ЯҢАЛЫКЛАР

Явлаштау авылы территориясен төзекләндерү максатыннан, тузган торакны сүтү буенча эш башкарылды.

Явлаштау авыл җирлегендә территорияне төзекләндерү эшләре дәвам итә. Үлән чабу буенча эш  алып барыла.

Авыл территорияләрен комплекслы үстерү программасы буенча Мәктәп һәм Лесная урамнары буенча урам-юл челтәрен төзекләндерү эшләре бара.

Явлаштау авылының Яшьләр урамында юл ремонты төгәлләнде. Әлеге эшне МДСУ-1 оешмасы  башкарды.Барлыгы 260 м. юлга вак таш җәелде.

Явлаштау авыл җирлегенең ир-атлар командасы пляж волейболы буенча Саба районы чемпионатының зона ярышларында 2 нче урынны яулады.

19 июльдә "Явлаштау"командасы пляж футболы буенча Саба районы чемпионаты кысаларында "Шытсу"командасы белән очрашты һәм 5:2 исәбе белән җиңүгә иреште.. Киләчәктә дә уңышлар телибез.

Мишәбаш авылында АПК белгеченә 80х20 программасы буенча торак йорт төзелеше эшләре бара.

Явлаштау авыл җирлегендә «Хәтер шәме»акциясе узды. Бюджет учреждениеләре хезмәткәрләре, укучылар һәйкәл янына җыелды. Җирлек башлыгы митингта катнашучылар алдында әлеге датаның әһәмияте турында чыгыш ясады. Катнашучылар Хәтер шәмнәрен кабыздылар.

2021 елда индикаторларны үтәү нәтиҗәләре буенча Явлаштау авыл җирлеге  1 урынны яулап,  Саба муниципаль районы Дипломы белән бүләкләнде.

Явлаштау авыл җирлегендә Сабантуй бәйрәме 12 июнь көнне Явлаштау авыл җирлегендә татар халкының милли бәйрәме-Сабан туе булып узды. Бәйрәм Явлаштау урта мәктәбе укучылары әзерләгән пролог белән башланып китте. Бәйрәмне авыл җирлеге башлыгы Нуриев Р.Х. ачып җибәрде,район башлыгы исеменнән котлау сүзләре белән Башкарма комитет җитәкчесенең икътисад буенча урынбасары Баһманов М.М чыгыш ясады, шулай ук барлык халыкны «Саба» җаваплылыгы чикләнгән җәмгыятенең «Явлаштау» бригадасы идарәчесе Мөхетдинов А. Р. котлады. Бәйрәмдә Казаннан профессиональ артистлар: Татарстанның халык артисты Салават Фәтхетдинов, «Сэйдэш»бию торкеме, Динара Рәхимова, «Ямьле»төркеме,Лэйна һәм Эльвира Фазлиева чыгыш ясады. Бәйрәмне Татарстанның атказанган артисткасы Гөлназ Сәфәрова, Рәдиф Әхмәдиев һәм татар радиосы алып баручысы Байбулат алып барды. Бәйрәм бик яхшы концерт программасы , кызыклы уеннар һәм бик яхшы бүләкләр белән бер сулышта узды.