ЯҢАЛЫКЛАР

23 февраль көнне Шәмәрдән мәдәният йортында «Ил язмышы – ирләр иңендә!» дигән Ватанны саклаучылар көне һәм Әфганстаннан совет гаскәрләрен чыгаруга 35 ел тулуга багышланган документаль-әдәби тамаша үтте.

23 февраль көнне Шәмәрдәндә  Ватанны саклаучылар көне хөрмәтенә «Защитники России» автоузышы оештырылды. 

25 февральдә Казан шәһәрендә "На высоте" бөтенроссия фестиваль-конкурсы узды.

25 февральдә Шәмәрдән хоккей командасы ир-атлар командалары арасында шайбалы хоккей буенча Саба муниципаль районы чемпионы булды.

Кукмара районының Аш-Буҗи авылында «Кукмара сөте» кубогына алкалы хоккей буенча турнир узды. Шәмәрдән авыл җирлеге командасы беренче урынны алды. Хисаметдинов Марсель иң яхшы капкачы дип танылды. 

Мондый авыр вакытта без берләшергә һәм хәрби хезмәткәрләребезгә ярдәм итәргә тиешбез. Маскировка челтәрләре сугышчыларны, коралларны, хәрби техниканы һәм башка мөһим объектларны маскировкалау өчен киң кулланыла. Шәмәрдән авылы халкы хәрбиләр өчен маскировка челтәре әзерләү белән шөгыльләнә. Теләге булганнар Шәмәрдән мәдәният йортында 17:30 сәгатьтән актив катнаша ала.  

Шәмәрдән авыл җирлегендә ир-атлар командалары арасында алкалы хоккей буенча Татарстан Республикасы Саба муниципаль районы чемпионаты узды. Нык көрәштә Шәмәрдән авыл җирлеге командасы Шикше җирлеге командасын 1:0 исәбе белән җиңде. Егетләребезгә алга таба да җиңүләр телибез.

10 февраль көнне  Шәмәрдән авыл җирлегендә «Россия чаңгы юлы - 2024», «Татарстан чаңгы юлы - 2024» узды. Ярышларда 150ләп кеше катнаша. Җиңүчеләр һәм призерлар тиешле дәрәҗәдәге дипломнар һәм акчалата призлар белән бүләкләнделәр.

Шәмәрдән авыл җирлегендә җыен узды. Җыенда Саба муниципаль районы Башлыгы Р.Н. Минниханов, район Башлыгы урынбасары Р.Р. Закирзянов, Саба муниципаль районы Башкарма комитеты Җитәкчесе Ишниязов М.Р., хокук саклау органнары вәкилләре, оешма-предприятия җитәкчеләре һәм вәкилләре катнашты.

3 февраль конне Шәмәрдәндэ яшәүче Закиров Расих Газиҗан улы олы бәйрәмен - 90 яшьлек юбилеен билгеләп үтте.