ЯҢАЛЫКЛАР

       «Яшьлек» яшьләр үзәге хезмәткәрләре «Газпром трансгаз Казан» ҖЧҖ коллективы өчен чаңгы ярышлары үткәрделәр. Ярышларны ачу тантанасында Шәмәрдән магистраль газүткәргечләр линия җитештерү идарәсе начальнигы Гатауллин Илшат Илдар улы, «Яшьлек» яшьләр үзәге директоры Маканов Динар Каршигай улы катнашты. Ир-атлар стартка беренче булып 5 һәм 3 км дистанциягә атылды, аннары хатын-кызлар 3 һәм 2 км дистанциягә чыкты. Җиңүчеләр һәм призерлар грамоталар белән бүләкләнде.   

Ватанны саклаучылар көнендә армия сафларында хезмәт иткән яки сугыш елларында илне саклаган барлык ир-атларны һәм Ватанга хезмәт итәргә китәчәк егетләрне котлау матур традициягә әверелде. 23 февраль көнне Мичәнбаш авыл клубында Олыяз мәдәният йорты белән берлектә «чын ир – егетләр кичәсе» дип исемләнгән конкурс-уен программасы үткәрелде. Катнашучылар төрле конкурсларда җитезлек, тизлек белән көч сынаштылар. Барлык ир егетләр дә ярышларда үзләрен яхшы яктан күрсәттеләр. Конкурс программасы концерт номерлары белән чиратлашып барды. Чара бәйрәм дискотекасы белән тәмамланды. 

13 февраль көнне Шәмәрдән авылында «Россия чаңгы юллары - 2021» - «Татарстан чаңгы юллары-2021» массакүләм ярышларының берсе булып узды. Чарада мәктәпкәчә яшьтәге балалардан алып өлкән буын затларына кадәр барлык катнашучылар да катнашты. Барлык җиңүчеләр һәм призерлар мактау грамоталары һәм акчалата призлар белән бүләкләнде.

11 нче февраль көнне Шәмәрдән авыл җирлегендә җыен узды. Җыенда Саба муниципаль районы башлыгы Р.Н. Минниханов, район башлыгы урынбасары Р.Р. Закирзянов, хокук саклау органнары вәкилләре, оешма-предприятия җитәкчеләре катнашты. 

6 февраль көнне Шәмәрдән авыл жирлегендә ветераннар командалары арасында алкалы хоккей буенча турнир узды. Уеннар дустанә атмосферада үтте. Командалар һөҗүмдә кискен уен күрсәтә алдылар. Җиңүчеләр һәм призерлар мактау грамоталары һәм акчалата призлар белән бүләкләнде.     

Шәмәрдән авыл җирлеге Татарстан Республикасы Муниципаль берәмлекләре арасында иң яхшы Яңа ел чарасы һәм бәйрәмчә бизәлеш буенча республика конкурсында катнашты. «Үзәк Яңа ел чыршысын иң яхшы бизәү һәм җирлекләрдә биш зона төркеме (район үзәкләреннән тыш) буенча яңа ел чыршысын үткәрү» номинациясендә Шәмәрдән авыл җирлеге Төньяк зонада 1 нче урынны алды. Нәтиҗәләр 2021 елның 6 февралендә ТР Хөкүмәте Йортында Татарстан Республикасы Президенты Рөстәм Нургали улы Миңнеханов үткәргән республика киңәшмәсе кысаларында ясалды. Рөстәм Нургалиевич беренче урыннарны алган муниципаль берәмлекләргә дипломнар тапшырды.

    Шәмәрдән командасы Татарстан Республикасы Кукмара муниципаль районының Аш-Буҗи авылында ир-атлар командалары арасында узган хоккей буенча турнирда катнашты. Киеренке көрәштә алты команда арасында Шәмәрдән егетләре җиңү яулады. Аларны котлыйбыз һәм киләчәктә дә уңышлар телибез!

         2021 елның 23  гыйнварында Шәмәрдән авыл җирлегенең хезмәт коллективлары арасында чаңгы эстафетасы булып узды. Ярышларны ачу тантанасында Шәмәрдән авыл җирлеге башлыгы Гәрәев А. Н., "Яшьлек" яшьләр үзәге директоры Маканов Д. К. катнашты. Җиңүчеләр һәм призерлар мактау грамоталары һәм акчалата призлар белән бүләкләнде.

Буген Кырбаш авылында православие динендәгеләр иң төп христиан бәйрәмнәренең берсе –Качмануны билгеләп үттеләр.  

13 гыйнвар көнне Шәмәрдән авылының үзәк чыршысы янында мәдәният йорты хезмәткәрләре тарафыннан " Сихри дөнья күгеннән, ап-ак карлар коела! “дип исемләнгән Яңа ел чыршысын ябу тантанасы оештырылды. Хезмәткәрләр тамашачылар өчен театральләштерелгән тамаша әзерләделәр. Шулай ук авыл җирлеге башлыгы А.Н.Гәрәев  котлау сүзләре белән чыгыш ясады.