ЯҢАЛЫКЛАР

Югары Шытсу авыл зираты йорты калай белән тышланып төзекләндерелде. Әлеге эштә авыл халкы зур булышлык күрсәтте. 

Түбән Шытсу төп мәктәбе территориясендә җиләк-җимеш агачлары утырту эше башкарылды. Мәктәп укучылары, укытучылар актив катнаштылар.

2 май көнне Елыш авыл зиратында өмә үткәрелде. Авыл халкы зиратны җыештыруда актив катнашты.

Түбән Шытсу мәктәбенең 6,7 класс укучылары Түбән Шытсу авылы ФАПында булдылар һәм фельдшер һөнәре белән таныштылар. Ф.Р. Сәйфетдинова һөнәрнең нечкәлекләре турында сөйләде.

Югары Шытсу мәдәният йортында үзешчәннәр тарафыннан спектакль тәкъдим ителде. Спектакль тамашачы тарафыннан бик җылы кабул ителде. Әлеге чарадан кергән керем махсус хәрби операциядә катнашучы егетләрнең гаиләләренә тапшырылды. 

Түбән Шытсу авылында аренда йорты төзелеше дәвам итә. Бүгенге көндә йорт эчендә эшләр башкарыла. Төзелешне ООО "ПМК-159" оешмасы башкара.

Бөек Ватан сугышында Җиңүнең 80 еллыгын бәйрәм итү алдыннан Түбән Шытсу авыл җирлегендә тыл ветераннарын хөрмәтләделәр. Авыл җирлеге башлыгы, Мәдәният бүлеге начальнигы һәм “Юнармия” хәрәкәте активистлары белән берлектә ветераннарга бүләкләр һәм Татарстан Республикасы Президенты Р.Н. Миңнехановның котлау открыткасын тапшырдылар.

Югары Шытсу авылы мәчетендә ремонт эшләре бара. Мәчет бинасы тышкы яктан җылытыла һәм яңа материал белән тышланачак. Эш халыктан җыелган хәер акчаларына башкарыла.

Чисталык икеайлыгы кысаларында Түбән Шытсу авыл җирлегендә өмә үткәрелде. Өмә барышында юл кырыйларыннан чүп җыю эше башкарылды. Катнашучыларга рәхмәт белдерәбез һәм чисталыкны сакларга чакырабыз!

Югары Шытсу авылыннан Мөхетдинова Сария "Волонтерлык хәрәкәтенең актив катнашучысы" тамгасы һәм рәхмәт хаты белән бүләкләнде. Сария апага сәламәтлек телибез, егетләребезгә күрсәткән ярдәмнәре өчен зур рәхмәт белдерәбез!