ЯҢАЛЫКЛАР

"СХП Шытсу" авыл хуҗалыгы җәмгыятендә урып-җыю эше кызу темплар белән бара. Авыл хуҗалыгы хезмәтчәннәре зур тырышлык куеп хезмәт итәләр. 

Түбән Шытсу авыл җирлеге башкарма комитеты сәркатибе Хабибрахманова Фанзия Сәүгән кызы, Татарстан Республикасы Дәүләт Советы рәисе Ф.Х.Мөхәммәтшин имзалаган Рәхмәт хатына лаек булды. Әлеге бүләкне, Республика көне уңаеннан, Саба муниципаль районы башлыгы Минниханов Раис Нургали улы тапшырып үтте. Котлыйбыз!

Түбән Шытсуда дәүләт программасы буенча торак йортлар төзү тәмамланып килә. Бүгенге көндә эчке эшләр алып барыла. "ПМК-159"ҖЧҖ подряд оешмасы.

Югары Шытсу мәдәният йорты каршысында Республика көненә багышланган концерт булып узды. Концертта балалар белән берлектә авыл халкы да бик теләп катнашты. Җырлы-биюле концерт программасы тамашачыга бик ошады.

Югары Шытсу авылында яшәүче Хайруллиннар хуҗалыгы "Чәчәкле Саба-2024" конкурсында 3 нче урынга лаек булдылар. Чын күңелдән котлыйбыз!

Түбән Шытсу төп мәктәбендә белем көне билгеләп үтелде. Яңа уку елында мәктәптә барлыгы 54 бала белем һәм тәрбия алачак. Тәүге мәртәбә мәктәп ишекләрен 4 бала ачып керде. Укучыларны, әти-әниләрне, укытучыларны "Сабыгаз" оешмасы җитәкчесе Мөхетдинов И.И., "СХП Шытсу" авыл хуҗалыгы җитәкчесе Галлямов Ф.Ф., авыл җирлеге башлыгы котлады.

Түбән Шытсу авылында территория корган агачлардан, чүп үләннәреннән арындырылды.

Түбән Шытсуда арендалы торак төзелеше башланды. ПМК-159 ҖЧҖ фундамент эшләрен башлады.

Түбән Шытсу авыл җирлегендә чүп үләннәрен чабу эше башкарылды.

Мәгариф хезмәткәрләренең август киңәшмәсендә Түбән Шытсу төп мәктәбе ныклап әзерләнгән күргәзмә тәкъдим итте. Күргзәмәдә шулай ук Мөхетдиновлар гаиләсенең кул эшләнмәләре, ирешкән уңышлары күрсәтелде.