ЯҢАЛЫКЛАР

Югары Шытсу авылында Нәүрүз бәйрәме гөрләп узды. Балалар һәм олылар арасында кызыклы уеннар оештырылды. Барлык катнашучылар ботка, коймак, кайнар чәйдән авыз иттеләр. 

Ир-атлар арасында волейбол буенча район чемпионаты башланды. "Шытсу" волейбол командасы актив катнаша.

Югары Шытсу мәдәният йортында "Торсак та без төрле җирләрдә - без яшибез Татар илендә" дип исемләнгән район конкурсының зона туры булып узды.

Елыш авыл клубында Сара Садыйкова кызы Альфия Айдарская белән истәлекле очрашу булып узды. Ул үзенең әнисе турында якты истәлекләре белән уртаклашты. 1950-1960 нчы елларда Сара Садыйкованың Елыш авылына кайтып йөрүе билгеле. 

Югары Шытсу мәдәният йортында китапханә белән берлектә 8 март бәйрәменә багышланган мәдәни чара булып узды.

Йошкар-Ола шәһәрендә Рәсәй күләм "Милли моң" дип исемләнгән конкурс-фестиваль булып узды. Югары Шытсу мәдәният йорты хезмәткәрләре актив катнашып икенче дәрҗәдәге дипломга лаек булдылар.

Югары Шытсу авылы мәдәният йортында Габдарфыйк Шарифуллинны искә алу кичәсе булып узды. Чара Саба дулкыннары телерадио компаниясе ярдәме белән башкарылды.

Югары Шытсу авылында дәүләт программасы нигезендә йорт төзелеше дәвам итә. Бүгенге көндә эчке өлешендә эшләр алып барыла.

"Театр яктылыкка, нурга илтә!" фестивале кысаларында, Түбән Шытсу авыл җирлеге үзешчәннәре, Түбән Утар авыл клубында Т.Миңнуллиннның "Нигез ташлары" дип исемләнгән комедиясен тәкъдим итте. Тамашачылар артистларның уйнавын, гомумән спектакльне бик җылы кабул иттеләр.

"Шытсу" волейбол хатын-кызлар командасы район чемпионатында актив катнаша. Группада уңышлы чыгыш ясаганнан соң команда югары лигада каташу мөмкинлегенә ия булды. Уңышлар телибез.