ЯҢАЛЫКЛАР

Дәүләт бәйрәме 1992 елдан башлап ел саен 12 июньдә, 1990 елның 12 июнендә РСФСРның дәүләт суверенитеты турында Декларация кабул ителгән көннән башлап билгеләп үтелә. Бу уңайдан Евлаштау урта гомуми белем бирү мәктәбенең мәктәп яны лагереның бер көне шушы бәйрәмгә багышланды. Көн асфальтта рәсемнәр конкурсы белән тәмамланды

Явлаштау авылыннан Шамилов Ринат “Җырла милләт-җырла Республика” конкурсында җиңеп, Болгар радиосы тарафыннан махсус бүләккә лаек булды  һәм район Сабантуенда бүләкләнде. Аны әлеге җиңүе белән котлыйбыз һәм алга таба да иҗади  уңышлар телибез.

Татарстан Республикасында Милли мәдәниятләр һәм гореф гадәтләр елы уңаеннан, халкыбызнын борынгы йолаларын, милли гореф – гадәтләрен халыкка кайтару максатыннан район авыл җирлекләре, оешма – предприятиелэр арасында оештырылган «Сабантуйга бирнә җыю» бәйгесендә Явлаштау авыл җирлеге 2 урынны  яулады. Барлык катнашучыларга һәм авыл халкына зур рәхмәтебезне белдерәбез.

Явлаштау урта  мәктәбе   укучысы Галиева Айзиля Минзахит кызы  Татарстанда Милли мәдәниятләр һәм гореф- гадәтләр елына багышланган   Милли киемнәр район фестивалендә “Милли кием-милләтемә тугрылык ул!” номенациясендә 1 урынны яулады. Аны әлеге җиңүе белән котлыйбыз һәм алга таба да уңышлар телибез.

Явлаштау командасы район Сабантуенда мини-футбол буенча ярышларда 3 нче урынны алды

 Явлаштау авыл җирлеге  район Сабантуенда  бизәлгән җигүле атлар бәйгесендә катнашты.

Явлаштау авыл җирлегендә Сабантуй бәйрәме 11 июнь көнне Явлаштау авыл җирлегендә татар халкының милли бәйрәме-Сабан туе булып узды. Бәйрәм Явлаштау урта мәктәбе укучылары әзерләгән пролог белән башланып китте. Бәйрәмне район башлыгы  Минниханов Р.Н.  ачып җибәрде  , шулай ук барлык халыкны  "Акташ" ҖЧҖ генераль директоры Әхмәтов Газинур Абдулла улы,  Явлаштау авыл җирлеге башлыгы Нуриев Р.Х., «Саба» җаваплылыгы чикләнгән җәмгыятенең «Явлаштау» бригадасы идарәчесе Фазлыев А.К. котлады.

      Бәйрәмдә Казаннан профессиональ артистлар: Татарстанның халык артистлары Зәйнәп Фәрхетдинова һәм Зөфәр Билалов, Татарстанның атказанган артисты Фирдүс Тямаев, Россиянең атказанган артисты, Татарстанның халык артисты Айдар Фәйзрахманов һәм Татарстан Республикасының «Риваят "Дәүләт фольклор музыкасы ансамбле, "Ямьле" төркеме, "Ак-су" төркеме, Аида һәм баянчы Ринат Вәлиевлар чыгыш ясады.Бәйрәмне Татарстанның атказанган артисткасы Гөлназ Сәфәрова, Рәдиф Әхмәдиев һәм татар радиосы алып баручысы Байбулат алып барды.Сабантуйның үзенчәлеге - татар флайбордчыларының чыгышы булды.

     Кунакларга тәмле пылау, кайнар коймак һәм милли ризыклар белән чәй тәкъдим ителде. Балалар өчен бушлай аттракционнар һәм аниматорлар эшләде. Бәйрәм бик яхшы концерт программасы , кызыклы уеннар һәм зур бүләкләр белән бер сулышта узды. Әхмәтов Газинур Абдулла улына югары дәрәҗәдә Сабантуй оештырган өчен һәм барлык спонсорларга бүләкләр өчен зур рәхмәтебезне белдерәбез.

Саба районы Явлаштау авылында Сабантуй бәйрәменә бирнә җыю оештырылды

Явлаштау авыл җирлеге активы район үзэгендә уздырылган 9 май парадында катнашты

Бөек  Ватан сугышында катнашучылар истәлегенә  агачлар утыртылды