызы Сәрдә авылында терлекчеләр гаиләсендә туып үсә.Мәктәпне тәмамлаганнан соң хәзерге “Игенче” ҖЧҖнә   сыер савучы булып эшкә урнаша. 23 ел эшкә намус белән каравы, тырышлыгы аңа алдынгы савымчы булырга ярдәм итә.

      Рушания үз хезмәтеннән башка да төрле әдәби чараларда актив катнаша, матур итеп җырлый. Туган авылында үткәрелгән бер генә мәдәният чарасы да аның катнашыннан башка узмый.

       Гаиләдә дә барысына да өлгерә , уңган хуҗабикә . Алар ире Радим белән ике бала тәрбияләп үстерәләр.

   Эзмә урта мәктәбенең  7 нче сыйныф укучылары ,укытучылары белән җаваплылыгы чикләнгән “Игенче” җәмгыятенә килделәр.Укучылар сыерлар Һәм бозаулар торагында, машина- трактор паркында булдылар, авыл хуҗалыгы хезмәтчәннәре эше белән таныштылар.