ЯҢАЛЫКЛАР

8 февраль көнне  Явлаштау мәдәният йортында “Белем Шоу-Каюм Насыйри зирәклегенә 200 ел” дип исемләнгән интеллектуаль уен узды

6 февраль көнне Явлаштау мәдәният йортында гражданнар җыены булып үтте

Алкалы хоккей буенча Саба районы Чемпионатының зона уеннарында "Евлаштау-Мешабаш" командасы 2 урынны яулады. Командага финал уеннарында уңышлар телибез!

31 гыйнвар көнне Явлаштау авыл китапханәсе һәм мәдәният йорты хезмәткәрләре 1 класс укучылары өчен «Китапханә- китаплар йорты» дип исемләнгән экскурсия – танышу үткәрделәр. 

Явлаштау һәм Шекше авыл китапханәсе хезмәткәрләре Мишәбаш авылындагы китап бирү пунктында «Сәйләннән сумкалар үрү» дигән мастер-класс үткәрделәр. 

2025 елда беренче татар республика газетасы «Татарстан яшьләре»чыкканга 105 ел тула. Әлеге әһәмиятле басманың юбилее-журналистика өчен генә түгел, бөтен татар мәдәнияте өчен дә әһәмиятле вакыйга. Үзенең озак тарихында редакция берничә тапкыр исемен һәм форматын үзгәртте, ләкин үз укучылары өчен һәрвакыт кызыклы һәм файдалы булып калды. Бу юбилей уңаеннан Явлаштау авыл китапханәсендә «Ак калфак» клубы өчен «Безнең яраткан газетабызның туган көне» дип исемләнгән вакытлы матбугатка күзәтү үткәрелде. Чарада газетаның бай тарихы тәкъдим ителде, ул күпләрдә сагыну уята. Катнашучылар бу басма турындагы истәлекләре белән уртаклаштылар һәм аларны «Татарстан яшьләре» белән бәйли торган төрле кызыклы тарихлар сөйләделәр.

Явлаштау авыл китапханәсе 15 гыйнвар көнне татар язучысы Шәйхи Маннурның тууына 120 ел тулу уңаеннан «Әдипнең күңел бакчасы» дип исемләнгән әдәби сәгать үткәрде. 

Иске Яңа елда Явлаштау мәдәният йорты һәм китапханә хезмәткәрләре традицион рәвештә лотерея билетлары уйнаттылар.

Явлаштау авыл китапханәсе һәм мәдәният йорты хезмәткәрләре балалар өчен «Яңа ел ыгы-зыгысы» дигән күңелле бәйрәм оештырдылар. 

Явлаштау авыл китапханәсендә кышка багышланган “Кыш турында укыйбыз”  дигән шигъри күзәтү үткәрелде.