ЯҢАЛЫКЛАР

Югары Шытсу авылы халкы тырышлыгы белән мобилизациядә булган егетләргә гуманитар ярдәм эше актив алып барыла. Кием-салым, җылы носкилар бәйләнде, азык-төлек җыйналды. Барлык булышлык  күрсәтүчеләргә зур рәхмәт. Ярдәм итү эше алга таба дәвам ителә. Шушы көннәрдә "Солдатка өйдәге аш" акциясен башлап җибәрүчеләрнең берсе Гүзәл Садыкова белән очрашу булды. Очрашуда әлеге акциянең барлык нечкәлекләре аңлатылды. Әлеге юнәлеш буенча да ярдәм эше башланып китте.

Югары Шытсу авылында итекле футбол ярышы булып үтте. Ярыш нәтиҗәләре буенча беренчелекне "Саба" командасы яулады, икенче һәм өченче урыннарны "Шытсу-1", "Шытсу -2" командалары бүлеште. Җиңүче һәм призерлар акчалата бүләккә ия булдылар.

Елыш авыл клубында балалар өчен Яңа ел чыршысы узды. Матур бизәлгән чыршы, искиткеч костюмнар, бүләкләр, Кыш Бабай, Кар кызы һәм башка бик күп әкият персонажлары балаларны көтте. Ялтырап торган төрле-төрле гирляндалар һәм бик матур итеп бизәлгән чыршылар балаларга могҗиза хисе китерделәр.

Түбән Шытсу авыл җирлеге депутатлары Флорид Гайнуллин, Ильнар Набиуллин һәм шәхси эшмәкәр Марат Насибуллиннар ярдәме белән мобилизацияләнгән егетләрнең балаларына яңа ел күчтәнәчләре тапшырылды. Әлеге күчтәнәчләргә барлыгы сигез бала ия булды. Ярдәмнәре өчен иганәчеләргә рәхмәт белдерәбез.

4 гыйнварда Югары Шытсу авылы мәдәният йорты, китапханә хезмәткәрләре, Елыш мәдәният йорты, Түбән Шытсу авылы мәдәният йорты һәм Түбән Шытсу авыл җирлеге халкы белән берлектә Байлар Сабасында үзәк чыршы янында күңелле чара оештырдылар. Программада биюләр, җырлар, күңел ачу һәм актив уеннар бар иде.

Елыш авыл клубында яңа елга багышланган бәйрәм чарасы булып үтте. Программа бик бай эчтәлекле итеп эшләнгән, кызыклы уеннар, җыр-бию кертелгән иде.

Югары Шытсу мәдәният йортында Яңа Ел лотереясе үткәрелде. Лотерея төрле кызыклы уеннар, сюрпризлар, җырлар һәм биюләр белән үрелеп барды.

Түбән Шытсу авыл җирлеге Кыш бабайлар парадында актив катнашты. Түбән Шытсу авыл җирлеге “Кыш Бабайлар парады” чарасында делегациянең иң яхшы бизәлеше” дип аталган җигүле атлары арасында номинациядә икенче урынны алды.

Югары Шытсу мәдәният йортында, шул авыл егете Гайбадуллин Наиль Хәбир улы себерке бәйләү буенча мастер класс күрсәтте. Ул әлеге эш процессын бик тырышып, барлык нечкәлекләре белән аңлатты. 

Доярка ООО СХП "Шытсу" Мавлетова Гульзира Миннехановна удостоина благодарностью Министерства сельского хозяйства РФ - за многолетний добросовестный труд в системе агропромышленного комплекса. От всей души поздравляем!