ЯҢАЛЫКЛАР

    28 август көнне Байлар Сабасы бистәсенең Гали Закиров урамында урнашкан ябык зиратында территорияне җыештыру һәм чистарту буенча өмә үткәрелде.  

Хөрмәтле предприятие, учреждение, оешма җитәкчеләре һәм Байлар Сабасы халкы!

Агымдагы елның 28 августында 8.00 сәгатьтә Байлар Сабасының Г.Закиров урамында урнашкан ябык зират территориясен чүп-чардан арындыру һәм куакларны чабу буенча чара планлаштырылган. Оешмадан ике хезмәткәр җибәрүегезне сорыйбыз. Үзегез белән дисклы бензин триммеры яки чапкыч алып килергә кирәк булачак. Катнашучыларны теркәү 8.00 сәгатьтә, шулай ук чара тәмамланганнан соң  да үткәреләчәк. Предприятие, учреждение, оешмалар исемлеге кушымта итеп бирелә.

2020 нче елның 25 нче августында тантаналы шартларда Татарстан Республикасы Саба муниципаль районы һәм Мәскәү (ТиНАО-Мәскәү) җирлеге арасында муниципальара хезмәттәшлек итү турында Килешүгә кул куелды.

    Әйе, без Сабалылар күршеләр көнләшерлек итеп яшибез. Бу барлык өлкәләрдә дә шулай. Спорт исә иң күп уңайлыклар һәм мөмкинлекләр тудырылган өлкә. Шуңа да район халкы кечкенәсеннән башлап, лаеклы ялдагыларны кертеп, һәрвакыт хәрәкәттә. Шул уңайлыклар рәтенә кичә тагын бер объект өстәлде. Төгәлрәге, Байлар Сабасының Пушкин урамында 18В адресы буенча (“Бәләкәч” балалар бакчасы каршында)  спорт мәйданчыгы ачылды. 

  Күренекле рус язучысы Федор Достоевскийның «Дөньяны матурлык коткарыр!» дигән канатлы гыйбарәсен белмәгән кеше юктыр. Тормыш агымына ияреп, кайвакыт туктап бер тын алырга, тирә-як матурлыгына хозурланып, башкалар тудырган матурлыкка сокланырга да вакыт таба алмыйбыз. 

    Татарстан Республикасы хөкүмәте тарафыннан тормышка ашырылучы “Арендалы торак” программасы кысаларында Саба шәһәр җирлеге буенча  зур күләмле эш алып барыла. 

    Бу көннәрдә Байлар Сабасы бистәсенең Сабинка елгасы яр буенда “Чиста яр” акциясе кысаларында территорияне җыештыру өмәсе үткәрелде. 

    Йортның матурлыгы ишегалдыннан башлана дигән фикер белән килешәсездер, мөгаен.  Бу көннәрдә Байлар Сабасының З.Йосыпов урамындагы 13Б, 15 һәм 15А күпфатирлы гомуми йортларының ишегалдында төзекләндерү эшләре бара.

... Юллар, юллар, авыр булса булсын,

Тик соңгысы гына булмасын, – дип җырланса да, бүгенге заманда машина белән асфальт юлдан гына җилдереп баруны барыбыз да ярата. Авыр дигәне язгы-көзге пычракларда машина белән кереп булмый торган юл өлешләре турында дип аңлыйк. Безнең Байлар Сабасында исә мондый урыннар инде бөтенләй юк диярлек. 

     Әйе, тек-тек басып йөрерлек тротуарлары булган бистәдә яшәвебез белән гоурурлана алабыз. Яшәгән җирнең матур, төзек һәм уңайлы булуы барыбыз өчен дә мөһим. Шуны истә тотып, бистәдә аның йөзен матурлау һәм халыкка тагын да уңайлы яшәү мохите тудыру буенча зур күләмле эш башкарыла.