Югары Шытсу авылында "Авыл биләмәләрен комплекслы үстреү" дәүләт программасы нигезендә йорт төзелеше төгәлләнеп килә. Эшне ООО "ПМК 159" оешмасы башкара. Әлеге йортта Гимадиева Гөлинә һәм аның гаиләсе гомер кичерәчәк. Ул үзе "Шытсу" авыл хуҗалыгы җәмгытендә хезмәт итә.
Елыш авылында елга яры авыл халкы тырышлыгы белән агач үсентеләреннән өлешчә чистарталды. Әлеге эш дәвам ителәчәк.
Югары Шытсу авылы зиратында "Шытсу" авыл хуҗалыгы ярдәме белән агачларны кисү эше башкарылды.
Казан шәһәрендә "Нечкәбил" конкурсының финал этабы булып узды. Югары Шытсу авылыннан Шарифуллин Гөлнар "Иң нечкәбил" исеменә лаек булып җиңүчеләр рәтенә керде. Шарифуллина Гөлнар һәм аның гаиләсен чын күңелдән котлыйбыз!
Түбән Шытсу авылында КФХ "Хабибрахманов" үгезләр симертү крестьян фермер хуҗалыгы эшләп килә. 2019 елда алар грант отып үз эшләрен ачып җибәрделәр. Бүгенге көндә фермада мал тоту өчен бөтен уңайлыклар тудырылган. Хабибрахмановлар зур тырышлык белән алга атлыйлар.Хөкүмәтебез дә аларга хәер хаклы.
Саба дулкыннары телерадио компаниясенең "Мәктәпләр тормышыннан" тапшыруында Түбән Шытсу төп мәктәбе укучылары катнашты. Алар үзләренең һөнәрләрен тыңлаучыларга җиткерделәр.
"Шытсу" командасы мини-футбол буенча район чемпионатында актив катнаша. Команданың чираттагы уены 23 ноябрьдә Кибәче командасына каршы булачак. Командага уңышлар телибез!
Түбән Шытсу авыл җирлеге командасы "Саба таңнары" призына үткәрелгән көрәш турнирында тулы составта катнашты. Команда 7 нче урынга лаек булды. Шәхси нәтиҗәдә Загидуллин Айнур 70 кг.үлчәүдә 3 нче урынга лаек булды. Шавалиев Инсаф 4 нче. Котлыйбыз!
Югары Шытсу мәдәният йортында балалар катнашында "Бердәмлектә көч" дип исемләнгән концерт булып узды. Тамашачаларга концерт бик ошады. Балалар һәм әти-әниләр бик канәгать калдылар.