ЯҢАЛЫКЛАР

Мишә авыл җирлегендә өмә

Нәүрүз-мөселманнарның иң борынгы изге бәйрәмнәренең берсе. Бу көнне һәрберебезнең күңелендә игелек, якыннарыбызны ярату урнашырга тиеш. Бу бәйрәм халыклар арасында дуслыкка, шәфкатьлелеккә чакыра. Мөселман календаре буенча бу көн елның башы булып тора.
06 апрель көнне Сабабабш авыл клубында авыл халкы өчен,язны каршы алу кышны озату   “Яз килә,яз килә! Яз бәйрәме Нәүрүз килә” дип аталган бәйрәм оештырылды.Бәйрәм клуб хезмәткәренең котлау сүзләре белән башланып китте,күңелле уеннар  авылдашларның концерт номерлары белән үрелеп барды.Хәр катнашучы бүләкләр алып бәйрәм коймагы һәм карга боткасыннан авыз итеп күтәренке кәеф белән өйләренә таралышты.
Бәйрәмнең икенче өлешендә авылдашларыбыз Гайнутдинов Айдар һәм Алсу истәлегенә волейбол ярышы булып узды.Ярыш бер минут тынлык белән башланды.Призлы урын алучыларга Гайнутдиновлар гаиләсеннән истәлекле бүләкләр тапшырылды.

Бүген, 6 апрельдә, Лесхоз мәдәният йортында «Нәүрүз - яз бәйрәме»булып узды. Нәүрүз-язгы көн-төн тигезлеге, табигатьнең яңадан торгызылуы, тормышның тантанасы, мул уңыш елына өмет бәйрәме. Нәүрүз-тынычлык һәм игелек, кунакчыллык һәм муллык бәйрәме.

Милли бәйрәмнәр һәрвакыт үзенә бертөрле атмосфера, гадәти булмаган традицияләр һәм гасырларга сузылган кызыклы, тирән гореф-гадәтләр белән әйләндереп алынган. Кунакларны язның беренче канатлы хәбәрчеләре – сыерчыклар, каргалар һәм, әлбәттә, бәйрәмнең хуҗабикәсе Нәүрүзбикә каршы алды. Барлык милли бәйрәмнәрдәге кебек үк, бүген дә халык уеннары: капчык киеп йөгерү, йомырка салып йөгерү, «водонослар», аркан тартышу, призны күзеңне йомып ал. Уеннар музыкаль номерлар белән чиратлашып барды. Традиция буенча тәмле боткадан башка булмады, ул күңел һәм кайнар чәй белән пешерелде. Нәүрүзбикә барысын да сыйлады. Нәүрүз-ул игелек һәм үзара хөрмәт, шәфкатьлелек һәм юмартлык символы бит.

Чара бәйрәм рухы һәм тамашачыларның яхшы кәефен тудырды.

5 апрель - бөтен дөньяда Халыкара әхлак көне билгеләп үтелә. Бу бөтен кешелекнең игътибары әхлакый принциплар һәм этиканың мөһим мәсьәләләренә җәлеп ителә торган көн. Шул уңайдан Лесхоз мәдәният йортында «әхлакның алтын кагыйдәсе»дип исемләнгән әхлак сәгате узды. Әлеге чара балаларга әхлакый принципларның һәм шәхси җаваплылыкның мөһимлеген аңлау өчен менә дигән мөмкинлек булды. Чарада укучылар презентацияне карадылар, шулай ук әхлак турындагы белемнәрне кулланырга кирәк булган төрле ситуацияләр дә уйнатылды. Чарада күтәрелгән тагын бер тема-буллинг. Балалар белән бергә буллингның төрләрен, аның сәбәпләрен һәм нәтиҗәләрен тикшерделәр. Чара барышында балалар әхлак җәмгыятьтә сәламәт һәм гармонияле мөнәсәбәтләр өчен нигез булып тора дигән нәтиҗә ясадылар. Бу конфликтларны хәл итәргә, кешеләр арасында ышаныч һәм хөрмәт булдырырга ярдәм итә торган сыйфатлар. Чара әхлак турында хикмәтле сүзләр уку белән тәмамланды.

7 апрельдә Бөтендөнья сәламәтлек көне билгеләп үтелә. Әлеге бәйрәм алдыннан 4 апрель көнне Лесхоз мәдәният йортында «Ләйсән» балалар бакчасында тәрбияләнүчеләр өчен «Күңелле стартлар»узды. «Күңелле стартлар " программасы шактый бай булды. Командаларга йөгерү, сикерү, туп, кегль һәм кыршау эстафеталары белән мавыктыргыч конкурслар тәкъдим ителде, алар анда үзләренең спорт, акыл сәләтләрен һәм күнекмәләрен күрсәтә алдылар. Балалар тизлек, җитезлек, командада эшли белү буенча ярыштылар. «Күңелле стартлар» ның барлык этаплары киеренке көрәштә узды. Барысы да финишка беренче булып килергә тырыштылар.

03 апрельдә Сабабаш авыл клубында халык сынамышлары турында әңгәмә узды. "Апрель-ел ачкычы." Бу әңгәмә балаларны традицион халык календаре, йолалары, гореф-гадәтләре, билгеләре, уеннары белән таныштыру өчен кирәк. "Апрель-бөтен ел ачкычы" әңгәмәсе вакытында балалар нәкъ менә апрельдә Табигатьнең көчле көчләре уянуын, апрельдә башка исемнәр дә барлыгын белделәр. Апрельнең төп эше-су. Укучылар апрель өчен иң мөһиме — җирананы су белән сугару икәнен белделәр

Мишә авыл җирлеге башлыгы А.Х.Гатиятуллин, Мишә авыл җирлеге оешмалары җитәкчеләре белән экологик икеайлык, Бөек Җиңүнең 80 еллыгы темасына киңәшмә үткәрде.

22 мартта Лесхоз бистәсендә РСФСР һәм ТАССРның Атказанган урманчысы Н.М.Миңнеханов истәлегенә балалар, яшүсмерләр һәм өлкәннәр арасында тиз шахмат буенча Районара шәхси турнир узды. Беренчелектә 300дән артык кеше катнаша. Иң кечкенә катнашучыга 5 яшь иде – Арсланов Альмир Ильнур улы (Байлар Сабасы), 80 яшьлек Мөгтәсимов Хәмит Мирсәет улы (Лесхоз бистәсе) «Иң өлкән катнашучы» булды . Ачылу тантанасында Нургали Миңнехановичның улы - Раис Нургали улы Миңнеханов, Саба муниципаль районы башкарма комитеты Аппараты җитәкчесе - Марат Рәшит улы Кәримов, Саба урманчылыгы директоры - Илһам Гайдулла улы Рәхмәтуллин, Мишә авыл җирлеге башлыгы Азат Хөрмәт улы Гатиятуллин һәм Саба районының төрле бүлекчәләре җитәкчеләре. Һәр катнашучыга истәлекле бүләкләр тапшырылды. Һәр номинациядә җиңүчеләр дипломнар һәм акчалата призлар белән бүләкләнделәр.

Сабабаш авыл клубында «Зарарлы гадәтләр турында файдалы сөйләшү»дигән мәгълүмат сәгате үткәрелде. Гадәт-без аны өйрәнгән хаталарыбыздан аермалы буларак, көннән-көн кабатлыйбыз. Гадәтләр зарарлы, начар  һәм кайчак куркыныч була. Беренче гадәтләр балачактан башлана. Безнең тормышыбызда иң күңелсезе – начар гадәтләр. Без аларның начар икәнен беләбез, ә еш кына үзебез белән берни дә эшли алмыйбыз – ияләштек! Чара барышында файдалы һәм зарарлы гадәтләр каралды. Алкоголь, наркотиклар, тәмәке куллану сәламәтлеккә аеруча куркыныч йогынты ясый. Йомгаклап, чарада катнашучылар шундый нәтиҗә ясадылар: зарарлы гадәтләр колы булмас өчен, берничек тә спиртлы эчемлекләр һәм наркотиклар кулланмаска кирәк.

Мишә авыл җирлеге башлыгы Гатиятуллин Азат Хөрмәт улы Лесхоз урта мәктәбендә Парламент дәресе үткәрде.