ЯҢАЛЫКЛАР

Кәгазьдән җилпәзә - кызык уенчык кына түгел, җәйге эсселекне кичерергә ярдәм итәчәк гади чара да.   Ижевка мәдәният йортында да кәгазьдән җилпәзә ясау буенча мастер-класс үткәрделәр. Бик зур кызыксыну белән балалар эшкә кушылды.

31 июльдә Енабердино мәдәният йорты территориясендә цифрлаштыру елына багышланган футбол уены үткәрелде. Уен финалга кадәр мавыктыргыч булды.

30 июль көнне Енабердино Мәдәният йортында балалар белән Халыкара дуслык көненә "Ныклы дуслык сынмый" дип исемләнгән  эстафета үткәрелде. Балалар бик теләп катнаштылар, җитезлек, тизлек күрсәттеләр. Дуслар белән уйнау, бер-береңә ярдәм итү, ярышу һәм бергә җиңү һәрвакыт кызык бит.

29 июльдә Татар Чаллысы мәдәният йортында Халыкара дуслык көненә багышланган “Дуслык елмаюдан башлана!” дигән уен программасы узды.

28 июль көнне Сәйтәк авыл клубында өстәл артында уеннар узды.

27 июль көнне Сәйтәк авыл клубында "Тынычлыкка - әйе, террорга - юк» дип исемләнгән әңгәмә үткәрелде. Чарада катнашучылар терроризм һәм Украинада махсус операция турында сөйләштеләр.

26 июль көнне Сәйтәк авыл клубында «Табышмаклар илендә»дип исемләнгән күңел ачу чарасы узды. Табышмак-ул кызыклы башваткыч, ул фикерләүне, фантазияне, игътибарлылыкны үстерә. Юкка гына без бу жанрны балачактан ук яратмыйбыз. Аның үз көне дә бар: ул 26 июльдә бәйрәм ителә.

27 июль көнне Бөрешле авыл җирлегендә якташ шагыйребез Егор Васильевич Уткинның тууына 90 ел тулу уңаеннан Бөрешле чишмәләре" исемле хәтер кичәсе узды. Үз шигырьләрендә ул туган җирнең, хезмәт кешеләренең матурлыгын мактаган. Юбилейда шагыйрьнең туганнары һәм якыннары, авылдашлары, укучылар һәм кунаклар катнашты. 

28 нче июль көнне Монай авыл мәдәният йорты мәйданында саф һавада "Ишегалдында җәйге күңел ачу" дип исемләнгән хәрәкәтле уеннар узды.

27 июльдә, дусларча җылы шартларда, авыл мәйданында «Азарт» бию коллективының   кичәсе узды.