ЯҢАЛЫКЛАР

Бөек бәйрәм — Җиңү көне алдыннан Олы Нырты авыл җирлеге учреждениеләре хезмәткәрләре, тантаналы чараларга әзерләнү өчен, стелалар һәм Геройлар һәйкәлләре янына чыктылар.

Фашист Германиясен Җиңүнең 81 еллыгы алдыннан 3 майда Чәбия Чүрчи авыл клубы мөдире обелиск янында «Һәлак булганнар һәм исәннәр хакына»хәтер сәгате үткәрде.

Татарстан Республикасының агросәнәгать комплексында умартачылыкны актив үстерү дәвам итә, ул авыл хуҗалыгын цифрлаштыруның төп юнәлешләренең берсенә әверелә. Олы Нырты авыл җирлегенең административ бинасында күптән түгел Чүпрәле, Ютазы һәм Арча районнары белгечләрен берләштергән әһәмиятле чара узган. Визитның максаты-алдынгы тәҗрибә уртаклашу һәм умарта кортлары селекциясе технологияләрен тирәнтен өйрәнү, бу бөтен төбәк умарталарының продуктивлыгына турыдан-туры йогынты ясый.

2026 елның 1 апреленнән 31 маена кадәр Татарстан Республикасында торак пунктлар территорияләрен чистарту буенча санитар-экологик икеайлык уза.Санитар-экологик икеайлык кысаларында Олы Нырты авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр башланды. Җыештыру эшләрендә җирлек халкы зур теләк белдереп актив катнаша. 

Бөек Ватан сугышында Җиңүнең 81 еллыгы алдыннан Олы Нырты авыл җирлегендә тыл ветераннарын котладылар. Олы Нырты авыл җирлеге башлыгы Сәфәргалиев Р.З. һәм Олы Нырты авыл мәдәният йорты мөдире (Олы Нырты авыл җирлеге депутаты) Гаффарова Г.Р., Татарстан Республикасы Рәисе исеменнән бүләкләр һәм котлау открыткалары тапшырдылар.

Урта Нырта авыл клубында "Нәүрүз - яз бәйрәме"дигән күңелле бәйрәм үткәрелде. Кунаклар уеннарда, конкурсларда актив катнаштылар, аннары тәмле ботка, коймак һәм авыл кешеләреннән төрле тәмле ризыклар белән ләззәтләнделәр.

21 март көнне Чәбия Чүрчи авыл клубында «Нәүрүз – язны каршылау»исемле күңел ачу чарасы булып узды. Нәүрүз бәйрәме-Яз һәм җылылык килү, кышкы йокыдан соң табигатьнең уянуы. Бу көнне кояш үзәге күк экваторы аша уза.

Урта Нырта авыл клубында Халыкара 8 март көненә багышланган "язның матур мизгелләре" бәйрәм кичәсе узды.

Олы Нырты авыл китапханәсе мөдире балалар өчен «Сәламәт булу — шәп» дигән чаңгы шуу чарами оештырды.

Шуу алдыннан балалар куркынычсызлык кагыйдәләрен тыңладылар.

Ял минутлары вакытында балалар белән сәламәтлекне яхшырту һәм саклау өчен нәрсә эшләргә кирәклеге турында әңгәмә үткәрелде.

Әмма бүгенге очрашуның төп вакыйгасы җил белән шуу булды. Бүген балалар сәламәтлекнең гади рецептын ачтылар: саф һавада хәрәкәт итү.

Олы Нырты авыл китапханәчесе яшьләр өчен иҗади интеллектуаль күңел ачу чарасы «Белем аукционы» үткәрде. Яшьләргә үзләренең белемнәрен һәм эрудицияләрен тикшерергә тәкъдим ителде.