ЯҢАЛЫКЛАР

Илнәт авылы китапханәсе «Прочтите это немедленно!» дигән халыкара акциядә катнашты. Бу акция 2019 елның 2 апрелендә 12.00 сәгатьтә, Халыкара балалар китабы көнендә узды. Чара балалар һәм өлкәннәрнең игътибарын китапка, укуга, китапханәгә җәлеп итү, яшь буынны әхлакый тәрбияләүдә әдәбиятның ролен күтәрү максатыннан үткәрелде. Акция кысаларында, “2019 елда юбиляр язучыларның китапларын укыйбыз” дигән дәрес уздырылды.

Ел саен безнең илдә “Кошлар көне” билгеләп үтелә. Кошлар кешеләргә шатлык бүләк итәләр, матурлыклары, сайраулары белән сокландыралар. Монаш авылы китапханәсендә 2 һәм 4 сыйныф укучылары өчен «Кош тавышлары» дигән уен программасы узды.

1 апрельдә Халыкара кошлар көне билгеләп үтелә. Бу дата очраклы гына сайланмаган, чөнки апрель аенда кошларның күбесе туган якларына әйләнеп кайта. Шул уңайдан, 2 апрель көнне Песәй авылы китапханәчесе Яраханова Рузалия балалар бакчасы тәрбиячесе Хасанянова Гөлия белән берлектә балалар өчен «Канатлы күршеләр, канатлы дуслар» дип исемләнгән экологик танып-белү сәгате үткәрделәр.

1 апрель көнне Николай Васильевич Гогольнең тууына 210 ел тулды. Илнәт авылы китапханәчесе язучының юбилее уңаеннан, узып баручыларга һәм берничә йортта яшәүчеләргә язучы һәм аның әсәрләре турында кыскача мәгълүмат бирде. Китапханәгә «Гоголь-тулы бер чор»күргәзмәсен карау өчен чакырды.

1 апрель көнне Монай авылы китапханәчесе «Тургай» балалар бакчасы нәниләре өчен «Ни өчен кошларсыз булмый?» танып белү уен программасын үткәрде.  

1 апрельдә бөтен планета Халыкара кошлар көнен билгеләп үтә. Бу көн табигатькә һәм аның канатлы вәкилләренә карата чын мәхәббәт билгесе булып тора. Турай авыл китапханәсендә мәдәният йорты белән берлектә "Канатлы питомцы» дигән экологик викторина үткәрелде.

Балалар китапханәсендә балалар китабы атналыгы күңелле һәм кызыклы үтә. 5 “В” сыйныфында (кл. җит.Гайнетдинова Г. А.) һәм 2 “Г” сыйныфында (кл. җит. СееваА. А.)могҗизалы тәҗрибәләр дәресе үткәрелде.

28 март көнне «Жила была сказка» марафоны һәм балалар китабы атналыгы кысаларында, Балалар китапханәсендә «Әкият бөтен кешене кунака чакыра» дигән әкияти сәяхәт узды. Чара «Кама таңнары» приютында тәрбияләнүчеләр һәм мөмкинлекләре чикләнгән балалар өчен үткәрелде.

28 нче мартта Тойгуҗа авылы китапханәсе Балалар һәм яшүсмерләр китаплары атналыгы кысаларында оештырылган  “Малайлар һәм кызлар, шулай ук, әти-әниләр!” дип аталган  китап  күргәзмәсе буенча күзәтү һәм “Минем яраткан геройларым “ дип аталган викторина үткәрде.

Турай авылы китапханәсендә Балалар һәм яшусмерләр китабы атналыгына багышланган әдәби уен уткәрелде.