ЯҢАЛЫКЛАР

Мишә авыл җирлеге «Сабабаш» командасы 2024 елгы сезонның ирләр командалары арасында пляж футболы буенча Саба муниципаль районы чемпионатында 1 урынны яулады.

Мишә авыл җирлегенең актив Асадуллиннар гаиләсе КСК Сабантуй биләмәсендә  «Гаилә, мәхәббәт һәм тугрылык көне» бәйрәм итүдә катнашты.

14 июльдә Лесхоз мәдәният йорты һәм китапханә хезмәткәрләре клуб формированиеләре активистлары өчен "Балыкчы көне"үткәрделәр. Балыкчылар көне-балыкчылар бәйрәме, аны җәйге чорның иң күңелле бәйрәмнәренең берсе дип атарга мөмкин. Безнең кызлар матур итеп җырлый һәм бии беләләр икән, балык та бик шәп тота беләләр икән. Беренче балык тоту озак көттермәде. Алга таба чараны саф һавада актив уеннар белән дәвам иттеләр. Ә барысы да зур булмаган пикник белән тәмамланды.

10 июльдә Лесхоз мәдәният йорты хезмәткәрләре, китапханәче белән берлектә, "Җан җылысын бирик сезгә җырлар аша" дип аталган картлар йорты халкы өчен концерт оештырдылар. Концерт бер сулышта узды. Өлкәннәр йортында яшәүчеләр безне һәр тапкыр бик җылы, көчле алкышлар белән каршы алалар. Алар өчен без бик күп яңа җырлар һәм биюләр әзерләдек. Без инде яраткан тамашачыларыбызның шат йөзләрен күрергә шат идек.

9 июльдә Лесхоз мәдәният йорты хезмәткәрләре, китапханәче белән берлектә, балалар арасында велоузыш оештырдылар. Чараның төп максаты-балачактан сәламәт яшәү рәвешен пропагандалау, шулай ук безнең Лесхоз бистәсе халкы арасында велосипед спортын популярлаштыру. Бүген урамда без велосипедларга караганда күпкә күбрәк машиналар күрәбез, һәм бу бик күңелсезләндерә. Бу картинаны үзгәртү өчен балачактан ук велосипедка мәхәббәт тәрбияләргә кирәк. Һәм бер матур, кояшлы көнне балалар арасында "җилдән тизрәк" дип аталган велоузыш оештырырга карар керттек. Бу матур һава торышын уңай карашлы кунаклар һәм чарада катнашучылар тулыландырды. Барысы да ярышта бик теләп катнаштылар. Мавыктыргыч ярышларда катнашучыларга бүләкләр, ә җиңүчеләргә өстәмә призлар тапшырылды.

9 нчы сыйныф укучыларына аттестатлар тапшыру тантанасы. Аттестат алу – һәр укучы өчен мөһим вакыйга, чөнки аттестат-мәктәпне тәмамлаучыларның уңышларына гомуми бәя бирү генә түгел, ә күп кенә балалар өчен олы тормышка юллама да. Шәкертләребез белән горурланырбыз дип ышанабыз! Уку йортларына уңышлы укырга керү, кадерле чыгарылыш укучылары!!! Хәерле юл!!!

11 нче сыйныф укучыларына аттестатлар тапшыру тантанасы. Аттестат алу – һәр укучы өчен мөһим вакыйга, чөнки аттестат-мәктәпне тәмамлаучыларның уңышларына гомуми бәя бирү генә түгел, ә күп кенә балалар өчен олы тормышка юллама да. Шәкертләребез белән горурланырбыз дип ышанабыз! Уку йортларына уңышлы укырга керү, кадерле чыгарылыш укучылары!!! Хәерле юл!!!

Йөрәккә нинди якын һәм кадерле бу сүзләр . Безнең һәрберебезнең газиз туган йорты,нигезе урнашкан кадерле туган авылы бар . Һәр авылның үзенә генә хас кабатланмас,истә кала торган урыннары күп.

Сокланып туймаслык тугайлар, челтерәп ага торган чишмә буйлары, балыклы күлләр, куе әрәмәләр белән уратылган елга үзәннәре, туган ягыбызның кырлары, басулары, шаулап торган урманнары күңелләргә рәхәтлек биреп, туган туфракка мәхәббәт тәрбияли. Кая гына барсак та, туган төбәгебезнең гүзәллеген берни дә алмаштыра алмый . Туган ягыбызның  һәр сукмагы, һәр агачы, һәр үләне, аның барча кешеләре күңелгә бик тә якын. Тәпиләп киткән, беренче тапкыр әттә-әннә дип әйтергә өйрәнгән вакыттан ук күңел түренә туган телебез аша кереп утырган ул кадерле урыннар.

06 июль көнне Сабабаш авыл клубы хезмәткәре, Килдедебәк китапханәчесе һәм дә авылыбыз яшләре белән берлектә, җыр биюле төрле уеннар белән авылдашлар очрашуы уздырды. Әлеге бәйрәмгә шушы авылда кайчандыр туып үсеп, чит җирләрдә яшәп ятучы якташлар биредә гөмер итүче олы кечесе җыелды. Бәйрәм тамашасы күңелле уеннар, моңлы җырлар, дәртле биюләр белән үрелеп барды. Халык җырлап, биеп, уеннарда актив катнашып, күңелле ял итте. Әлеге авылдашлар очрашуы авыл халкына дуслык күперләрен ныгытып алга таба да бердәм булып яшәр өчен илһам бирде.

7 июльдә Лесхоз мәдәният йорты хезмәткәрләре, китапханәче белән берлектә, Гаилә, мәхәббәт һәм тугрылык көненә багышланган "Минем гаиләм - минем ныгытмам" уен программасын үткәрделәр. Күңелле һәм мавыктыргыч ярышларда безнең авылның дус гаиләләре катнашты. Командалар төрле спорт конкурсларында ярыштылар һәм тизлек, җитезлек, командада эшләү осталыкларын сынап кына калмадылар, ә үзләрен зур бердәм спорт гаиләсе итеп хис иттеләр. Уеннар мавыктыргыч, күңелле килеп чыкты, күп кенә уңай эмоцияләр һәм тәэсирләр калдырды, ә иң мөһиме, актив ял, спорт һәм сәламәтлек бәйрәме булды. Чара ахырында барлык гаиләләргә истәлекле бүләкләр тапшырылды.

7 июльдә "Нургали" мәчете янындагы лагерьның соңгы көне булды, аны Лесхоз мәдәният йорты, китапханә хезмәткәрләре һәм авыл имамы оештырды. Бүгенге көн балалар өчен иң күңелле көн булгандыр. Әхмәт-хәзрәт лагерьны өй эшен тикшерүдән башлады. Аннары иң яраткан уен - жетоннарны бүләкләргә алмаштыру башланды. Балалар үзләренә ошаган бүләкләрне аукцион ярдәмендә алдылар. Соңыннан аларны кайнар коймаклы тәмле лимонад көтте. Бу ял көннәре балалар өчен файдалы булды дип ышанабыз.