ЯҢАЛЫКЛАР

    Байлар Сабасы бистәсенең мәдәният һәм ял паркында төзелеш эшләре дәвам итә. Хәзерге вакытта “Акварэй” архитектура-төзелеш компаниясе хезмәткәрләре тарафыннан мини-гольф уены өчен мәйданчык эшләнә. 

   Җәй – ул чәчәкләр, матурлык, яхшы кәеф һәм вакытны бушка уздырмау дигән сүз.  Шуны истә тотып, Байлар Сабасы бистәсенең һәр почмагында матурлык тудыручылар табыла. Бу җәй көне генә түгел, ел әйләнәсе шулай. 

     2019нчы елның 14нче августында Саба шәһәр җирлегендә яшәүче гражданнарның җыелышы булып узды. Җыелышта район башлыгы Р.Н.Минниханов, аның урынбасары Р.Р.Закирҗанов, башкарма комитет җитәкчесе М.Р.Ишниязов, оешма, учреждение һәм предприятие җитәкчеләре катнашты. 

    Байлар Сабасы бистәсендә агачлар һәм куаклар утырту, аларны карап һәм тәрбияләп тоту эшен муниципаль контракт нигезендә Саба күптармаклы җитештерү предприятиесе башкара. 

      Күпләребезнең яраткан ял итү урынына әйләнгән “Ямьле Саба” яр буе мәйданында төзелеш эшләре туктап тормый. 

   Яшәгән җирнең матур, төзек һәм уңайлы булуы барыбыз өчен дә мөһим. Шуны истә тотып, бистәдә аның йөзен матурлау буенча зур күләмле эш башкарыла. 

      Байлар Сабасы бистәсендә алып барылучы төзелеш эшләренең нәтиҗәсе күз алдында. Халык хәзер Мәктәп урамы буйлап бик матур һәм уңайлы итеп эшләнгән тротуардан атлап йөри. 

    19-20 нче июль көннәрендә Саба шәһәр җирлеге биләмәсендә “Чиста яр буе-2019” акциясе булып узды. Бу чарада оешма хәм предприятие эшчеләре актив катнашты.

     2019 нчы елның 17 нче июлендә Байлар Сабасы бистәсенең Г. Закир урамындагы ябык зиратында оешма, предприятие һәм учреждение хезмәткәрләре катнашында өмә булып узды. Өмәдә 70 тән артык кеше катнашты. Зират-ул изге урын, нинди вазифа биләвенә һәм кайсы һөнәр иясе булуына карамастан, һәр кеше мондый чарада актив катнашырга тиеш.

    2019 нчы елның 14 июлендә Урта Саба авылында "Балалар Сабантуе" бәйрәме узды. Бәйрәмне шигырьләр һәм җырлар белән ачып җибәрделәр. Балалар татар халык уеннары белән таныштылар: татар милли көрәше, капчык киеп йөгерү, чүлмәк вату, кашыкка йомырка куеп йөгерү, аркан тарту. Барлык уеннар да музыка астында узды. Күңелле уеннарда, эстафеталарда катнашу да балаларны сөендерде.