ЯҢАЛЫКЛАР

 Явлаштау авыл  җирлеге волейболчылары пляж волейболы буенча Саба муниципаль районы Чемпионатының зона уеннарында 3 урынны алдылар.

 «Саба» җаваплылыгы чикләнгән җәмгыятенең Явлаштау бригадасында, тулы куәтенә, терлекләргә азык әзерләү эшләре бара.

     Мишәбаш авылында гражданнарның үзара салым акчасына юлларны ремонтлау  эшләре төгәлләнде. Барлыгы 180м. юлга вак таш (щебенка) тушәлде.

Мишәбаш авылында Республика программасы нигезендә 5 яңа светодиодлы лампа урнаштырылды һәм 9ы яңа лампага алыштырылды.

12 июльдә Явлаштау авылында яшәүче Аскәдилова Миннекамал Газизулла кызы үзенең 90 яшьлек юбилеен билгеләп үтте. Аны Саба муниципаль районы башлыгы Миңнеханов Р.Н. исеменнән һәм шәхсән үз исеменнән Саба муниципаль районында МТЗ һәм СЗ ОСЗ начальнигы Гайнетдинова Л.Н., Явлаштау авыл җирлеге башлыгы Нуриев Р.Х. ,«Саба» ҖЧҖ вәкиле Фазлыев А.К. котладылар һәм бүләкләр тапшырдылар. Аның алга таба да кадер-хөрмәттә яшәвен телибез!

Явлаштау урта гомуми белем бирү мәктәбе каршындагы «Кояшкай» җәйге лагеренда Татарстан Республикасының профилактик эшләр буенча Саба бүлекчәсе начальнигы  Ягафарова Гүзәл Назыйф кызы белән очрашу булды. Балаларга юл йорү куркынычсызлыгы кагыйдәләрен тагын бер кат искә төшерде. Төрле уеннар, кызыклы викториналар үткәрде

Явлаштау урта  мәктәбе каршындагы «Кояшкай» җәйге лагеренда «Иң матур чәчәк бәйләме» конкурсы үткәрелде

Дәүләт бәйрәме 1992 елдан башлап ел саен 12 июньдә, 1990 елның 12 июнендә РСФСРның дәүләт суверенитеты турында Декларация кабул ителгән көннән башлап билгеләп үтелә. Бу уңайдан Евлаштау урта гомуми белем бирү мәктәбенең мәктәп яны лагереның бер көне шушы бәйрәмгә багышланды. Көн асфальтта рәсемнәр конкурсы белән тәмамланды

Явлаштау авылыннан Шамилов Ринат “Җырла милләт-җырла Республика” конкурсында җиңеп, Болгар радиосы тарафыннан махсус бүләккә лаек булды  һәм район Сабантуенда бүләкләнде. Аны әлеге җиңүе белән котлыйбыз һәм алга таба да иҗади  уңышлар телибез.

Татарстан Республикасында Милли мәдәниятләр һәм гореф гадәтләр елы уңаеннан, халкыбызнын борынгы йолаларын, милли гореф – гадәтләрен халыкка кайтару максатыннан район авыл җирлекләре, оешма – предприятиелэр арасында оештырылган «Сабантуйга бирнә җыю» бәйгесендә Явлаштау авыл җирлеге 2 урынны  яулады. Барлык катнашучыларга һәм авыл халкына зур рәхмәтебезне белдерәбез.