ЯҢАЛЫКЛАР

2021 елның 23 мартында туган телләр һәм Халык бердәмлеге елын үткәрү кысаларында, Саба районы «Балкыш» халыкка социаль хезмәт күрсәтү үзәгенең өйгә барып хезмәт күрсәтү булекчәсендә исәптә торган өлкәннәребез социаль хезмәткәр  белән бергә Яңа Мичән авыл китапханәсенә бардылар. Китапханә хезмәткәре Сәйфетдинова Фирдәвес Ясавиевна өлкәннәрне драматург Туфан Миңнуллинның биографиясе белән таныштырды. Ул аның тормышы, ирешкән уңышлары турында сөйләде, шулай ук китапханә хезмәткәре Фирдәвес Ясавиевна өлкәннәрне китапханәләрнең электрон каталоглары һәм ресурслары белән таныштырды. Интернет аша китаплар укырга, төрле мәгълүмат, шулай ук китапханә өлкәсендәге яңалыклар белән кызыксынырга мөмкин булуын күрсәтте .

Экскурсия бик кызыклы һәм мавыктыргыч узды, балалар китапханә хезмәткәренең кызыклы сөйләвеннән бик канәгать калдылар һәм яңадан килергә теләделәр. Китапханәгә экскурсиягә биш өлкән кеше катнашты. Экскурсия ахырында истәлеккә фото ясадылар.

Автоном коммерцияле булмаган «Балкыш»-(Сияние) тернәкләндерү үзәгендә ,социаль – юридик хезмәт күрсәтү кысаларында Саба муниципаль районының Пенсия фонды белгечләре килде.

Саба районы “Балкыш” халыкка комплекслы социаль ярдәм күрсәтү үзәге белгечләре һәм Саба штп. “Волонтер” үзәгенең активистлары язгы айларда һәрдаим үткәрелә торган “Өлкән буынны кайгырту” дигән акция кысаларында Ибраһимов Илдус Нурулла улының өй тирәсен чистартуда булыштылар.

2021 нче елның 18 нче мартында Югары Утар акылга зәгыйфь булган балалар йорты - интернатында 8 нче март бәйрәменә багышланган «Кызларның язгы сихәте " дип исемләнгән бәйрәм конкурсы үткәрелде. Чарада балалар йортының тәрбияләнүчеләре белән тәрбиячеләр катнашты. Бәйрәм актлар залында узды.

Саба районында дәүләт автоном социаль хезмәт күрсәтү учреждениесе «Балкыш» белгечләре гадәттән тыш хәлләр министрлыгы вәкилләре белән берлектә ялгыз һәм ялгыз яшәүче пенсионерлар һәм 70 яшьтән өлкәнрәкләр янына барып кайттылар.

Өйдә йөреп чыгу максаты-социаль хезмәт күрсәтүгә мохтаҗлыкны ачыклау, яшәү шартларын, газ җиһазларын, электр үткәргечләрен тикшерү һәм автоматик янгын хәбәрчеләре булу.

Күчмә чаралар барышында өлкән яшьтәге кешеләргә социаль хезмәтләр алу мөмкинлеге, хезмәтләр исемлеге, социаль хезмәт күрсәтүгә кабул итү шартлары һәм өлкән яшьтәге гражданнарга социаль ярдәм чаралары турында мәгълүмат бирелде.

Комплекслы үзәк белгечләре гражданнарга барып, өйдә (фатир саен) йөреп чыгу актлары тутырылды. Социаль хезмәт күрсәтүгә мохтаҗлык билгеләнгән очракта, белгечләр өлкән яшьтәге кешеләргә кирәкле документлар җыюда ярдәм күрсәттеләр.

Шулай ук белгечләр өлкәннәр белән янгын куркынычсызлыгы кагыйдәләрен үтәү, социаль мошенниклыктан саклану чаралары, социаль ярдәм чаралары турында аңлату әңгәмәләре үткәрделәр, ашыгыч хезмәтләрнең телефон номерлары язылган белешмәлекләр тараттылар. Мондый төрдәге әңгәмәләр өлкәннәрне уяу һәм игътибарлы булырга өйрәтәләр.

Автоном коммерцияле булмаган «Балкыш»-(Сияние)  тернәкләндерү үзәгендә, ЛФК инструкторы Гараева А.М. тарафыннан социаль хезмәт алучыларга физик күнегү дәресләре уткәрелә. 

Саба муниципаль районында «Балкыш» халыкка социаль хезмәт күрсәтү комплекслы үзәге базасында өлкән яшьтәге гражданнар һәм инвалидлар өчен «Тернәкләндерү һәм карау мәктәбе» оештырылган.

"Тернәкләндерү һәм карау мәктәбе" ндә социаль хезмәткәрләрне һәм өлкән яшьтәге гражданнарның һәм инвалидларның туганнарын үз-үзләренә хезмәт күрсәтүгә һәм күчүгә мөмкинлекләре чикләнгән кешеләрне карау күнекмәләренә һәм белемнәренә өйрәтү үткәрелә.

Карау мәктәбенең эшчәнлеге, бер яктан, авыру өчен уңайлырак шартлар тудыруга, икенче яктан – карау процессын җиңеләйтүгә юнәлдерелгән.

Уку барышында алган белем һәм күнекмәләр өлкән яшьтәге гражданнарның һәм инвалидларның өй шартларында күбрәк булуын озайтырга һәм тормыш сыйфатын яхшыртырга мөмкинлек бирә.

Дәресләр курсы 1 ай. Дәресләр атнага ике тапкыр, сишәмбе һәм җомга көннәрендә 13.00 сәгатьтә бушлай уздырыла. Укучылар теләге буенча дәресне өйдә индивидуаль яки «Балкыш» үзәге бинасында (Байлар Сабасы ш.т. п. Йосыпов ур., 7, 3 кат, 25 каб.) үткәрергә мөмкин. Белешмәләр өчен телефон: 8(84362) 22882.

2021 нче елның 12 нче мартында Югары Утар балалар интернат-йорты тәрбиячесе Тимергалиева Ландыш «Теплицада язгы мәшәкатьләр» дигән темага шөгыль үткәрде .

Автоном коммерцияле булмаган «Балкыш»-(Сияние)  тернәкләндерү үзәгендә социаль хезмәт алучыларга врач күрсәтмәсе нигезендә  тоз бүлмәсе  ярдәмендә дәвалау курслары үткәрелә. 

8 Март - Халыкара хатын-кызлар көне уңаеннан  Саба районы «Балкыш» халыкка социаль хезмәт күрсәтү үзәгенең социаль  хезмәткәре  Шакирҗанова Венера Габделхәй кызы өйгә барып хезмәт күрсәтү бүлекчәсендә исәптә торган өлкәннәребез белән очрашу оештырды. Социаль хезмәткәр аларны бәйрәм белән котлады,  бәйрәм өстәле әзерләде һәм чәчәк бәйләмнәре тапшырды. Өлкәннәр бер-берсе белән бик теләп аралаштылар, яңалыклар белән алмаштылар, яшьлек елларын искә төшерделәр, көн кадагындагы проблемалар турында фикер алыштылар һәм әлбәттә, бер-берсенә бәхет һәм сәламәтлек теләкләрен җиткерделәр. Алар бүләк ителгән шатлыклы мизгелләр өчен социаль хезмәткәргә рәхмәтле булдылар.