ЯҢАЛЫКЛАР

2021 елның язы авыл җирлеге тормышына үз төзәтмәләрен кертте.

Шекше авыл җирлеген дә  ПМК-159 көче белән «Акчарлак» балалар бакчасын төзекләндерү эшләре  башланды

Шекше мәдәният йортында Шәмәрдән лицееның «Асылташ» театр коллективы Мирсәй Әмирнең «Гөлшаян» пьесасын сәхнәләштерде.

21 март көнне Сәрдә авыл клубында "Нәүрүз - яз хәбәрчесе"дип исемләнгән халык бәйрәме үткәрелде. Ул лотерея билетлары уйнатудан башланды. 7 март көнне Шекше авыл мәдәният йортында мәдәният хезмәткәрләре һәм үзешчәннәр тарафыннан куелган "Яр буе Хәмидулла" спектакле тамашачыларының билетлары лотереяда катнашты. Бу тамашачыларны кызыксындыру чарасы булып тора. Лотерея иганәчеләре: Шекше авыл җирлеге башлыгы Хәйртдинов Р.Р., авыл депутаты Дәүләтшин Р., "Вернест" оешмасы җитәкчесе Газиева А..Бәйрәм кунаклары тәмле пылау, коймак, тәм-томнар белән сыйландылар, күңелле уеннарда катнаштылар. Бәйрәмнең һәр катнашучысына авыл халкы һәм "Игенче"ҖЧҖ иганәчесе әзерләгән бүләк тапшырылды.

20 март көнне Шекше мәдәният йортында халык бәйрәме "Нәүрүз" үткәрелде. Аны Шекше авыл мәдәният йорты хезмәткәрләре, китапханә мөдире, Шекше төп мәктәбе коллективы, «Акчарлак» балалар бакчасы коллективы һәм авыл җирлеге башлыгы белән берлектә үткәрделәр. Ул "Язгы ярминкә" белән башланды”. Мәктәп укучылары һәм авыл халкы сатып алучыларга өй камыр ризыклары, тәм-томнар, үз куллары белән ясалган әйберләр, тегелгән, бәйләнгән әйберләр, шулай ук поп-корн, татар сувенирлары һ. б. тәкъдим иттеләр. Концерт программасы укучылар чыгышларыннан төзелгән иде, алар тамашачылар игътибарына татар халык җырларын һәм биюләрен тәкъдим иттеләр. Бәйрәм кунаклары тәмле карабодай боткасы, коймак, кайнар чәй белән сыйландылар, мавыктыргыч ярышларда һәм җитезлектә, тизлектә һ. б. уеннарда катнаштылар.

16 марта творческие коллективы Шикшинского сельского поселения приняли участие в зональном конкурсе «Торсак та без төрле җирләрдә – без яшибез татар илендә».

Шекше мәдәният йортының «Нур» театр коллективы Сәрдә авыл клубы һәм Шекше китапханәсе белән берлектә Шекше, Сәрдә, Пүкәл һәм Иләбәр авыллары халкына «Су буе Хәмидулла" спектаклен күрсәтте.

6 март көнне Шекше авыл җирлеге делегациясе Саба районы мәдәният йортында “Халыкара хатын-кызлар бәйрәме” уңаеннан уздырылган концерт карады.

Шекше авыл җирлегенең Шекше мәдәният йортында эшләп килүче “Нур” театр коллективы 8 март  бәйрәмнәрендә халыкка “Су буе Хәмидулла” исемле спектаклен тәкъдим итте. Спектакль 6 март көнне Шекше һәм 7 март көнне Сәрдә авылы клубларында күрсәтелде.

28 февраль көнне авыл җирлекләренең ир-ат командалары арасында хоккей буенча Саба районы Чемпионатының финал уеннары узды. Сезон нәтиҗәләре буенча Шекше авыл җирлегенең “Сокол” командасы 2 нче урынны яулады.