ЯҢАЛЫКЛАР

      Кукмара муниципаль районының Лубян авылында «Лубян урман-техника көллияте» ДБҺБУ базасында ТР мәктәп урманчылыкларының «Урманны бергә саклыйк»VIII слетын ябу тантанасы булды. 

Бүген Кукмара муниципаль районының Лубян авылында «Лубян урман-техника көллияте» ДБҺБУ базасында ТР мәктәп урманчылыкларының «Урманны бергә саклыйк»VIII слетын рәсми ачу тантанасы булды. 

24 июль көнне Сабабаш авыл клубы хезмәткәре балаларга «Юл билгеләре илендә» танып белү сәгатен үткәрде. 

Мишә авыл җирлеге 2024 елда Саба муниципаль районы җирле үзидарә органнары эшчәнлеге нәтиҗәлелеген бәяләү (индикаторлар) йомгаклары буенча 1 урынны алды.

17 июль көнне Сабабаш авыл клубы мөдире авылдашлар өчен «Күрше Фест» ишегалды фестивале кысаларында ”Капка төбендә кич утыру” оештырды. Кич утыру милли мәдәниятне саклау һәм үстерү, халыкның фольклор гореф-гадәтләрен, йолаларын һәм бәйрәмнәрен торгызу максатында үткәрелде.

Капка төбендә  кич утырулар безгә нәселдән килгән халык традицияләренең берсе. Чарада катнашучылар күңелле аралашу өчен һәм тормыш ыгы-зыгысыннан арынып ял итәр өчен җыелдылар. Мондый очрашулар көндәлек тормышны төрлеләндерергә ярдәм итә. Чәй өстәле артында авылдашлар балачакларын  искә төшерделәр, яшь чакларында авыр хезмәт көненнән соң ничек капка төбендә кич утырулары,гармунга кушылып яшлек җырларын җырлаулары һәм яратып уйный торган уеннарын искә алдылар. Искә генә төшереп түгел яшлекләренә кайтып гармунга кушылып татар халык җырларын җырладылар , күптән онытылып баручы «Назалы» «Биш парлы»уенын да уйнап күрсәттеләр.Әлеге күңелле кич утыру авылдашлар күңелендә бик тирән эз калдырды.Алга табада мондый матур чаралар күбрәк булсын дигән теләктә өйлренә таралыштылар.

16 июль көнне "Гаилә" паркында "Безнең ишегалды", "Яхшы күршелек" Республика фестивале кысаларында бик матур мәдәни чара булып узды. Әлеге чарада Лесхоз мәдәният йорты һәм китапханә хезмәткәрләре "Мәхәллә" проекты буенча мастер - класс белән катнаштылар.

11 июльдә  мәдәният йортына Әлмәт шәһәреннән кунаклар килде. «Тылсымлы кыңгырау " туристлык маршруты буенча. Алар өчен "кыңгырау"музеена экскурсия үткәрелде. Кунакларны кыңгырауларның күплеге һәм музейдагы уникаль кыңгыраулар гаҗәпләндерде. Шулай ук алар өчен милли камыр ризыклары белән чәй эчү оештырылган иде. Туристлык маршруты мастер-класс белән тәмамланды, анда алар рәхәтләнеп агач такталарны бизәделәр.

Елның иң тәмле һәм татлы көне - Бөтендөнья шоколад көне — татлы ашаучылар һәм гурманнар 11 июльдә билгеләп үтәләр. 

5 июль көнне мәдәният йорты һәм Лесхоз бистәсе китапханәсе хезмәткәрләре балалар арасында " җилдән тизрәк!». Беренче этап ярышларда катнашучыларны теркәү булды. Аннары оештыручылар балаларга велосипедның барлыкка килү тарихын сөйләделәр. Велосипедны уйлап табучы-эшче Артамонов. Ул берничә велосипед уйлап таба, шуларның берсе 1801 елда Мәскәүдә күрсәтелә. Шушы уйлап табулары өчен ул һәм аның нәселе патша хөкүмәте тарафыннан крепостной бәйлелектән азат ителә. Велосипед сүзе нәрсә аңлата дигән сорауга балалар дөрес җавап бирделәр. Велосипед - латин теленнән «velox» - тиз, «pedes» - аяклар. Аннары балаларга велоузыш кагыйдәләрен аңлаттылар һәм катнашучылар чиратлашып үзләренә әзерләнгән киртәләрне узарга керештеләр. Болар - "Сигезле",» тар аллея«,»елан". Чара ахырында йомгаклар ясалды, җиңүчеләрне ачыкладылар һәм истәлекле грамоталар белән бүләкләделәр.

Авыл көне-авылдашларыбызның зур гаиләсе өчен күңелле һәм якты тантана, ул дусларыбыз, якыннарыбыз белән матур вакыт үткәрергә мөмкинлек бирә.

05 июль көнне Сабабаш авыл клубы хезмәткәре Килдебәк китапханәчесе һәм авыл яшьләре белән берлектә җырлы биюле авылдашлар очрашуы уздырды. Бу бәйрәмгә кайчандыр шушы авылда туган һәм чит җирләрдә яшәүче якташлар җыелды. Авыл халкын бәйрәмебез кунакларын: Мишә авыл җирлеге башлыгы А.Х. Гатиятуллин котлады, гадәттәгечә, бу көнне юбилярларны, яшь парларны, яңа туган сабыйларны хөрмәтләделәр, әлбәттә, махсус хәрби операциядә катнашучы авылдашларны игътибардан читтә калдырмадылар. Батыр егетләребезгә исән – сау әйләнеп кайтырга, ә әти-әниләренә көч, сабырлык һәм сәламәтлек теләделәр.

Бәйрәм тамашасы күңелле уеннар, җырлар, дәртле биюләр белән үрелеп барды. Халык җырлады һәм биеде, уеннарда актив катнашты. Авылдашларның бу очрашуы авыл халкын киләчәктә бергә яшәргә рухландыра, дуслык күперләрен ныгыта.

Концерт программасында Ике басу Арташ мәдәният йорты хезмәткәрләре һәм авыл кунаклары катнашты.

Безнең авылда барысы да бәхетле һәм тату яшәсен, авылыбыз чәчәк атсын дигән теләктә саубуллаштык.