ЯҢАЛЫКЛАР

Саба районында "Балкыш" халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлегенең социаль педагоглары "Россия көненә" багышланган "Без Россиядә яшибез" дигән темага социаль хезмәтләр алучылар белән чара үткәрделәр. Чараның максаты: ватанпәрвәрлек хисе тәрбияләү, үз Ватаныңа хөрмәт һәм горурлык; Россия Федерациясе дәүләт символларын популярлаштыру.

6 июньдә Россиянең Пушкин көне - рус теле көне билгеләп үтелә. Бу көн уңаеннан Саба районындагы "Балкыш" Халыкка комплекслы социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлегенең социаль педагоглары "Рус теле көне" дигән темага социаль хезмәтләр алучылар белән әңгәмә үткәрделәр. Чараның максаты: А.С.Пушкин иҗаты турындагы белемнәрне тирәнәйтү һәм киңәйтү

2023 нчы елның 6 нче июнендә 14.00 сәгатьтә Саба муниципаль районының халыкка комплекслы социаль хезмәт күрсәтү үзәге “Балкыш” дәүләт автоном учреҗдениесендә әти-әниләре алиментлар түләүдән баш тарткан балалар тәрбияләүче гаиләләргә  хокукый ярдәм күрсәтү  максатыннан Бердәм кабул итү көне үткәрелде. Чарада суд приставы, социаль яклау, “Балкыш” халыкка социаль ярдәм күрсәтү үзәге белгечләре, Иске Икшермә авыл җирлеге башлыгы  катнашты.

Татарстан Республикасы Хезмәт һәм социаль яклау министрлыгының Саба муниципаль районындагы социаль яклау бүлеге Саба районы Мөхтәсибәте белән берлектә 3 июньдә Халыкара балаларны яклау көненә багышланган балалар Сабантуе үткәрделәр. Бәйрәмне "Сабантуй" спорт комплексында уздырдылар.

Ел саен 1 июньдә бөтен дөньяда Балаларны яклау көне билгеләп үтелә. Балачак- иң күңелле, иң бәхетле вакыт. Елның нинди генә вакыты булмасын, балачакның һәр мизгеле күңелле һәм кабатланмас булып истә калачак. 01 июнь көнне  «Балкыш» халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлекчәсе белгечләре, Балаларны яклау көне уңаеннан социаль хезмәт алучылар өчен бәйрәм оештырдылар.

Әлеге чара үз гаиләңә карата мәхәббәт хисе тәрбияләү, уртак иҗади эшчәнлеккә омтылыш, гаилә мөнәсәбәтләрендә әхлакый башлангычларны ныгыту, аралашу культурасын үстерүгә юнәлдерелгән иде.

"Балкыш" халыкка социаль хезмәт күрсәтү комплекслы үзәгенең социаль педагоглары, волонтерлар белән берлектә, Халыкара тәмәкегә каршы көрәш көненә багышланган буклетлар таратты

Бүген Саба муниципаль социаль-тернәкләндерү консилиумының чираттагы утырышы узды. Профилактика субъектлары кергән сигнал карталарын карадылар, патронланучы гаиләләрнең торак-көнкүреш шартларын тикшерү актларын, ведомствоара исәптә торучы гаиләләр белән эшләүнең нәтиҗәләрен тикшерделәр. МСРК утырышы материаллары балигъ булмаганнар эшләре һәм аларның хокукларын яклау буенча район комиссиясенә җибәрелде.

15 май көнне Халыкара гаилә көнендә Саба районы «Балкыш» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлекчәсе белгечләре узләрендә исәптә торган гаиләләргә һәм шушы гайләдә тәрбияләнүче балаларга  Н.М. Миңнеханов исемендәге дендрология бакчасына һәм Лесхоз бистәсендәге «Колокол» музеена экскурсия оештырдылар.

Экскурсиядә катнашучылар дендрологик бакчада үсемлекләрнең һәм агачларның күплегенә сокланып карадылар. Биредә тырыш урман хуҗалыгы хезмәткәрләре 11,25 гектарда матур ландшафт булдырып, Ерак Көнчыгыш, Европа һәм Азиянең күп кенә үсемлек төрләрен утыртканнар. Бакчада банан һәм ананасның ничек үсүен үз күзләрең белән күрергә, кактуслар коллекциясенә сокланырга, пальма фонында фотога төшәргә һәм Буадагы балыкларны күзәтергә мөмкин.

Дендрарий аллеялары буйлап йөргәннән соң экскурсоводлар юлны Лесхоз бистәсенең район мәдәният йортында урнашкан «Колокол» музеена алалар. Музей җитәкчесе кунакларны җылы каршы алды һәм кыңгырауларның барлыкка килү тарихы турында сөйләде, музейның барлыкка килү тарихы белән таныштырды. Катнашучылар зур кызыксыну белән тыңладылар һәм сораулар бирделәр. Алар кыңгырауларның православие дине генә түгел, ә коеп салу осталыгының да кыйммәтле тарих һәм мәдәният һәйкәлләре булуын беләләр. Һәр кыңгырауның үз уникаль яңгырашы бар. Социаль хезмәт алучылар моңа үзләре инандылар, чөнки монда кыңгыраулар шалтыратырга рөхсәт итәләр. Музейга килгәч, кунаклар кыңгыраулар турында күп кызыклы нәрсәләр белделәр, кыңгырау тавышын зур рәхәтлек белән тыңладылар.

Экскурсия балаларга да, өлкәннәргә дә бик ошады. Табигатькә сокланып, тарих һәм мәдәният һәйкәлләрен өйрәнеп, алар җан -тән белән рәхәтләнеп ял иттеләр.

Бүген социаль хезмәт күрсәтү үзәгенең медицина хезмәткәре Мавлявиева Гөлшат "Тәрбия мәктәбе" юнәлеше буенча социаль хезмәткәрләр өчен дәресләр үткәрде

Гаиләгә һәм балаларга социаль ярдәм күрсәтү бүлеге, социаль педагоглар белән берлектә, "Яхшылыкны сакла" дигән ирекле проектта катнашу кысаларында, махсус хәрби операциядә булган солдатларның балаларына кул эшләнмәләре бүләк иттеләр.