ЯҢАЛЫКЛАР

"Ватанны саклаучылар" елы уңаеннан Явлаштау авылының Г.Җәлилов урамында яшәүчеләр "Бирнә җыю"йоласы вакытында хәрби тематикага күргәзмә оештырдылар. Барлык катнашучыларга да авыл тормышында актив катнашулары өчен олы рәхмәтебезне белдерәбез.

22 май көнне Саба мәктәбендә «Без-Россия гражданнары!" проекты кысаларында Явлаштау урта мәктәбе укучылары паспорт алдылар. Оештыручылар - "Яшьлек" яшьләр үзәге һәм "беренчеләр хәрәкәте"нең җирле бүлеге. Мәртәбәле кунаклар: - Рәис Нургали улы Миңнеханов, Саба районы башлыгы; - Айсинә Рөстәм кызы Нәгыймова, ТР Яшьләр министрлыгының «Патриот» үзәге директоры урынбасары. Алар балаларны бу мөһим үсеш чоры белән котладылар, аларга үз иле белән горурлануларын, уңышка омтылуларын һәм Россиянең лаеклы гражданнары булуларын теләделәр.

18 май көнне Сулә авыл мәдәният йорты, Корсабаш мәдәният йорты һәм китапханә хезмәткәрләре, үзешчән артистлар белән берлектә, Явлаштау мәдәният йортында "Кайнана" (комедия) спектаклен куйдылар. 

 Явлаштау урта мәктәбе укытучысы Рәмзия Хәмит кызы Хаҗиева үзенең 55 яшьлек юбилеен билгеләп үтте. Юбилярны хезмәттәшләре, укучылары, укытучы-ветераннар һәм Евлаштау авыл җирлеге башлыгы Нуриев Ренат Хәмит улы котлады.

Җиңүнең 80-еллыгын бәйрәм итү уңаеннан район җитәкчелеге тыл ветераннарын бәйрәм белән котлады. Ветераннарны котлауда авыл җирлеге Башлыгы Нуриев Ренат Хәмит улы, Саба муниципаль районының Финанс-бюджет палатасы рәисе Сөнгатов Шәмсун Әкбәр улы һәм Юнармия хәрәкәте вәкилләре катнашты.

8 май конне Мишәбаш авылында Бөек Ватан  сугышында катнашкан авылдашларны искә алу митингы булып узды. Бәйрәмдә катнашучыларны Саба муниципаль районы җитәкчелеге исеменнән Саба муниципаль районының Финанс-бюджет палатасы рәисе Сөнгатов Шәмсун Әкбәр улы  котлады. Мәктәп коллективы һәм балалар бакчасы балалары чыгышыннан соң  митинг һәйкәлгә чәчәкләр салу һәм истәлек агачлары утырту белән  тәмамланды.

8 май көнне Явлаштау авылында Бөек Җиңүнең 80 еллыгына багышланган митинг булып узды. Бәйрәмдә катнашучыларны Саба муниципаль районы җитәкчелеге исеменнән Саба муниципаль районының Финанс-бюджет палатасы рәисе Сөнгатов Шәмсун Әкбәр улы котлады . Митингка авыл халкы һәм кунаклар, мәктәп укучылары һәм укытучылар коллективы,балалар бакчасы хезмәткәрләре һәм тәрбияләнүчеләре, авыл җирлегенең хезмәт коллективлары һәм мәдәният йорты хезмәткәрләре җыелды. Сугыш чоры җырлары, җиңү турында шигырьләр, биюләр яңгырады. Митинг һәйкәлгә чәчәкләр салу белән тәмамланды.

23 апрель көнне Евлаштау мәдәният йортында Зөлфәт Хәкимнең  пьесасы буенча төшерелгән "Телсез күке"кинофильмын күрсәттеләр

18 апрельдә Бөек Ватан сугышында Җиңүнең 80 еллыгын бәйрәм итү уңаеннан җирлек башлыгы Нуриев Ренат Хәмит улы һәм Саба районара почтамп начальнигы Заһидуллин Рафил Рафаэль улы яшь армиячеләр белән бергә Евлаштау авыл җирлегенең тыл ветераннарын котладылар. Аларга Татарстан Республикасы Рәисе исеменнән котлау открыткалары һәм күчтәнәчләр тапшырдылар.

«Саба " ҖЧҖнең Евлаштау бригадасында бар куәткә язгы кыр эшләре бара