ЯҢАЛЫКЛАР

4 январь көнне Мишәбаш авылы мәдәният йортында "Кыш Бабай бүләкләре"дип исемләнгән искиткеч яңа ел бәйрәме узды. Кечкенә кунаклар позитив заряд һәм, әлбәттә инде, бүләкләр алдылар! Ә бәйрәм тагын да кызыклырак булсын өчен, оештыручылар оттырышсыз лотерея уздырды, анда һәр бала күңелле сюрприз ота алды.

3 гыйнварда Евлаштау авыл мәдәният йортында бәйрәмчә җанланды! Авылның кечкенә дусларын «Яңа ел шаукыны» дип исемләнгән күңелле чара каршы алды. Мәдәният йорты һәм китапханә хезмәткәрләре, үзешчәннәр белән бергә, балалар өчен сюрпризларга һәм шатлыкка тулы онытылмаслык программа әзерләде.

Яңа ел чаралары кысаларында, 2 гыйнварда Мишәбаш авылы мәдәният йортында авыл халкы өчен "Яңа ел бүләкләре" дип исемләнгән оттыру булмаган лотерея узды. Бу чара һәр катнашучыга да күңелле сюрприз бүләк итте, чөнки беркем дә бүләксез калмады. Кичәнең кульминациясе булып, бирелгән барлык билетлар арасыннан төп супер приз уйнатылуы тора, бу чарага аерым тантаналылык һәм дәрт өстәде.

1 январь көнне Мишәбаш авылы мәдәният йорты янында " Яңа ел белән, авылдашлар!,бәйрәм чарасы бөтен авыл халкын бергә җыйды. Гармунчылар кунакларны дәртле көйләре белән сөендерделәр, алар астында барысы да рәхәтләнеп җырладылар һәм биеделәр, чын күңел ачу һәм бердәмлек атмосферасы тудырдылар.

Һава тәмле ризык-шашлык, пылау, коймак һәм кайнар шурпа исләре белән тулды. Кунаклар тәм-томнар белән ләззәтләнеп кенә калмадылар, кышкы уеннарда да актив катнаштылар, бу бәйрәмгә дәрт һәм энергия өстәде.

Бу бәйрәм бик уңышлы узды-ул барысына да чын Яңа ел тылсымын бүләк итте, күңелләрне дуслык һәм шатлык җылысы белән җылытты. Көлү һәм елмаюлар беркемне дә ташламады, ә күңел атмосферасы бу көнне һәр авылдашы өчен чын мәгънәсендә онытылмаслык итте.

25 октябрьдә Саба районының Явлаштау авылында мәчетнең 100 еллыгы билгеләп үтелде. Чараның беренче өлеше мәдәният йортында башланды. Явлаштау мәчетенең уникальлеге шунда ки, ул яшәгән чорда ишекләр ябылмаган, мәчет манарасы совет чорында да кагылынмыйча сакланып кала алган. 2016 елдан мәчет имамы вазыйфаларын  Инсаф Галимҗанов башкара. Авыл халкын һәм мәхәллә кешеләрен Татарстанның барлык мөселманнары исеменнән Татарстанның баш казые Җәлил хәзрәт Фазлыев мәчет юбилее белән котлады. Ул дин тотучыларга үз үгет-нәсихәтләрен бирде һәм һәр мөселман тормышында мәчетләрнең мөһимлеген ассызыклады. Чарада шулай ук Ислам динен кабул итүгә Мең ел исемендәге Казан югары мөселман мәдрәсәсе җитәкчесе Ильяс хәзрәт Җиһаншин,Теләче районы имам мөхтәсибе, төбәк казые Исмәгыйль хәзрәт Фәләхиев,Кукмара районы имам мөхтәсибе Рәдиф хәзрәт Тимергалиев,Татарстанның җәмәгать эшлеклесе Харис Камалиевлаар да катнаштылар һәм  шулай ук бу тарихи мәчетнең күп еллар дәвамында хезмәт итүен  теләделәр. Мәчеттә чара өйлә намазы белән тәмамланды.

 Явлаштау авылында үзара салым акчасына янгын гидрантлары урнаштырылды 

Мишәбаш авылының Сосновая урамында  130 метр озынлыктагы урам-юл челтәренә вак таш салу эшләре төгәлләнде. Ремонт-торгызу чаралары "МДСУ-2"ҖЧҖ көче белән башкарылды. Әлеге  оешма хезмәткәрләренә сыйфатлы хезмәтләре өчен рәхмәт белдерәбез.

«Саба»ҖЧҖнең Явлаштау бригадасында 400 башка исәпләнгән сөтчелек фермасы төзелеше дәвам итә.

Явлаштау авылында 20х 80 программасы кысаларындаторак йорт төзелеше башланды.

Җаваплылыгы чикләнгән «Саба» җәмгыятенең Явлаштау бригадасында  бөртеклеләрне җыю эшләре ахырына якынлаша.