ЯҢАЛЫКЛАР

11 гыйнвар көнне Шекше мәдәният йортында Иске Яңа елны каршылауга багышланган " Яңа Елда- яңа уңышлар!" дип исемләнгән күңел ачу кичәсе үткәрелде. Бәйрәм программасында 234 данә лотерея билетлары уйнатылды, тамашачылар башкаруында бию белән күңелле уеннар оештырылды.  Тамашачылар кызыклы кичәдә катнаштылар, аларның һәркайсы үз бүләген алды, аеруча бәхетлеләр термопот, мультиварка, электр чәйнәге, кием киптергече, соковыжималка, үтүк, идән элгечләре кебек төп призларны алды. Оттырышсыз лотерея сюрпризлары салынган тартмаларына иганәчеләрдән бүләкләр салынды: 1 ц фураж,салам, яктырткыч,стоматология кабинетына сертификат, татар эстрадасы йолдызлары Зинира һәм Ризат Рамазановларның концертына чакыру билеты, 200, 500 һәм 1500 сумлык бүләк сертификатлары.

Шулай ук 11 гыйнвар көнне Сәрдә авыл клубында Иске Яңа елны каршылауга багышланган «Лотерея» уены үткәрелде. Уенда катнашучылар уңышларын сынадылар һәм призлар алдылар. Тәнәфесләр арасында сәхнәдә үзешчән артистлар чыгыш ясады һәм тамашачылар өчен конкурслар оештырылды. Төп призлар – электр чәйнеге, картина, утюг, соковыжималка, сертификат һ. б. булды. Шулай ук иганачеләрдән: «Игенче» ООО – 1 ц ашлык фуражы, 2 рулон салам, «Олимп» реклама агентлыгыннан 500 сумлык сертификат буләкләре бар иде.

5 гыйнвар көнне Шекше авыл җирлегендә якташыбыз, Алан-Елга авылында туып-үскән Кавиев Вазыйх Нәфыйк улы истәлегенә Саба муниципаль районының ирләр командалары арасында алкалы хоккей буенча традицион турнир үткәрелде. Турнирны оештыруда күпсанлы иганәчеләр катнашты: Кавиевлар гаиләсе; Гатиятуллин Айрат Хәмит улы; Ахатов Азат Мөхтазир улы; Мөхәммәтҗанов Наил Рәис улы; «Игенче» ҖЧҖ. Турнирны бизәү һәм музыка белән тәэмин итүне Шекше мәдәният йорты оештырды.

 5 январь көнне мәдәният хезмәткәрләре "Кыш, спорт һәм мин!" дип исемләнгән спорт бәйрәме оештырдылар. Балалар һәм спортчылар арасында   “ Капкага шайба кертү”, "Бер-береңне куып җитү", "Шорт-трек" кебек уеннар үткәрелде. Балалар шулай ук бозлы эстафетада да катнаштылар һәм иганәчеләрдән бүләкләр алдылар.

27 декабрь көнне Шекше мәдәният йортында  "Игенче" җәмгыяте хезмәткәрләре балалары өчен “Праздник к нам приходит” дип исемләнгән Яңа ел тамашасы булып узды. Залда балаларны мультфильм персонажлары Карамелька, Миньон, Мини Маус каршы алды һәм алар бергәләп уеннар,конкурслар һәм биюләр ярдәмендә дуңгыз Пепаның  кәефен күтәрделәр, шулай ук Убырлы Карчыкны куркыттылар. Аннан соң балалар, әти-әниләре белән бергә, Кыш бабай белән Кар кызын бәйрәмгә чакырдылар, чыршы тирәли әйлән-бәйлән әйләнделәр, шигырьләр сөйләделәр, җырлар җырладылар, Кыш бабай бик шатланды һәм бүләкләр өләште. Бәйрәм бер сулышта узды һәм барлык катнашучыларны яхшы кәеф белән шатландырды.

Шекше авыл җирлегендә Яңа 2020 елны каршылау өчен актив эш алып барыла.

Кеше өчен иң мөһиме-аның сәламәтлеге, шуңа күрә без үзебезне авырулардан сакларга тырышабыз, ә моның өчен чиста, җылы һәм яхшы җиһазландырылган медпункт булса бик күңелле. 6 декабрь көнне Шекше авыл җирлегендә яңа фельдшер-акушерлык пункты ачылу тантанасы үтте. Әлеге мөһим вакыйгада катнашырга Шекше авыл җирлеге халкы җыелды, шулай ук ТР сәламәтлек саклау министрлыгыннан зур кунаклар, Саба муниципаль район башлыгы Р.Р. Минниханов, Саба үзәк хастаханәсе вәкилләре килде. Чара ахырында кызыл тасма киселде һәм авыл күгендә фейерверк  балкыды.

      7 декабрь көнне Шекше мәдәният йортында Чулпан Габделганиева җитәкчелегендә, Балтач районының физик мөмкинлекләре чикләнгән кешеләре һәм иҗатташ дуслары катнашында, "Дуслар җыелган җирдә" дип исемләнгән концерт үткәрелде.Чулпан-балачактан инвалид, коляскада утырып йөрүче кыз, бик нәзакәтле, әмма рухи яктан бик көчле кеше, РФ спорт мастеры, шагыйрә, Балтач районының "Фикердәш"инвалидлар клубы җитәкчесе һәм оештыручысы. Алар көче белән оештырылган әлеге концерт, Шекше авыл җирлегендә яшәүче балачактан инвалидлар һәм аларның әти-әниләре өчен ,чәй өстәле артына җыелып, күрше район кунаклары белән аралашу мөмкинлеге булсынга тудырылды. Концертта катнашучыларга һәм тамашачыларга Саба районы инвалидлар җәмгыяте җитәкчесе М.В. Галиуллин, Шекше авыл җирлеге башлыгы Р. Р. Хәйртдинов рәхмәт сүзләре белән чыгыш ясадылар. Шекше мәдәният йорты мөдире Л. Ә. Хисмәтова Чулпан Габделганиевага истәлекле бүләкһәм тамашачылар тарафыннан җыелган"шәфкатьлелек тартмасы" ннан акча тапшырды. Әлеге чара Шекше авыл мәдәният йорты хезмәткәрләре, җирлек башлыгы, Шекше авыл китапханәсе һәм Сәрдә авыл клубы мөдире белән берлектә уздырылды.

Шекше мәдәният йорты каршында эшләп килүче  “Зиләйлүк” фольклор коллективы Мичәнбаш авылы клубында концерт программасы белән чыгыш ясады.

Җаваплыгы чикләнгән  «Базовый проект» оешмасы Шекше авылында төзелгән яңа күпер биләмәсен матурлау эшен дәвам итә.

Шекше авыл җирлегендә ике яңа йорт салу эшләре дәвам итә.

Шекше авылында урам юллары ремонтлана. Ремонт эшен ООО “Яшен” оешмасы башкара.