ЯҢАЛЫКЛАР

Җ.Ч. «Игенче» җәмгыятендә Җ.Ч. «Казань Агрохимсервис» белән берлектә семинар уткәрелде.

Сәрдә авыл балалар бакчасында тышкы яңа газ котёлы урнаштыру эшләре тәмамланды.

13 сентябрь көнне Шекше авыл җирлегендә үз куллары белән ясалган мини тракторларга смотр-конкурс үткәрелде.

Җ.Ч. “Игенче” җәмгыятенә кергән терлекчелек фермалары  Шекше авылында  урнашкан.Бүгенге көнгә фермаларда 8 эшче хезмәт куя, 750 мөгезле эре терлек үстерелә. 2020 ел башыннан коллектив барлыгы 935 ц. ит җитештерде,уртача көнлек  артым 970 гр тәшкил итте.

Шекше һәм Сәрдә авылларында «Гафель»оешмасы көче белән 2 аренда йорты төзелеше дәвам итә

2020 елның 2 сентябрендә Җ. Ч. “Игенче” җәмгыятендә урып –җыю эшләре тәмамланды. Игенчеләр  мул уңыш алуга барлык тырышлыкларын куеп эшләделәр.

  Бүгенге көнгә  бөртеклеләрдән 2253 га мәйданда барлыгы 81 993 ц уныш алынды.

1 сентябрь көнне Шекше төп гомуми белем бирү мәктәбендә Белем көненә багышланган тантаналы чара узды. 1 сыйныфка 12 укучы керде.

28 август көнне Шекше авыл җирлегендә халык җыены булып узды. Җыенда Саба муниципаль районы Башлыгы Р.Н. Минниханов,  Саба районы Башкарма комитеты Җитәкчесе М.Р. Ишниязов катнашты. Шекше авыл җирлеге үзидәрәсенең 2015 – 2020  еллар аралыгында  эшләгән эшләренә отчеты һәм 2021 елга һәм 2025 ел чорына үсеш планнары турында авыл җирлеге башлыгы Хәйртдинов Р.Р. чыгыш ясады.

Җыенны йомгаклап Саба муниципаль районы Башлыгы Р.Н. Минниханов, авыл җирлегендә яшәүче халыкка мөрәҗәгать итеп, авылның һәм гомүмән районның киләчәген ничек күрүе, нинди юнәлештә хәрәкәт итәргә кирәклеге турындагы фикерләре белән уртаклашты.

        Районда беренче тапкыр, “Игенче” жәмгыятенең Шекше басуларында сыра ясарга яраклы арпа үстерелде. “ОЙЛ ГРУПП” ҖЧҖ  белән берлектә “Диспина “ сортлы арпа 201 га мәйданга чәчелде. Хәзерге көндә 50 гектарда уңыш алынды.

        Җ.Ч. “Игенче” җәмгыятенә караган, Сәрдә авылында урнашкан терлекчелек фермалары 2016 елда капиталь ремонттан соң эшли башлады.

       Хәзерге көндә фермаларда 3 эшче эшли.2020 елның икенче кварталына көнлек артым 1000 гр тәшкил итте.

      Шәрифуллина Рәйсә Кәрам кызының терлекчелектә эшләгән гомүми стажы 35 ел.

Фотода терлекче Шәрифуллина Р.К.