ЯҢАЛЫКЛАР

Түбән Шытсу авылында яшәүче Калимуллин Заһидулла Калимулла улына 90 яшь тулды. Әлеге зур бәйрәмне ул үзенең якыннары янәшәсендә каршы алды.

Түбән Шытсу авылында, өлкәннәр көне уңаеннан, "Саба чишмәләре" коллективы концерт программасы белән чыгыш ясады. Ахырдан "Шытсу" авыл хуҗалыгы ярдәме белән Корбан ашы үткәрелде.

Түбән Шытсу авыл җирлегендә агачлар утыртылды. Эшне Саба урман хуҗалыгы хезмәткәрләре башкарды.

Түбән Шытсу авылында гаилә фермасы төзелеше дәвам итә. Бүгенге көндә бинаның түбәсен ябу эше бара.

Елыш авылы мәчетендә эчке төзелеш эшләре дәвам итә. Шушы көннәрдә идәнне җылыту җиһазлары урнаштырылды.

Түбән Шытсу авылында ООО "Рамазан" оешмасы тарафыннан урам юлларын ремонтлау эше башкарылды. 

14 сентябрь урман көне уңаеннан Түбән Шытсу авыл җирлегендә агач утырту өмәсе оештырылды. Өмәдә барлык учрежденияләр дә актив катнашты.

 2019 елның 6 сентябрендә Түбән Шытсу авыл җирлегендә җирлек активы белән киңәшмә узды. Киңәшмәдә -  2019 елның 8 сентябрендәге сайлаулар, учреждение территорияләрендә чисталык һәм тәртип,өлкәннәр көненә әзерлек,салым темаларына кагылышлы мәсьәләләр күтәрелде.

Казан шәһәрендә "Иске Казан түгәрәк уены" Республика татар фольклор фестивале булып узды. Түбән Шытсу һәм Югары Шытсу авыл мәдәният йортларыннан Шарифуллин Разиль һәм Габдрахманова Нурания катнашып лауреат булуга ирештеләр. Котлыйбыз!  

8 сентябрь көнне алтынчы чакырылыш Дәүләт думасына депутатлар сайлау узачак. Түбән шытсу авыл җирлегендә барлыгы ике сайлау участогы эшләячәк. Авыл халкын сайлауда актив катнашырга чакырабыз.