ЯҢАЛЫКЛАР

 Урта Кызыл авыл клубында «Яз килде»дип аталган рәсемнәр конкурсы үткәрелде. Конкурста балалар табигатькә булган мәхәббәтләрен, шулай ук бу матурлыкны кәгазьгә щетка, буяулар һәм карандашлар ярдәмендә ничек җиткерә алуларын күрсәттеләр.

       Милли мәдәниятләр һәм традицияләр елы кысаларында, милли бәйрәмнәргә һәм гореф-гадәтләргә, традицияләргә кызыксынуны үстерү максатыннан ,  Олы Нырты мәдәният йорты хезмәткәрләре халык традицияләрен саклау йөзеннән мәктәп укучылары өчен-«Кич утыру» дигән фольклор бәйрәм үткәрделәр. Бәйрәмгә килгән балалар татар фольклоры жанрларының төрле булуын һәряклап исбат иттеләр. Алар мәкаль һәм әйтемнәрне, борынгы бишек җырларын искә төшерделәр, борынгы бабаларыбызның ничек яшәгәннәрен, нинди әкиятләр тыңлаганнарын, ничек киенгәннәрен һәм нәрсә уйнаганнарын белделәр.

    Олы Нырты мәдәният йортында бильярд буенча зона турының иң яхшы уенчысына ярышлар оештырылды. Турнирда Олы Нырты, Урта Нырты, Язлы Арташ, Чабья Чурчи һәм Тат.Икшермә авылларыннан килгән уенчылар катнашты.

      "Нәүрүз бәйрәм" - тынычлык һәм игелек, кунакчыллык һәм муллык бәйрәме. Бөтен җирдә тынычлык булсын. 19 мартта Урта Нырты авыл клубында «Нәүрүз килә, яз килә» бәйрәме узды. Чара башында авыл клубы мөдире авыл халкын бәйрәм белән котлады. Бәйрәмгә «Нәүрүзбикә» бәйрәме хуҗабикәсе чакырылган иде . 

18 март көнне Урта Нырты авыл клубы мөдире Нәүрүз бәйрәме өчен бүләкләр җыюны оештырды. Җыю - бирнә җыю-Нәүрүз бәйрәме алдыннан оештырылган борынгы традиция . Ул үсеп килүче буынны татар халкының гореф-гадәтләренә һәм йолаларына җәлеп итәргә ярдәм итә. Әлеге чарада актив катнашкан өчен  балаларга, аларның әти-әниләренә һәм авыл халкына зур рәхмәтебезне белдерәбез.

       Олы Нырты авылында Нәүрүз бәйрәмен үткәрү матур традициягэ әверелде. 19 март көнне Олы Нырты авылы мәдәният йорты хезмэткәрләре  тарафыннан оештырылган бу бәйрәм, быел да бик күңелле узды. Куңелле уеннарда балалалар белән бергә, бәйрәм тамашасына килгән авылдашларыбыз да бик теләп катнашты. Төрле ярышлар үткәрелде җиңүчеләргэ бүләкләр бирелде.

              Олы Ныртыда авыл китапханәсе мөдире Чабья Чурчи авыл клубы белән берлектә « Туган якны өйрәнү яңалыклары» мәгълүмат көнен үткәрделәр . Бу китапханә фондына яңа керемнәр белән танышу. Авыл клубында «Туган якны өйрәнү яңалыклары» китап күргәзмәсе оештырылды. Күргәзмәдә татар язучыларының һәм шагыйрьләренең нәфис әдәбияты яңалыклары тәкъдим ителде, яшь укучыларны танылган якташлары, үзләренең данлыклы эшләре белән төбәкне данлаган кешеләр турында басмалар белән таныштырды . 

Олы Нырты авыл мәдәният йорты хезмәткәрләре "Нәүрүз" бәйрәме уңаеннан бүләкләр ,ярмалар, кәнфитләр, төрле тәм-томнар җыю оештырылды. "Дәрә җыю" -Нәүрүз алдыннан оештырыла торган борынгы традиция. Ул үсеп килүче буынны татар халкының гореф-гадәтләренә һәм йолаларына җәлеп итәргә ярдәм итә.

    Чәбия Чүрчи авыл клубында  башлангыч сыйныф укытучысы  Мөхлисова Назира Сәгыйткызы​ ​ белән очрашу - әңгәмә оештырдылар . Чара барышында ул балаларга​ укытучы​ һөнәре​ турында сөйләде , балаларга үзенең беренче альбомын күрсәтте , онытылмас мәктәп елларын искә төшерде, кызыклы булган хәлләрен әйтеп үтте.​ 

       Урта Нырты авыл клубында Халыкара Җир көненә багышланган "Табигатькә матурлык бүләк итәбез"дигән танып белү программасы үткәрелде. Табигать серләр һәм могҗизалар белән тулы. Тере табигать дөньясының күптөрлелеге арасында үз рекордсменнары да, бернәрсә белән дә игътибарга лаек булмаган экземплярлары да бар, ә һәркемнең үз үзенчәлекләре һәм серләре бар. Чара барышында хайваннар дөньясының төрле формалары турында сүз барды.