ЯҢАЛЫКЛАР

Мөселман кешесе яшәгән һәр йортта дисбе бар.Аны безнең әби-бабаларыбыз хөрмә жимеше төшеннән ясаганнар.Ә бүгенге көндә дисбе тезүнең бик күп төрле алымнары бар.Шушы яңа алымнарны кулланып, Явлаштау авыл китапханәсендә Ә.Каримуллин исемендәге Саба үзәк китапханә кызлары дисбе тезү буенча мастер-класс уздырдылар.Тезү тәртибе,төсләрне дөрес сайлау турында сөйләделәр.Балалар бу эшне бик яратып башкардылар,һәркайсының үз төсе,үз зәвыгы.Нәтижәдә бик матур дисбеләр барлыкка килде. Мастер-класста барлыгы 26 кеше катнашты.

Милли мәдәниятләр һәм гореф-гадәтләр елы уңаеннан 1май көнне Явлаштау авыл китапханәсе һәм мәдәният йорты хезмәткәрләре “Төсле бәйрәм” дип исемләнгән йомырка жыю бәйрәме оештырдылар.Бу традиция узган 2022 елда Яшьләр урамыннан башланып жибәрелгән иде, ә быел Г.Жәлилов урамында дәвам ителде.Балаларны һәр гаилә матур итеп каршы алды: төрле төстәге йомыркалар, конфет-печеньелар һәм башка тәм-томнар өләштеләр. Авылыбызның түбән очында яшәүче бердәм апаларыбыз урамнарны шарлар белән бизәп,өстәлләр әзерләп каршы алдылар.Төрле хәрәкәтле уеннар уйнатылды.Шундый йолаларыбызны саклап калсак балалар милли гореф гадәтләребезне онытмаслар,дәвам итәрләр дип ышанып әйтергә була.

Санитар-экологик икеайлык кысаларында  Явлаштау мәктәбе укучылары агачлар утырттылар.

Явлаштау авылыннан Вәлиев Илгиз Индус улы бильярд буенча район турнирында 3 урынны алды. Аны җиңүе белән котлыйбыз.

Бөек Ватан сугышында Җиңүнең 78 еллыгы уңаеннан җирлек башлыгы Нуриев Ренат Хәмит улы яшь армиячеләр белән бергә   Явлаштау авыл җирлегендә яшэуче тыл ветераннарын котладылар. Аларга ТР Рәисе һәм Саба муниципаль районы башлыгы исеменнән котлау открыткалары һәм күчтәнәчләр тапшырылды.

«Саба» җаваплылыгы чикләнгән җәмгыятенең Явлаштау бригадасында язгы кыр эшләре тулы көченә бара

Җаваплылыгы чикләнгән «Саба»җаваплылыгы чикләнгән җәмгыятенең Явлаштау бригадасында жирләрне чәчугә әзерләү эшләре башланды

13 апрель көнне Явлаштау мәдәният йортында “Милләт яме –йола, бәйрәмнәрдә” фестиваль конкурсы узды. Конкурста Шәмәрдән ашлык кабул  итү предприятиесе- ипи пешерү йоласын,күптармаклы коммуналь хезмәт күрсәтү оешмасы-киленгә су юлы күрсәтү йоласын,җаваплылыгы чикләнгән “Таиф-НК АЗС” җәмгыятенең  Шәмәрдән аерымланган  бүлекчәсе – Кич утыру йоласын күрсәттеләр.Чыгышлар бик зур җаваплылык белән ,тирән эчтәлекле итеп әзерләнгән иде һәм халык күңеленә бик хуш килде

5 апрельдә Евлаштау авылында ТНВ телеканалының «Халкым минем» тапшыруы өчен төшерүләр узды.

Авыл кешесе өчен иң җаваплы чор - елны туйдырырлык көннәр башланды. Җирдә эшләүдән тәм тапкан чын игенче-механизаторлар бу сәгатьләр җитүен алдан ук көтеп алдылар. Авыр, мәшәкатьле, тузанлы эш булса да, икмәк игүдән, азык-төлек муллыгы булдырудан да игелеклерәк, саваплырак хезмәт табылырмы?  Бу көннәрдә «Саба» җаваплылыгы чикләнгән җәмгыятенең Явлаштау бригадасында да язгы кыр эшләренә керештеләр.Бүгенге көндә кырларга ашлама кертү эшләре башланып китте.Башкарган эшләре уң булсын, һава шартлары уңай килеп, басулардан мул уңыш җыеп алырга язсын.