ЯҢАЛЫКЛАР

28 декабрь көнне Шәмәрдән мәдәният йорты хезмәткәрләре Олыяз мәдәният йортында «Хуш киләсең, Яңа ел» бал-маскарады оештырдылар. Мәдәният йорты хезмәткәрләре бәйрәм кичәсенең кызыклы концерт программасын әзерләделәр. Тамашачылар Яңа ел атмосферасына чумдылар, кызыклы уеннарда һәм конкурсларда катнаштылар. Кыш бабайның килүе белән җырлар, биюләр һәм шигырьләр белән чын бәйрәм булды. Чара ахырында Хуҗиәхмәт Мәүлит мәчет мулласы халыкны Яңа ел белән котлады.

29 декабрь көнне Шәмәрдән мәдәният йорты балалар бакчалары балалары өчен «Приключения Новогоднего мешка» дигән балалар спектаклен оештырдылар. Балалар өчен Яңа ел спектакле-тылсым һәм яхшылык дөньясына чын сәяхәт. Төп геройлар – Кыш Бабай, Кар Кызы һәм аларның дуслары. Якты костюмнар һәм кызыклы персонажлар, яңа ел җырлары, биюләр һәм кечкенә тамашачылар өчен уеннар булды. Балалар әкиятнең гаҗәеп дөньясына чумып, Яңа ел хатирәләрен булдыра алдылар.

31 декабрь көнне Шәмәрдән авылының үзәк чыршысы янында Шәмәрдән мәдәният йорты хезмәткәрләре «Новогодний переполох» күңел ачу программасын оештырдылар. Яңа ел-һәр йортта, һәр гаиләдә көтелә торган иң яраткан, игелекле, әкияти бәйрәм. Бәйрәм чарасы «С Новым годом» Яңа ел җыры белән башланды. Бәйрәм концерт номерлары, күңелле уеннар һәм конкурслар белән үрелеп барды, барысы да бергәләп биеделәр һәм чыршы тирәли әйләнде. Кич буе бәйрәм, тылсым атмосферасы хөкем сөрде, уңай эмоциональ кәеф сизелде.

29 декабрьдә Шәмәрдән мәдәният йортында Яңа ел концерты узды.

27 декабрьдә Шәмәрдән авылының үзәк мәйданында Яңа ел чыршысын ачу тантанасы булды. Чарада,  Шәмәрдән модель китапханәсе хезмәткәре Л.Д. Мөхәммәтҗанова һәм ШСДК каршындагы сәнгать үзешчәнлеге белән берлектә, Шәмәрдән мәдәният йорты хезмәткәрләре катнаштылар. Тамашачыларга театральләштерелгән тамаша күрсәтелде. Шулай ук җыелган җирле халык һәм кунаклар алдында Саба муниципаль районы Башлыгы урынбасары Р.Р. Закирҗанов һәм авыл җирлеге башлыгы А. К. Вәлиев тәбрикләү сүзе белән чыгыш ясадылар. Программада оешмаларның иң яхшы чыгышы, Яңа ел чыршысын бизәү, йорт яны территориясен бизәү өчен бүләкләүләр бар. Чара концерт номерлары, төрле хәрәкәтле уеннар һәм башка күп нәрсәләр белән чиратлашып, бу бәйрәм чарасын онытылмаслык итә. Уеннарда һәм конкурсларда актив катнашучылар өчен бик күп бүләкләр булды.

Шәмәрдән авыл җирлеге «Кыш бабайлар парады» конкурсында җигелгән атлар номинациясендә беренче урынны яулады.

Шәмәрдән авыл җирлеге, Шәмәрдән лицее, Кыш бабай белән берлектә махсус хәрби операциядә катнашучылар гаиләсен  һәм мөмкинлекләре чикле балалар тәрбияләүче гаиләләрне яна ел белән котладылар. Барлык иганәчеләргә рәхмәт белдерәбез.

Шәмәрдән авыл җирлеге предприятиеләре һәм оешмалары яңа елга территорияләрен бизәделәр.

Саба урманчылыгы  хезмәткәрләре һәм хокук саклау органнары хезмәткәрләре "Елка" дип исемләнгән оператив-профилактик чара үткәрәләр. 

Шәмәрдән авыл җирлеге командасы Балтач районында узган ир-атлар командалары арасында алкалы хоккей буенча турнирда катнашты. Егетләрне котлыйбыз һәм алга таба җиңүләр телибез!