ЯҢАЛЫКЛАР

12 июнь  көнне үзенең 90 яшьлек юбилеен тыл ветераны Михайлова Анна Петр кызы билгеләп үтте.  Туган көне белән  Саба муниципаль районы башкарма комитеты урынбасары М.М. Багманов, Халыкны социаль  яклау идарәсе начальнигы М.М.Хуҗин, Шәмәрдән авыл җирлеге А.Н.Гараев тәбрикләде.

8 нче июнь көнне Шәмәрдән авыл җирлегендә гөрләп милли бәйрәм- Сабантуй узды. Бәйрәм программасында: милли көрәш, спорт һәм мавыктыргыч ярышлар, балалар уеннары, лоторея уйнатылды. Татар эстрада йолдызлары Лилия Муллагалиева һәм Мөнир Рахмаев катнашында концерт утте.     

2019 нче елның 25 нче маенда Шәмәрдән лицеенда  чыгарылыш укучыларына багышланган “Соңгы кыңгырау” бәйрәме үткәрелде.  26  укучы  мәктәп белән саубуллаштылар.  Чыгарылыш  сыйныф укучыларына имтиханнарны яхшы билгеләргә тапшырырга,   уңышлар һәм бәхетеле киләчәк теләнде

15 нче май конне Шәмәрдәндә тимер юл төзелүнең 100 еллыгына багышланган тантана узды. Шәмәрдәнлеләрне истәлекле юбилейлары белән котларга Саба  муниципаль районы башлыгы  Рәис Миңнеханов , Горький тимер юлы начальнигының беренче  урынбасары  Александр Процкий  килде.  Чарада тимер  юл  алдынгыларына рәхмәт хатлары тапшырды.    

      9 май көнне Шәмәрдән бистәсендә Бөек Ватан сугышында Җиңүнең 74 еллыгына багышланган бәйрәм чаралары узды.

Шәмәрдән авыл җирлегендә Бөек Җиңү бәйрәменә багышланган төрле чаралар оештырыла.   Бөек, истәлекле вакыйганы балалар күңелендә үтемле итеп сеңдереп калдыру, өлкән буын вәкилләренә, аларның сугышчан батырлыкларына соклану, горурлану һәм дә кайгыртылу хисләре тәрбияләү максатыннан Шәмәрдән лицее укучылар арасында  Бөек Ватан сугышында Җиңүнең 74 еллыгын бәйрәм итүгә багышланган рәсем конкурсы утте.

Шәмәрдән авыл җирлегендә «Урман утырту көне»акциясе узды. Акциядә Шәмәрдән  авыл җирлегенең барлык оешма-учреждениеләре дә актив катнашты. Барлыгы  285 төп агач утыртылды.  

Санитар-экологик икеайлык кысаларында Шәмәрдән авыл җирлеге территориясендә чистарту эшлэре бара.

Санитар-экологик икеайлык кысаларында Шәмәрдән авыл җирлеге территориясендә кардан арындыру эшлэре бара.

30 нчы  март конне Шәмәрдән авыл җирлегендә Вәлиуллин М.Г. истәлегенә  һәм  чангы шуу сезоны ябылуына багышланган чангы ярышы узды.. Җинучеләр грамота һәм акчалата бүләкләнделәр.