ЯҢАЛЫКЛАР

Саба районының Явлаштау авыл җирлегендә  яшь белгечләрне тораклы итү һәм авыл җиренә квалификацияле белгечләр тарту максатыннан Республика күләмендә «Яшь белгечләргә аренда торагы» программасы кысаларында йортлар төзелеп тора. Явлаштау һәм Мишәбаш авылларында 4 яңа йорт төзелеше бара.

Мишәбаш мәдәният йортында  җырчы Ришат Фазлыйәхмәтов концерты булды. Сәхнәдә эстрада һәм татар халык җырлары башкарылды. Тамашачылар концертны бик теләп карадылар, артистларның  һәр чыгышын тамашачылар кочле алкышлар белән каршы алдылар.

21 февраль көнне Явлаштау авыл җирлеге командасы Лесхоз бистәсенең чаңгы трассасында Саба районының авыл хуҗалыгы предприятиеләре һәм авыл җирлекләре арасында узган чаңгы ярышларында катнашты. 

15 февраль -Совет гаскәрләре Әфганстаннан чыгарылган көн. Сугышчы-интернационалистларны искә алу көне. Шул уңайдан 18 февраль көнне укучылар арасында хоккей ярышлары булып узды. Әлеге ярышларда Явлаштау, Тимершык, Шыңар, Эзмә урта мәктәпләреннән һәм Шекше төп мәктәбеннән командалар көч сынашты. Безнең егетләребез беренче урынга лаек булды. Җитәкчеләрен һәм хоккейчы егетләребезне уңышлары белән котлыйбыз!

«12» февраль көнне Явлаштау авыл җирлеге территориясендә «Лыжня России 2021»  -  «Лыжня Татарстана 2021»  массакүләм чаңгы ярышлары булып узды. Бу ярышлар халыкны спорт белән шөгыльләнүгә җәлеп итү һәм иң көчле чаңгычыларны ачыклау максатыннан оештырылды.

«9» февраль  көнне Явлаштау авыл җирлегендә халык җыены булып узды.

6 февраль көнне Явлаштау мәдәният йортында  "Саба" ҖЧҖ "Явлаштау" бригадасының отчет җыелышы булып узды. 

Саба районының Явлаштау авыл җирлегендә  яшь белгечләрне тораклы итү һәм авыл җиренә квалификацияле белгечләр тарту максатыннан Республика күләмендә «Яшь белгечләргә аренда торагы» программасы кысаларында йортлар төзелеп тора. Явлаштау һәм Мишәбаш авылларында 4 яңа йорт төзелә башлады.

Мишәбаш авылында яшәүче Нуруллина Хамсана Минһаҗ кызы 90 яшьлек юбилеен билгеләп үтте. Юбилярга Явлаштау авыл җирлеге башлыгы Нуриев Р.Х. Россия президенты Путин В.В. котлавын һәм бүләкләр тапшырды.

Явлаштау авыл җирлеге клубларында Иске Яңа елга багышланган чаралар узды. Әлеге чараларда авыл халкы да актив катнашты.