ЯҢАЛЫКЛАР

Мәдәният бүлеге хезмәткәрләре хезмәт коллективлары, авыл җирлекләре һәм 2019 ел сезонында Саба районының волейбол буенча хатын-кызлар командалары арасында узган Чемпионатта лаеклы һәм мактаулы I урынны яуладылар. Мәдәният бүлеге сәхнәдә генә түгел, спорт мәйданчыгында да үзенең өстенлеген раслый.

15 март көнне Лесхоз мәдәният йортында " Созвездие - Йолдызлык-Саба 2019 «смотр-конкурсы булып узды.  Барлык катнашучыларны да грамоталар белән бүләкләделәр, ә финалистларны киләсе этапка чакырдылар.

Игелек атнасы кысаларында 2019 елның 13 мартында Хөснулла һәм Аллаһияр Валиуллиннар исемендәге Саба балалар сәнгать мәктәбенең сәнгать бүлеге укытучылары Газизова Г.Р. һәм Галиева Э.Р. «Саба муниципаль районында балалар һәм яшүсмерләр өчен «Тургай» социаль приютында булдылар.

13 март көнне Шәмәрдән авыл мәдәният йорты сәхнәсендә Шәмәрдән лицееның театральләштерелгән иҗат-отчёт концерты булып узды. “Сатылмаган мәхәббәт” дигән исем астында узган бу концертның һәрбер чыгышы “Диләфрузгә дурт кияу”спектакленең эчтәлегенә ниятләнеп эшләнгән. Укытучылары белән берлектә укучылар да узләренең концерт номерлары белән чыгыш ясадылар. Профессиональ дәрәҗәдә эшләнелгән бу тамаша беркемне дә битараф калдырмады.

Шекше мәдәният йортында бәйрәм кичәсе оештырылды. Халыкара хатын-кызлар көне уңаеннан әзерләнгән бу чара гадәти булмаган исем белән “Татарча Лучше всех!” дип аталды. Ул беренче каналдан баручы популяр тапшырудан эчтәлеге белән дә, форматы белән дә аерылып торса да, максат бер иде: иң- иң яхшыларны ачыклау. Бәйрәм кичәсенә әзерлек бер- ике атна алдан башланды. Иң элек ватс –аптагы Шекше, Алан-Елга, Сәрдә авылларында яшәүчеләрне, якташларны берләштергән “Авылдашлар якташлар- без!” дип исемләнгән төркемгә игълан эленеп, әлеге авыллардагы иң уңган хуҗабикәләр, гөл-чәчәкләр үстерүчеләр, тегүче-чигүчеләр, бәйләүчеләр, үз куллары белән төрле эшләнмәләр ясаучылар, аш-су осталары, хатын-кызларның матурлыгын кайгыртучылар, дини һәм рухи тәрбия бирүчеләр, мәдәни тормышта актив катнашучы туташ һәм ханымнар барланды. Аларның барысы да әлеге бәйрәм кичәсенә чакырылды. Үз куллары белән матурлык тудырган ханымнар алып килгән барлык эшләнмәләр, ризыклар һ.б тамашачылар каршына күргәзмәгә куелып, алар белән якыннан танышу мөмкинлеге тудырылды.
Бәйрәм кичәсе күңелле миниатюра, дәртле җыр, алып баручылар Рәйсә Габделхакова һәм китапханәче Флүзә Фазылованың сәламләү- тәбрикләү сүзләре белән башланып китте, Шекше авыл җирлеге башлыгы Радик Хәйртдинов та гүзәл затларны бәйрәм белән котлап, җырлар башкарды. Кичәнең төп өлешендә исә, уңган ханымнар, аш-су осталары сәхнәгә чакырылып, үзләре башкарган хезмәт, ничек итеп матурлык тудырулары турында сөйләде, тәҗрибәләре белән уртаклашты. Мәсәлән, Гүзәл Гомәрова макияж һәм прическа ясау серләрен ачып, мастер-класс күрсәтте. Тәрәзә төпләрен тутырып гөлләр үстерүче, җәй көннәрен бакчаларын чәчәкләргә күмүче осталар Зөлфия Зәйнәгыева, Айсылу Ибраһимова һәм Рузилә Газизова чыгышы да бик файдалы булды, алар күпсанлы сорауларга да җавап бирде. Нурания Мирзагаләмова, Сәвия Шәрифуллина, Зәлилә Әхмәтшина, Рузилә Газизова, Ләйлә Авзалова, Гөлсинә Мирзегаләмова, Рәмзилә Нәгыймова тегү-чигү, бәйләү һ.б төрле кул эшләре башкаручы осталар буларак хөрмәтләнде. Әлеге кичәгә телеңне йотарлык баллы төш һәм искиткеч тәмле, чын сәнгать әсәренә тиңләрлек тортлар пешереп алып килгән Фирдәүсә Нәзирова, Ләйлә Авзалова һәм Гөлия Гатиятова да сәхнәгә күтәрелеп, әлеге хикмәтле нигъмәтләрне әзерләү ысуллары, серләре белән таныштырды. Авыл халкы күңеленә акыч табып, аларны дин юлына бастыручы хөрмәтле ханымнар Бибинур Зәйниева һәм Алсу Ханнановаларның үтемле чыгышын да бәйрәм кичәсенә килүчеләр яратып кабул иттеләр. Алсу Хафизова исә, мөселманча итеп яулык бәйләү алымнары белән таныштырды.
Кичә сәхнә осталары башкаруында җыр-биюләр, скетчлар белән үрелеп барды. Рузилә Газизова шушы бәйрәм уңаеннан үзе иҗат иткән шигырен дә укып күрсәтте. Кичәдә катнашучылар һәм тамашачылар белән төрле уен- бәйгеләр үткәрелде. Аларның барысына да бүләкләр, ә иң-иң яхшыларга “”Татарча Лучше всех!” медальләре тапшырылды.
Кичә өчен махсус бәйрәмчә презентация ясалды. Бәйрәм чарасын Шекше мәдәният йорты хезмәткәрләре авыл җирлеге башлыгы Р. Хәйртдинов һәм авыл китапханәсе хезмәткәре Ф.Фазылова ярдәме белән оештырды.

Яшәешебезнең бизәге булган хатын-кызларыбыз бәйрәме якынлашкан күңелле бер мизгелдә һәр ел саен бар җиһан җанлана, табигатьтә яз сулышы бөркелә. Әйтерсең асыл затларыбыз күңеленнән сирпелгән җылылык ак карларны эретә, сихри дөньяга сафлык, наз, илаһилык, ямь өсти. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен - 8 Март Халыкара хатын-кызлар көнен билгеләп үтәбез. Шушы уңайдан Югары Симет мәдәният йортында “Кызлар кызык итәләр” дип исемләнгән бәйрәм кичәсе утте. Бәйрәм Ю.Симет авыл җирлеге башлыгы Ахмадуллин И.Р. ның котлау сузләре белән башланып китте. Ул гүзәл затларыбызга узенең изге теләкләрен җиткерде һәм яраткан җырларын буләк итте. Кичәдә “Алабута” һәм “Киленнәр” командалары көч сынашты. Өй эше итеп бирелгән “Таныштыру”, чуп пакетларыннан, гәҗиттән ясалган кулмәкләрдән мода курсәту өлешләрендә кызларыбыз сынатмады. Кичә җыр, бию, нәфис суз белән урелеп барды. Барлык катнашучыларга да истәлек буләкләре тапшырылды. Әлеге бәйрәм кичәсе тамашачыда бары тик уңай хисләр генә калдырып, бер мизгел эчендә утеп тә китте.

Май чабу бәйрәмен элек электән үткәрәләр. Ул кышны озату, язны каршы алу бәйрәме булып тора. 10 март көнне Иске Икшермэ мэдэният йортында Май чабу бәйрәме үткәрелде. Бәйрәм күнелле уеннар, җырлар, биюләр, коймак һәм тәмле чәй белән үтте. Соныннан Масленица карачкысы яндырылды.

10 март көнне Карабаш авыл клубы хезмәткәрләре Масленица бәйрәме оештырдылар.

Май чабу-быел иң күңелле һәм көтеп алынган бәйрәмнәрнең берсе, аны бәйрәм итү җиде көн дәвам итә. Бу вакытта халык күңел ача, кунакка йөри, күңел ачулар оештыра һәм коймак ашата.

8нче март көнне Шәмәрдән авыл мәдәният йорты хезмәткәрләре һәм үзешчәннәре Эзмә авыл клубында халыкара хатын-кызлар көненә багышланган концерт программасы белән чыгыш ясадылар. Концерт программасы җырлар, биюләр, миниатюралар белән үрелеп барды. Тамашачылар һәр чыгышны чын куңелдән көчле алкышлар белән карадылар.

6 март көнне Тимершык мәдәният йорты, Миңгәр, Сабай авыл клублары һәм үзешчәннәр “Лесхоз картлар һәм инвалидлар йортында” конөерт номерлары белән чыгыш ясадылар.Конөерт барышында бик күп матур сүзләр әйтелде, җырлар җырланды һәм биюләр күрсәтелде. Әби - бабайлар артистларның һәр чыгышын зур кызыксыну белән карадылар һәм алкышларга күмделәр. Шулай ук барлык хатын - кызларны якынлашып килүче бәрәмнәр белән тәбрик иттек.